[坦克戰渣古] 一年戰爭裝甲兵戰記

sor襟錯負皮

少事

終於有太空坦克同聯邦方面既原作人物出現

話哂係寶少第一條鐘意既女,點都要出場

等緊睇閃光的哈薩維

勇哥揸吉姆之前係太空坦克？
唔熟設定，但幾搞鬼。唔知佢會唔會用嚟肉搏
將Exam 系統裝落太空坦克到應該好過癮

好明顯樓主原創啦

Live jor

冇理由咁早整隻gm玩
唯有出左量產型太空坦克

樓主有新文未呀

今日開始準備趕工

加油樓主，係奧迪沙等你

希望今年內上到太空
依家目標1個禮拜1篇

第十八章 –- 量產型太空坦克初戰

「報告長官，我地遊擊隊已經準備好放火。」

「好各單位注意，依家開正式開始攻擊里耶卡後勤基地!」加島勇少尉發號司令發動第一輪的攻勢。

爆炸聲在後勤基地的附近響起，遊擊隊的士兵利用手中的鐵拳和輕型迫擊砲向自護軍基地發動攻擊。這時被爆炸聲驚醒的自護軍馬上響起警鐘喚醒其他守備人員準備作戰。

我軍的2個裝甲排亦迅速衝過去後勤基地殺過自護軍一個措手不及，我留下了B排作護衛之用。

「目標前方渣古!距離1200米!加農炮發射!!」在加島勇少尉的帶領之下，3部量產型太空坦克開始向敵軍的MS發炮，自護軍的一部渣古被2門大口徑的加農炮彈直接命中，機體的裝甲承受不住炮彈的直接打擊，倒在地上成為一堆廢鐵。

自護軍的剩餘部隊看清了太空坦克的火力雖強但機動力差及移動緩慢的缺點後，馬上呼叫部隊向太空坦克所在地發動攻勢。

「貝利，馬上去補位擋住自護軍。」貝利馬上將他的排佈署在太空坦克的前方開炮迎擊。自護軍的剩餘2隻渣古連忙躲開穿甲彈，但此舉成功為太空坦克爭取了移動角度的時間。

「太空坦克2號!3號!發炮!!」太空坦克又一次準備向渣古發動炮擊，一隻渣古的右手被加農炮炸碎，另外一隻正想用手中的120MM機關炮向太空坦克射擊時，它算漏了在地上挖了數個洞的伏兵。

「各車自由射擊! 自由射擊!」我連部所在的數架61式戰車向渣古射出堅固的穿甲彈，整隻渣古雙手都被打爛，失去平衡倒在地上。它正想用背包引進器起身的時候再被我軍的坦克瞄準駕駛倉。

「永別啦!」那隻渣古上升的時候毫無防備的正面被我們迎頭痛擊，身體都被爆爛得七凌八落。失去渣古掩護的自護軍步兵很快就失去抵抗能力，在面對太空坦克的榴彈砲強大火力之下，剩餘的自護軍部隊只能四處逃命。

在太空坦克的加農炮連續射擊之下，自護軍的後勤基地已成火海，1個小隊的太空坦克火力堪比一個自走炮兵營，只不過這次作戰也明顯地展露出太空坦克的短板，單獨面對渣古的時候生存力慘不忍睹。

作戰結束後我們亦不敢停留太過久敵佔區，於是馬上呼叫米迪亞瑪姬路達中尉接送我們離開現場。在空地等候米迪亞降落的時候，我命令C連的部隊在外圍警戒，以防自護軍的部隊發生突襲。

我看見加島勇少尉從太空坦克的駕駛倉出來的時候沒有太多喜悅的表情，我便走過去問問發生什麼事。

「少尉，作戰成功左亦成功試驗到太空坦克，點解你好似仲唔開心既?」

「我想要既係更加強既力量，今次實驗既炮擊型MS唔太岩我揸，黎緊我地會返北美新伯恩基地繼續進行唔同型號既MS既測試。」

「吓，我地仲有研發緊唔同款既MS?」

「當然啦，我地進步既同時敵軍都會進步，只靠太空坦克都唔能夠令我地獲得勝利，只能夠同你講聯邦軍大規模反攻的日子好快就會來臨，到時我地就有足夠既力量可以將自護軍掃出地球…」

