[阻你五分鐘] 各位英國巴絲，登記咗做選民未？

幫推

已經抵埗定準備出發？
呢個目錄應該最齊：
https://t.me/UKHKIndex/7

唔該晒

再自推一下

其實睇你council tax登記資料

唔該哂

唔關 council tax 事，因為一戶人可以有好多個人頭，但係 council tax 淨係用其中一個人嘅名登記。

問你攞 NI number 係想靠稅局紀錄嚟對照你個國籍，防止同一個人重覆登記，同埋防止撞名嘅人炒埋一碟。

睇呢位巴打答案：
https://lih.kg/aMDDQgV

英國投票好簡單，背啱全名同地址就有得投票。最好帶投票卡但係唔一定要帶，亦都唔使帶身份證明文件。（不過今年疫情所以要戴口罩。）票站唔只有票站職員，仲有各大黨派嚟數人頭嘅監票街坊，所以有人作賊心虛嘅話其實好易畀人識穿。

至於候選人單張呢，而家未收到係正常嘅。因為提名期今個禮拜先截止，仲有四個禮拜先投票，唔使心急。

話英國政府（或者保守黨）收 BNO 係各取所需又唔係冇道理嘅。

歐盟移民係自由移民，所以嚟嘅多數係後生，歐洲人喺經濟政策方面平均比英國人更加支持福利主義。相比之下香港人習慣低稅政策，所以話香港人容易俾保守黨拉票打動又錯唔晒嘅，上個禮拜推出嗰個 BNO 英國落地輔助政策都有唔少人話係英國版高級蛇齋餅粽。

另外而家英國脫咗歐唔會再有歐盟嘅勞動人口。呢個時候，咁啱就由香港收一班又有錢又有勞力嘅人過嚟，又真係各取所需嘅。

再講下投票過程。頭先講到，喺票站會有各大黨派嚟嘅點人頭義工。你排緊隊嘅時候，第一個招呼你嘅，唔係票站職員，而係呢啲點人頭義工。佢哋會叫你俾張投票卡佢睇，然後佢會抄低你個投票卡編號（所以帶投票卡都有用）。用途係票站臨閂之前幾個鐘，佢哋會用抄低咗嗰啲投票卡編號對返佢哋嘅黨員名單，如果見到有黨員未投票嘅話就會去佢屋企拍門告急。

跟住行到入票站啦就會有職員問你住喺邊條街或者邊個屋苑，然後將你分流去相應嘅派選票櫃位。英國平均每個票站只係服務大約2000名登記選民，所以可以分得好仔細。

埋到櫃位，職員就會問你叫咩名，同埋咩地址，最好睇埋你張投票卡，用來確認你嘅身份。跟住佢就會畀啲票你。如果你嗰區同時有幾個選舉嘅話，唔同選舉嘅票應該會唔同顏色或者大細等你唔好掉轉。

拎咗張票之後，你就可以行去其中一張投票枱填你啲選票。投票枱有屏風，等其他人睇唔到你填緊乜。平時張投票枱會提供鉛筆畀你，但係今年由於疫情關係，所以建議自己帶筆。有啲選舉會叫你喺心水候選人個名隔籬個空格劃一個交叉，有啲選舉會叫你將啲後選人排1 2 3，詳情要睇清楚張選票上面嘅指示。

填完之後就將張票摺埋，拎去票箱，將每張選票擺入啱嘅票箱。呢步通常會有職員幫你，等你唔好入錯選票。

搞掂，多謝支持民主！

呀講多句，今時今日好多人都鍾意喺票站影張相打卡，但係記得唔好影票站入面，因為英國法例講明唔准做任何嘢，洩漏自己或者其他人投咗票畀邊個呀！

上一個post係寫畀你嘅，解釋投票過程

推多下

再推下

等緊耐都未有Vote card 寄黎，有無依樣野架？

唯有五月六日 自己醒水帶齊ID資料去投票

至少我有依封信 應該個區已經落佐我名 有權投票