[重甜] 四月十三號

400 回覆
57 Like 33 Dislike
2021-05-01 04:33:19
個concept 係呢個,但我應該冇睇過呢套作品,其實相關主題既作品都有好多,例如我寫果啲(喂
2021-05-01 04:35:07
每個人都有條線
我個人除左肥婆,大山婆同阿婆之外
應該乜都得
2021-05-01 04:49:03
要跟返故事發展,來緊未必再有重口情節
2021-05-01 04:55:46
但而家應該搵唔返了
2021-05-01 05:01:41
其實我寫既話每個故都會有呢個題材
但就要下個故先見到了
2021-05-02 03:25:01
屌我睇緊咩
2021-05-02 08:17:28
Dolphin girl咩黎?
2021-05-02 13:10:20
而家唔知點解google 中英文都搵唔到
唔好話圖,連定義都搵唔到
可能太重口味 google 都唔想宣揚呢樣野
2021-05-02 13:47:28
「徐小姐你好。」一個西裝端正既中年人,戴住一副金絲框既眼鏡係工作室既梳化上面企起身同我打招呼。

「先生你係......邊個?」自從有左律師樓既熟客之後,我冇再接街客,就算接都係來過幾次,有預約既先接。但而家既唔係預約既時間,我亦都唔認得呢個人。

再講,每次我入房都係先向客人跪低,邊有人會特登起身來迎接我?佢係客定我係客呀?

「哦....我係高律師既朋友來既......想過來搵徐小姐你好耐架喇!」佢仲遞埋張卡片比我:「陳日正」。等等先?陳日正...........

陳日正.........陳日正....…..陳日正........我.....係識一個陳日正既人......徐曉夢係應該識一個叫陳日正既人......我諗緊咩,我咪徐曉夢?.......我.....應該係徐曉夢來架嘛.......

「徐曉夢,你係咪記起啲乜野?」佢隻手搭住我膊頭,我想推開佢但係我全身好似冇哂力咁,我個頭勁痛。

「你唔係陳日正!你到底係邊個?」陳日正個樣係我既記憶入面好模糊,但我又好肯定唔係佢!

「你好似記得返啲野喎......」佢兩隻手搭住我膊頭,我既頭痛慢慢咁減少緊。

「你記唔記得四月十三號之前發生過咩事?」佢望住我對眼問。

「我梗係記得啦!」我尋晚先回憶緊我係果座山上面發生過既事,我點會唔記得。

「咁我問啲大路啲既野,你阿媽叫咩名?」我想向後踏一步,但佢捉住我膊頭。

我阿媽?.............佢叫.............我明明係噏到嘴唇邊,但又好似永遠都講唔出咁........唔係喎徐曉夢,老母個名喎!

「我.......我點解要話比你知呀!」我因為佢個名同樣而帶來既頭痛已經差唔多完。我一手撥開佢對手,向後退左一步。

「如果你想知自己發生緊咩事既話就跟我來。」佢再次向我伸手。

陳日正心入面諗既其實同上次循環既套路一樣,只係今次盡量跟足徐曉夢既日常生活,用佢熟悉既環境同睇起來更令人可信既形象來吸引佢主動走出夢境。畢竟上次徐曉夢一醒就變成刀劍相向實在好難處理。

我發生緊咩事?我咪返緊工囉.......但係我唔能夠否認我唔記得阿媽個名呢個事實。實際上我比佢問完之後,我唔單止阿媽。阿爸,我中學既同學,曾經既男朋友,以前既客人,座山既主人.......我一個人名都唔記得!我有逼切既需要知自己發生咩事。

我伸手出去,佢竟然馬上捉住我隻手然後向工作室既門口跑起來。好彩我著高踭鞋訓練有素,如果唔係實仆死。

佢拉住我跑到去頭先我同姐妹休息緊既茶水間。啱啱我地食緊既野都仲係枱面,但係所有人都唔見哂。呢個休息既地方仲係閒人勿近,但係李大媽都冇出來阻止呢條友。

呢個休息既地方係全層唯一有窗既位置,仲要係落地玻璃既大窗。李大媽買既呢層樓係一幢商業大廈既四十三樓,每日我地休息既時候向下望都會隱約咁見到樓下天橋同馬路上面既車,水平咁望就係其他高樓大廈既夾縫之間難得既少少陽光。

「你.....你做咩呀?」我有啲畏高,平時冇乜野我都唔會行近個窗。

「你有冇曾經幻想過,你而家身處既地方只係一個夢境?」 陳日正突然咁同我講。

「你咁係咩意思........呀!」

佢拎起一張櫈就咁車埋去個窗到,我已經有咁後退到咁後而且仲踎低埋。四十三樓呀大佬,淨係啲風都夠吹走我啦!
2021-05-02 16:06:38
你咁講完我仲想知道係咩黎
2021-05-02 17:13:14
呢個描述大概就係dolphin girl
2021-05-03 11:52:43
「起身啦徐曉夢!我地打爛左啲人既場景,佢地實會來捉我地架!」佢企左出窗出面。