不知道是不是有什麼經歷才令加島勇少尉對於力量如此渴求，此時通訊器亦傳來通知，瑪姬路達中尉的米迪亞機隊將於15分鐘後降落地面。

第一架的米迪亞運輸機順利降落在地面後，我命令A排的士兵率先登上運輸機安置好坦克和裝甲車，我則帶著艾琳走到加島勇少尉面前並伸出右手握手。

「巴克利中尉，祝你一路順風，希望我地能夠係大反攻之日可以再次相見~」

「我都希望你為聯邦軍測試到更加多MS，祝你好運。」正當所有人準備登上運輸機起飛之時，自護兵的援兵亦已經趕到。

幹練的瑪姬路達中尉發現到自護軍來襲的情況下，已經馬上呼叫在我們上空附近負責支援的FF-4戰鬥機下降支援。

「FF-4中隊，依到係米迪亞，我地機隊已經開始升空，預計敵軍會派出多普戰鬥機向我軍截擊，係空中既掩護麻煩你地。」

「FF-4收到，我地距離你地機隊唔夠幾千米既高度，隨時可以準備截擊敵軍戰鬥機~」

「米迪亞各機注意，注意隨時有敵方多普來襲，機槍手準備好對空防禦!」米迪亞運輸機的武裝只有2座雙聯裝對空機槍，基本上只能自保。我們的裝甲連在空中基本上完全沒有發揮的空間，一切都只能依賴瑪姬路達的指揮，心裹感覺。

「巴克利中尉，今次我地有空軍護航，你可以安心坐係座位寫埋你份報告~」瑪姬路達中尉展露出一如以往自信的笑容，頓時令我有些緊張的心放下來。

「報告，左方發現3架多普戰鬥機，距離5000。」

「全體加速準備爬升，所有機槍對準左方敵軍目標。」

「發現敵方射出空對空導彈，距離3500。」米迪亞的運輸機內不斷響起被鎖定的警報聲。

「全體向右，大仰角迴避!發射熱誘彈!」在瑪姬路達的指標之下，6架的米迪亞散發出無數的熱誘彈，自護軍利用紅外線來引導的空對空飛彈被高溫的熱誘彈吸引開來偏離原定射擊的目標。

在上方的FF-4也快速地趕到交戰的位置，FF-4托里亞斯機身輕巧，雖然火力較弱，在聯邦軍中攻擊的主力已經由FF-S3劍魚取代。但FF-4在速度上吊打多普，往往FF-4進行一輪攻擊完後，多普雖然利用機身大量的輔助推進器可以迅速調整姿勢，但也未能即時跟上追擊FF-4。

在此消彼長之下多普的續航能力也差不多完蛋了，剩餘的多普也返回地面放棄追擊我們，我地的米迪亞運輸機在爬升至巡航高度後開始減低引擎的功效，機身也漸趨平靜，也代表了剛才的一輪空戰已經告終。

在有驚無險之下，我們一行人終於安全返回到波昂空軍基地。在我落機之後等待我的不是美女和美酒，而是尊敬的上校大人副官，我馬上就被副官抓到上校的指揮部交代是次作戰的成果和加島勇少尉所屬部隊的資料。Shit，好事總輪不到我~

歡迎主角回營

9月寶少就會係side 7 搞事
睇返0079 動畫都係畫左3,4個月既野

富野個劇本編得幾急
3個月就由side7飛到落地球再環遊一圈上返宇宙爆樣。如果時間線拉返長到半年或者9個月可能合理少少。
寶少三個月密集戰鬥變王牌，堅係癲。

利申：我唔係富野或者安彥，又唔識日文，無咩睇編導解說，純個人睇法。

不過依家睇返多d資料先知其實8,9月自護軍都開始有頹勢
依樣同意，0079個故仔放長去到1年都真係ok
咁密集戰鬥真係人都癲

從現實考慮，估計係資源不足戰線太長，本國支援補充唔到戰損。
我個人諗法係宇宙用機落到地球其實個優勢無想像中咁大，唔足以用質素壓到聯邦嘅物資數量優勢。

根據網上評論，派系角力加研發重疊又百花齊放，（我理解係老虎同大魔、強人同勇士，仲有查布羅四聖獸、阿凱同蟹果種），令到生產零件唔一致，浪費咗唔少時間同資源，更令補給問題雪上加霜。

自古以來，上乘將領都係盡可能集合優勢兵力同物力，然後再講適合嘅戰略同戰術。基連試圖用精神力同詭兵詐術去彌補戰力嘅不足，攻敵不備去換取政治勝利或者得嘅，但長期戰唔可能囉。

所以就有後期馬克貝個ms整合計畫，依樣野都令自護軍戰力勁左

如果以自護同聯邦既人口比例，差距仲大過同盟國同軸心國好多，自護軍仲要主動下降地球，直頭死路一條

同埋你都講左派系鬥爭既問題，唔止ms公司，就連扎比家自己都打餐死

宋瓷愛好者個計劃太遲。衰鬼正經嘢唔做搞到輸啦

勇士可以早啲普及，星一號作戰可能無咁順利。

後黎自護軍d老兵都換唔切機，新兵就用勇士