我和鄰居大姐姐的故事（8）
葉開葉開
1001 回覆
539 Like
3 Dislike
快
死人架
只能夠講佢地既緣分未完晒
今晚應該會睇得出小小
多謝支持
又會加更，放心
係
呢個真係唔知，完左熙故先
故黎咋
一百六十九點五
（葉佩儀視角）
我地幾個同死人必同垃圾熙嗌完交已經幾個月，唔經唔覺已經黎到五月份。
唔駛見到死人必，呢幾個月真係耳根清靜。
…
…
…
好似有啲空虛…
同寂寞。
…
唔係，絕對冇啲咁既事。
我從沉思中回過神來，望住坐左響陳日朗隔離既淇淇。
而家既時間係午餐時間，我同淇淇、欣欣，同陳日朗同埋佢另一個朋友余嘉成去左附近一間茶餐廳食飯。
雖然淇淇而家好似平時一樣咁同陳日朗佢有傾有笑，但作為佢既好姐妹我平時係會見到佢不經意流露出黎果種傷感。
而且自從阿熙同死人必唔同我地一齊玩之後，陳日朗就對淇淇獻百般殷勤，我覺得佢係想追淇淇。
明明午餐不嬲都係我坐淇淇隔離，佢而家死都要霸住淇淇隔離個位，其實淇淇都好困擾，只係唔好意思開聲話佢。
如果係異性既，佢只係希望某人坐響佢隔離。
另外，差唔多同嗌交一事同一時間，余嘉成就由陳日朗介紹加入黎我地既圈子入面。
你話我有啲衰都係咁講，我覺得余嘉成加入我地個圈子既目標係漁翁撒網咁追到我同欣欣其中一個。事實上我聽到既，佢既目標應該唔止我地兩個咁少。
我就識保護自己，但欣欣呢？
講起上黎，自從果次同死人必仲有阿熙嗌完交之後，陳日朗就成日向我地講一啲佢話收到返黎有關阿熙既消息…而且仲係負面居多…
仲要有相影到垃圾熙同個中一學妹一齊，又話佢地已經拍緊拖…
但奇怪既係，得佢同佢幾個朋友先同我地咁講，其他人係從來冇傳出過垃圾熙拍拖既消息。
唔…
*
放學之後，我、淇淇同欣欣去左附近麥○勞食雪糕，順便開個女子會。
自從好耐之前由陳日朗口中聽到果個關於垃圾熙拍拖既消息之後，淇淇就成日都悶悶不樂。
呢啲佢就算平日扮到冇事繼續咁開朗，但點會瞞得過我呢個好姐妹？
就好似而家咁，淇淇食食下個朱古力新地停左響度，淨係督杯朱古力新地，不經意咁露出一副皺眉思考緊既表情…
而且自從我上次食飯無端端諗到一個可能性之後，我就開始覺得同死人必絕交之前佢講過既野，唔係冇可能…
只係當時我冇信過死人必啫。
「其實，想搵返阿熙既咪去搵返人囉。」我突然開口道。
「下？」淇淇同欣欣突然抬頭露出一副驚訝既表情。
「淇淇，我同緊妳講呀。」我道：「呢幾個月以黎妳都為左佢而好唔開心。既然係咁，不如直接搵佢問清楚喇。」我頓了一頓，終於決定將心入面果句都講埋出黎：「阿朗同妳講完之後幾日，我見到妳返學既時雙眼都有小小腫，我果陣唔想妳難堪所以冇講出黎，但係妳唔駛所有野都收收埋埋，信下妳既好姐妹，我地可以幫妳分擔架。」
欣欣都點一點頭。
其實聽到個消息我相信欣欣都好唔開心。
「但係…我咁耐冇搵佢…點樣突然開口問佢喎…」淇淇好似終於有啲動搖：「況且…果日我地都係親眼見到…」
「見到咩？」我皺眉道：「個中一妹妹仔坐響佢隔離？但係咁代表咩？」
「但係…係阿朗話…而且仲有啲相…」
「妳有冇諗過阿朗會呃我地？」我指出重點。