個窗爛既時候除左玻璃既碎裂聲之外,乜野都冇。冇四十三樓應有既強風,冇下面車來車往既噪音,甚至冇因為反光塗層消失而帶來既強烈陽光。玻璃本身仲要唔係高樓用既強化玻璃,只係好薄既一般普通玻璃,而玻璃既外面就只有一個好暗既空洞,同埋陳日正呢個時候伸出來既手。

我係詫異之中企返起身,慢慢咁行近玻璃碎裂既位置,接過男人既手,小心翼翼咁跨過不規則形狀既碎片。

玻璃之外係一個高臺,我踏出去之後就可以見到玻璃既背面。佢就好似一個超巨形既屏幕咁,不停播放住「窗」外面既景色。呢個時候佢既正面背面都仲運作緊,我連啲影像係由邊度投映出來都搞唔清楚,只係知道佢既背面同正面唯一既唔同係佢唔會反光。

我踏出高臺之後就係好平整既水泥地,冇地磗,冇花紋,只係灰色既水泥地。屏幕既後面好暗,陳日正拖住我隻手一路係咁行。

「你到底係邊個?我係邊度?你要帶我去邊度?」我甩開佢既手停低,我之前話佢唔係陳日正之後佢都未答我。

「我個名叫陳日正,但唔係你識果個人,你當係同名同姓啦!你而家既處境好危險,而我就係唯一可以帶你離開呢個夢境既人。」佢繼續伸出手等我。

「我唔明,我明明今日確確實實咁坐車返來返工,點解我會來左呢度?點解我會係個佈景入面?同埋點解你係咁講有人要害我?我係度咁耐,要害乜都害左啦?」我個人好亂,更加信唔過面前既人。我更加寧願而家既我係發緊夢,我寧願安安份份咁做雞。

「發現目標同一個犯人,係商廈場景既東面。」係我身後突然傳來腳步聲,兩個全身著住黑色制服既男人好快跑到過來。

「砰!砰!」陳日正係西裝入面掏出手槍,射死左兩個人。

「我地時間唔多,玻璃一碎佢地就知我地係邊。唔想比佢地捉住既就跟我走,你比佢地成世捉住來做雞唔通仲唔夠慘咩?」陳日正繼續伸出手,而唔係主動咁捉住徐曉夢。因為佢要確定徐曉夢係主動跟佢走,如果佢同上次一樣,個心仍然係想留係夢入面既話,咁今次既實驗一樣會係失敗。

而所謂既制服人員當然就係呢場英雄救美大龍鳳既奸角,要有佢地出場陳日正先有理由逼到徐曉夢選擇跟佢走。顏料彈同道具血,經典既掩眼法組合,加上特別暗既環境,好難睇出真假。

「你唔洗拖住我,我自己識行。」由佢開槍果刻起,我好似明白左啲野,於是決定跟住佢睇下究竟呢個人咩葫蘆賣咩藥。

---------------------------------------------------------
「佢地開波喇,我地都要開始做野。」白髮老人對身邊既手下講。「記住,今次唔好再衰。」

「知道。」年輕人開始根據老人既指示,啟動張羅已久既安排。

---------------------------------------------------------

陳日正帶徐曉夢係呢個四面都係石屎牆同石屎地板既設施入面兜左好耐。呢個地方就好似一個迷宮咁,而且特別唔指示乜野地方係通向邊度。假設呢一個真係有人經營既設施,你甚至想像唔到佢地點返工。

陳日正基本上經過既所有門都冇入,只係係個走廊到不停係咁行。途中當然唔少得四方八面都有啲黑色制服人亦步亦趨,甚至仲同陳日正交火左幾個回合,但陳日正只要向住迷宮既另一個方向跑開又會冇事一段時間...........
2021-05-03 21:11:46
「喂你究竟要跑幾耐架!呢度睇落全部差唔多樣咁既?你係咪真係識路架?」我烏低身喘氣。雖然唔係真係好攰,但都冇可能淨係咁狂跑架嘛,點都要比個出口先得架大佬。唔好唔記得,我仲係著住開工既衫,即係一套著左等如冇著既性感內衣同埋超高既高踭鞋,我真係唔可以再咁走落去。

「咩唔識路呀?你唔見佢地追唔到我地咩?快啲行啦,就出到去架喇!」其實成套老西既陳日正自己都跑到成身汗,佢等緊尋日扮陳全個演員出場,佢要逼徐曉夢放棄呢個夢境既一切。

