其實講咗咁多我係想借講自己心路歷程想表達自己砌模型嘅目的同態度
就係我自己模型本身唔係愛嚟俾人睇/乜乜物物
而係好似啲人寫日記/影相咁
係種將嗰段時間最主要嗰份思緒紀錄落嚟嘅行為嚟
即係, 我鍾意高達嘅時候, 高達劇情內容對我思緒有影響, 霸佔咗我腦海嘅幻想
咁我就會想砌隻高達, 喺砌嘅過程諗點樣加工係令自己對高達嘅思緒慢慢沈澱
件成品未必係好睇或者好關本身想像嘅事
而係完成咗之後, 我自己望返佢會pop up返當初嘅思緒, 當時嘅感受
因為經過長時間嘅思緒沈澱其實係深刻嘅, 但未必無時無刻都會keep到
不過望返就會發現, 當初有過一個咁樣嘅自己咁
我唔知咁樣算唔算過份美化成件事啦, 但對於我自己嚟講
人生起伏咁多, 總需要搵到啱自己嘅方法去抒發