「下？」
「由頭到尾都係阿朗同佢啲朋友話阿熙同個中一妹妹仔拍拖咋嘛？」我道：「唔係咩？妳有聽其他人咁傳過咩？」
淇淇個樣好似有啲震驚，應該完全冇諗過呢個可能性。
「欣欣，妳覺得呢？」我問。
「我…我…我都唔知…」欣欣低頭道：「我淨係…知…知個學妹成日上黎搵…搵阿熙…」
「咁妳覺得佢地係唔係拍緊拖吖？」我追問。
「我…我都唔知…」欣欣把聲細到冇得再細…
不過，佢咁內向，對呢方面無從判斷都唔奇。
「既然唔知，即係唔肯定喇？」我決斷地道：「唯一一個方法，就係直接問阿熙或個中一妹妹仔。」
「但係…」淇淇猶豫地道。
「又或者…」我諗起死人必個樣：「可以問下佢既好朋友先…」
*
一到小息，我就走到去2E門口…
點解我好似有啲緊張咁既…？
葉佩儀呀葉佩儀，妳係幫緊淇淇去打聽啲消息架咋，有乜野好緊張？
我望入去課室入面，然後就見到死人必同幾個幾mk既同學響課室既角落傾緊計。
我深呼吸一口氣，就邁步行入去。
2E班應該係成績最差果一班，放小息既時候氣氛都同我地2A班好唔同，彌漫住散漫既氣氛。
「喂靚女，搵人呀？」我經過頭排座位有個其貌不揚好似老鼠但又好自信既男仔對我話。
「係呀。」我嘗試保持禮貌咁回答佢。
「係咪搵我呢？」呢個男同學賊眉賊眼地笑道。
「唔係。」
我仲諗住行過去搵死人必，點知個男仔突然拉住我隻手唔放，道：「咁我搵妳咪得囉～靚女，坐低傾下計先喇。」
「喂，放手呀！」我皺眉掙扎，想fing開老鼠男：「我又唔識你，你咁樣好乞人憎呀！」
「而家唔識啫，傾多幾次計咪識囉！」老鼠男真係厚顏無恥。
「放手呀！」
呢個時候，一把熟悉既聲音響起。
「柏文，你唔係對男人婆有興趣下嘛？」我轉過身，見到死人必一副嘻嘻笑既樣，但語氣中有一股壓力：「唔係就放手喇？」
老鼠男即刻舉起雙手：「冇野，冇野，玩下啫，必哥！」
死人必好大力咁拍落老鼠男張枱度，但仲係嘻嘻笑咁道：「咁下次記得搵第二樣玩喇。男人婆都好玩既？屌你老母。」
老鼠男道：「係既係既！」
死人必先好滿意咁點點頭：「Good dog！」
唔知點解，呢一刻我心入面流過一陣暖流，仲覺得…死人必個樣都冇咁死人…
「喂！八婆！」死人必轉過頭向我道：「好耐冇見喇喎！黎搵我呀？」
我收返上面果句。
「冇人黎搵你喎！八公！」我賭氣道。
「咁我走喇，八婆。」阿必作狀轉身走。
「喂！係淇淇呀！」我急道，我要幫我好姐妹架：「佢想問你啲野！」
「下？」
*
我同死人必出左走廊。
「冇可能喎！」死人必皺眉道：「我都冇聽過阿熙拍拖…仲要同果條中一大波妹…妳地究竟響邊度聽返黎架？」
「你唔好理！」
不過，果然同我預計既一樣。
「不過…呢啲野最好都係直接問佢喇。」死人必道：「不如放學我陪你地搵個地方坐低傾下喇？」
…
「好…」的確，呢個始終都係最好既方法。
「咁記得放學妳過黎搵我喇。」
！！
「點解要我過黎？你黎唔得既！」
久違既爭吵，又開始了…
（待續）
（葉佩儀視角）
我地幾個同死人必同垃圾熙嗌完交已經幾個月，唔經唔覺已經黎到五月份。
唔駛見到死人必，呢幾個月真係耳根清靜。
…
…
…
好似有啲空虛…