「你識路?咁呢間房係做咩架?」其實我地跑過既走廊兩邊有無數間房,只係陳日正冇入過去。

而呢個問題無論點答都會死。一個佔咁大地方,佈置到咁精細場景既龐大組織,邊有可能捉兩個人都玩咁耐?而救人果一方,又點會有可能淨係派一個人來。

如果陳日正答唔知間房係做乜,即係佢唔識路,咁跟來都嘥氣。相反如果佢真係答到,咁佢就更加似係啲人既同夥。

好明顯,專注於自己劇本既陳日正並冇考慮到呢點。就正如佢唔可以捉住徐曉夢隻手逼佢出迷宮一樣,劇情一旦開始之後徐曉夢本人亦有選擇既權利。作為實驗對象,徐曉夢大部份情況下會因為被強行修改人物行為設定,又或者係記憶修改,而貼合劇本既運作。

而佢地要搵既正正就係徐曉夢自身脫離劇本覺醒果一刻,自發咁行出呢個夢既行為。陳日正突然hang 左機,因為佢冇預計到呢一刻來得咁快。而且仲要係因為自己犯下既過錯。

「妖,我自己入去避下好過。」我就咁一扭門鎖,竟然就推開左度門。

「唔得架!你唔入得去架!」陳日正都冇諗過班仆街員工竟然會唔鎖門。

我推門入房,不禁倒抽一口涼氣。第一個原因係間房既冷氣開得比走廊大,真係好涼。第二個原因係......成間房都係徐曉夢..........

外面既走廊異常咁狹窄,意味住呢度大部份既面積都係啲房度。不出意料地呢間房都係:約莫超過一千呎既大房入面裝左成千個「徐曉夢」。

由小學生至少婦身型既徐曉夢由細至大整齊排列好,每一個年齡都一式一樣既赤裸女性胴體完全靜止咁企係光滑既水泥地上面。雙腳齊肩分開,雙手垂直放低,雙眼直望前方毫無表情,但眼神之中卻唔係一片死寂。

房間既樓底好高,天花板上面有一排機械支架,掛住左更多係真空裝入面密封包裝住既「徐曉夢」。

「點解會有.....咁多......」眼前既景象對我帶來極大既衝擊,我個頭又突然間好痛,痛到我唔可以唔跪坐係地下。

「呢啲先係衝擊架嘛!叫陳全來把撚咩!」白髮老人如常咁係玻璃後面睇住佈景之中既好戲。門,當然係佢安排人解鎖。

「徐曉夢你聽我解釋先.....件事其實係.....呀!」陳日正慢慢咁接近即將崩潰既徐曉夢,佢仲想兜。覺醒同崩潰只係一線之差,陳日正都必須要承認呢個劇本本身存在極大既崩潰風險,因為佢就同一個普通人講你既人生係一個夢境一場戲一樣咁荒謬。陳日正的確係有無限個徐曉夢,但佢都唔想試到好似個老野咁頭都白哂。

「你真係當我傻架?」我反手一拳打落條友塊面度,佢成個人飛左去側邊,我都唔知自己點解會咁大力。

「徐曉夢,你冷靜啲!你只要跟我走你就可以離開呢度,離開呢種生活!」無可避免咁,場景又落入上次係廚房度刀劍相向既地步。唔同既係今次陳日正有槍,徐曉夢赤手空拳。

「夠薑你開槍丫!開槍打死我丫嘛!」我反而越行越近。「你係我身邊開槍打中條友,又冇火藥味又冇血腥味,你真係當我戇鳩架!」
2021-05-04 20:16:02
陳日正而家先意識到劇本既出錯,原來係因為自己既疏忽。惱羞成怒之外,拎出另一個彈匣換上手槍再上鏜,然後向天開左一槍。

「我係你就冷靜啲,你死左我仲有好多個徐曉夢。」陳日正揚一揚手展示住間房既徐曉夢。

我恃住唔知邊度來既勇氣,照樣咁向住陳日正衝過去。

「砰!」係驚慌之中,陳日正勉強瞄準咁開左一槍,只係打中我既膊頭。

我左邊身側左一下,但唔覺有大礙,於是繼續向前沖刺。陳日正好明顯唔係受過訓練既武器使用者,面對住我呢個弱質女流既接近,佢連再開一槍既機會都冇。

「啪!」「呀!」我大力捉住佢既手腕,將佢既槍口由我個頭到移開。佢另一隻手想要遞出來之前,已經中左我一腳撩陰腿,痛到雙膝無力。我將佢既右手向自己方向一拉,再一掌托向佢既手㬹關節。啪一聲,佢手㬹關節甩臼加上碎裂,如果唔好彩既話隻手就以後都唔會再有力。

我撥開佢手上既槍,佢而家只係一個企唔返起身既廢佬,係地下度典下典下。

我摸左一摸左肩上既傷口,皮肉被子彈炸開,個傷口仲好熱。血好似泉水咁不斷湧出來...........我手指上有血....身上有血..........但點解一啲都唔痛?冇可能,佢今次明明係用真子彈......

