有冇人同我一樣覺得粵文就嚟要死？

個個人都打撚錯晒啲粵字
無論係喺連登定係instagram或者係Facebook
永遠都可以見到有人打錯字
係喺嘅既咗左不分已經係常態
呢啲都算啦
但係連公眾人物/廣告都打錯
就真係會令人好䒐䒏...

最弊係當你出post同人講有呢啲問題嘅時候
永遠都會有人屌你grammar nazi
正字魔人
完全覺得冇問題

大佬你打錯字但唔影響意思就梗係冇問題啦
但係你打錯字會影響到意思就好有問題

例子
我係香港
（我是香港）

我喺香港
（我在香港）


大膽估計未來十年啲5p字會出返晒嚟


有冇人有同感？

是但啦，溝通到就得

有啲5p撚
頭像仲係"好L鍾意香港"
佢咁黃 唔屌得嘅

既然溝通到就得，咁點解唔用書面語而一定要用粵文？

你識唔識LSHK粵拼

䒐䒏，Google返讀音先知咩字

而家學緊