同寂寞。
…
唔係，絕對冇啲咁既事。
我從沉思中回過神來，望住坐左響陳日朗隔離既淇淇。
而家既時間係午餐時間，我同淇淇、欣欣，同陳日朗同埋佢另一個朋友余嘉成去左附近一間茶餐廳食飯。
雖然淇淇而家好似平時一樣咁同陳日朗佢有傾有笑，但作為佢既好姐妹我平時係會見到佢不經意流露出黎果種傷感。
而且自從阿熙同死人必唔同我地一齊玩之後，陳日朗就對淇淇獻百般殷勤，我覺得佢係想追淇淇。
明明午餐不嬲都係我坐淇淇隔離，佢而家死都要霸住淇淇隔離個位，其實淇淇都好困擾，只係唔好意思開聲話佢。
如果係異性既，佢只係希望某人坐響佢隔離。
另外，差唔多同嗌交一事同一時間，余嘉成就由陳日朗介紹加入黎我地既圈子入面。
你話我有啲衰都係咁講，我覺得余嘉成加入我地個圈子既目標係漁翁撒網咁追到我同欣欣其中一個。事實上我聽到既，佢既目標應該唔止我地兩個咁少。
我就識保護自己，但欣欣呢？
講起上黎，自從果次同死人必仲有阿熙嗌完交之後，陳日朗就成日向我地講一啲佢話收到返黎有關阿熙既消息…而且仲係負面居多…
仲要有相影到垃圾熙同個中一學妹一齊，又話佢地已經拍緊拖…
但奇怪既係，得佢同佢幾個朋友先同我地咁講，其他人係從來冇傳出過垃圾熙拍拖既消息。
唔…
*
放學之後，我、淇淇同欣欣去左附近麥○勞食雪糕，順便開個女子會。
自從好耐之前由陳日朗口中聽到果個關於垃圾熙拍拖既消息之後，淇淇就成日都悶悶不樂。
呢啲佢就算平日扮到冇事繼續咁開朗，但點會瞞得過我呢個好姐妹？
就好似而家咁，淇淇食食下個朱古力新地停左響度，淨係督杯朱古力新地，不經意咁露出一副皺眉思考緊既表情…
而且自從我上次食飯無端端諗到一個可能性之後，我就開始覺得同死人必絕交之前佢講過既野，唔係冇可能…
只係當時我冇信過死人必啫。
「其實，想搵返阿熙既咪去搵返人囉。」我突然開口道。
「下？」淇淇同欣欣突然抬頭露出一副驚訝既表情。
「淇淇，我同緊妳講呀。」我道：「呢幾個月以黎妳都為左佢而好唔開心。既然係咁，不如直接搵佢問清楚喇。」我頓了一頓，終於決定將心入面果句都講埋出黎：「阿朗同妳講完之後幾日，我見到妳返學既時雙眼都有小小腫，我果陣唔想妳難堪所以冇講出黎，但係妳唔駛所有野都收收埋埋，信下妳既好姐妹，我地可以幫妳分擔架。」
欣欣都點一點頭。
其實聽到個消息我相信欣欣都好唔開心。
「但係…我咁耐冇搵佢…點樣突然開口問佢喎…」淇淇好似終於有啲動搖：「況且…果日我地都係親眼見到…」
「見到咩？」我皺眉道：「個中一妹妹仔坐響佢隔離？但係咁代表咩？」
「但係…係阿朗話…而且仲有啲相…」
「妳有冇諗過阿朗會呃我地？」我指出重點。
「下？」
「由頭到尾都係阿朗同佢啲朋友話阿熙同個中一妹妹仔拍拖咋嘛？」我道：「唔係咩？妳有聽其他人咁傳過咩？」
淇淇個樣好似有啲震驚，應該完全冇諗過呢個可能性。
「欣欣，妳覺得呢？」我問。
「我…我…我都唔知…」欣欣低頭道：「我淨係…知…知個學妹成日上黎搵…搵阿熙…」
「咁妳覺得佢地係唔係拍緊拖吖？」我追問。
「我…我都唔知…」欣欣把聲細到冇得再細…
不過，佢咁內向，對呢方面無從判斷都唔奇。
「既然唔知，即係唔肯定喇？」我決斷地道：「唯一一個方法，就係直接問阿熙或個中一妹妹仔。」
「但係…」淇淇猶豫地道。
「又或者…」我諗起死人必個樣：「可以問下佢既好朋友先…」
*
一到小息，我就走到去2E門口…
點解我好似有啲緊張咁既…？
葉佩儀呀葉佩儀，妳係幫緊淇淇去打聽啲消息架咋，有乜野好緊張？
我望入去課室入面，然後就見到死人必同幾個幾mk既同學響課室既角落傾緊計。
我深呼吸一口氣，就邁步行入去。
2E班應該係成績最差果一班，放小息既時候氣氛都同我地2A班好唔同，彌漫住散漫既氣氛。
「喂靚女，搵人呀？」我經過頭排座位有個其貌不揚好似老鼠但又好自信既男仔對我話。
「係呀。」我嘗試保持禮貌咁回答佢。
「係咪搵我呢？」呢個男同學賊眉賊眼地笑道。
「唔係。」
我仲諗住行過去搵死人必，點知個男仔突然拉住我隻手唔放，道：「咁我搵妳咪得囉～靚女，坐低傾下計先喇。」
「喂，放手呀！」我皺眉掙扎，想fing開老鼠男：「我又唔識你，你咁樣好乞人憎呀！」
「而家唔識啫，傾多幾次計咪識囉！」老鼠男真係厚顏無恥。
「放手呀！」
呢個時候，一把熟悉既聲音響起。
「柏文，你唔係對男人婆有興趣下嘛？」我轉過身，見到死人必一副嘻嘻笑既樣，但語氣中有一股壓力：「唔係就放手喇？」
老鼠男即刻舉起雙手：「冇野，冇野，玩下啫，必哥！」
死人必好大力咁拍落老鼠男張枱度，但仲係嘻嘻笑咁道：「咁下次記得搵第二樣玩喇。男人婆都好玩既？屌你老母。」
老鼠男道：「係既係既！」
死人必先好滿意咁點點頭：「Good dog！」
唔知點解，呢一刻我心入面流過一陣暖流，仲覺得…死人必個樣都冇咁死人…
「喂！八婆！」死人必轉過頭向我道：「好耐冇見喇喎！黎搵我呀？」
我收返上面果句。
「冇人黎搵你喎！八公！」我賭氣道。
「咁我走喇，八婆。」阿必作狀轉身走。
「喂！係淇淇呀！」我急道，我要幫我好姐妹架：「佢想問你啲野！」
「下？」
*
我同死人必出左走廊。
「冇可能喎！」死人必皺眉道：「我都冇聽過阿熙拍拖…仲要同果條中一大波妹…妳地究竟響邊度聽返黎架？」
「你唔好理！」
不過，果然同我預計既一樣。
「不過…呢啲野最好都係直接問佢喇。」死人必道：「不如放學我陪你地搵個地方坐低傾下喇？」
…
「好…」的確，呢個始終都係最好既方法。
「咁記得放學妳過黎搵我喇。」
！！
「點解要我過黎？你黎唔得既！」
久違既爭吵，又開始了…
（待續）
賤婦 終於知錯啦咩 仲唔含
利申：忠誠反淇派
利申：忠誠反淇派
八公八婆條線出撚到 
好好笑
好好笑淇淇響大將軍嘅路上又行遠咗
加更
阿必係2E變撚咗大佬
但對住阿熙都係鐘意做返on9仔
但對住阿熙都係鐘意做返on9仔
點解周圍都咁多人quote 文 可唔可以唔好quote 啊
加更還加更
咪撚再quote文得唔撚得
咪撚再quote文得唔撚得
屌你老母quote文撚死全家
與其碌條金剛棒倒不如撳個掣算
Push
Push
中學咁多mk狗公嘅咩好似有啲多 推
好似有啲多 推瑜珈成?印度黎架?
今晚或明晚加更，視乎我寫唔寫得切