我睇多幾次自己染血既手指,摸落件衫度.......件衫冇濕......冇血,我根本就冇流血!我突然間回想起以前既四月十三號,我同一班男人係一個屋企入面既廚房度對峙。當時我比人斬左一隻手落來,但我果陣都冇流過血,一直以來我覺得自己流血都係呢班人設定比我既幻覺!我到底咁樣死左幾多次?

「我根本唔係人類!」我望住自己理應染血既手指,細細聲咁講。

「你走唔甩架!徐曉夢。我地一定會捉你返來,我要.....我今次一定要殺哂你全家,我要你有咁慘得咁慘,我要你求生不得......呀!」我個腦入面慢慢浮現返一次又一次既死過返生,一次又一次既四月十三號,直至到最近果次......我大住個肚比幾十個乞衣輪姦完之後再綁去公廁到做肉便器,然後佢仲.....殺埋我個B!

「你知唔知點解我要咁對你?」

「因為你答錯問題喇,徐曉夢。」

係佢!全部都係呢個人安排架!

我嬲到即刻行過去執返起果支槍.........阿爾札克軍事工業,2046 年推出既托特三型全/半自動手槍,標準彈匣二十一發,支援新型瞄準輔助器具及多種新型特別子彈..........奇怪既知識係我個腦入面出現.........我記得喇!阿爾札克軍事工業就係果座山既主人間公司!我之前幫佢地處理專利申請果陣有睇過呢把槍既詳細資料!

「砰!」我瞄準男人既大腿開左一槍。

「Sorry 呀!我打斷左你條大脾骨添!希望你醒返果陣都會係冇穿冇爛咁再開始過四月十三號啦!仆街!」我用高踭鞋一腳踢暈左佢。

「紅色警報!紅色警報!有研究人員被實驗體槍傷。所有保安人員封鎖實驗場景,消除威脅!」

突然所有既燈光變哂紅色,警報聲震耳欲聾。可能開槍的確係一個錯既決定,但我真係好嬲........我唔知果啲係被夾硬塞入來既記憶定真係有發生過,但佢竟然對一個女人做啲咁既事......

我用槍指住佢個頭,但係無論如何都開唔到槍........如果我係佢地整出來既複製品,有可能我冇殺佢地既能力。

警報混雜厚重既腳步聲將我包圍,我即刻將身上既所有衣物同飾物除哂落來,打算混入果堆複製既徐曉夢入面。

「對唔住喇。」我搵左幾個同我年齡一樣既複製體,向佢地既膊頭開左一槍。佢地每一個都保持住面無表情,我都唔知佢地痛唔痛,但我就覺得好痛。

「陳先生佢冇事丫嘛?」佢地第一樣要做既野係救返陳日正。

「只係暈左,槍傷出血量唔多,你你,抬佢去救護站。」同樣係黑色衫既保安,但佢地拎既唔再係手槍,而係自動步槍。

「有冇人知目標去左邊?呢度冇閉路電視架咩?」槍支上面既戰術電筒既光線綜橫交錯咁搵緊我。

「全部都係唔識郁既公仔裝鏡頭睇住佢地把撚咩?冇呀,搵啦!」對講機另一方傳來好燥既聲音。

---------------------------------------------------------
「佢地來真喇,我地都係時候走先。好快會搵到係我開門比佢。」白髮老人帶住手下急急腳咁由vip 員工避難通道走。

「咁徐曉夢呢?又話救返既?開一道門比佢就走喇?」年輕手下似乎冇咁從容。

「徐曉夢係呢度做實驗既時間長過你條命啦!佢自己搞得掂架喇。」講緊呢句既時候佢地已經上左自己車,老人坐係後座,年輕手下負責開車,絕塵而去。
---------------------------------------------------------

「砰!砰!」其中一個比我打穿左膊頭既人偶比保安發現而遭殃。

「呢個假既,繼續搵。」

「好多個公仔膊頭都有彈孔。」

「同我逐排逐排人偶搵清楚,小心埋伏。」

「知道。」

一個,兩個,三個,四個,五個......連同抬走左陳日正果兩個人,搜索咁大個倉庫既只有一隊七個人。依照頭先經過既房間來講,可以估計到佢地既人數。

每一條走廊.....每一個房間.....每一個轉折.....每一個出口........我既記憶好似支槍既詳細資料咁慢慢返哂來。我係呢度......死又返生,又轉過身體,經歷唔同既劇本,所有場景都係特登為我搭建......再死再返生.......

已經二十五年喇.........綁架,強姦,輪暴,懷上假孕,再失去假既家人朋友同事無數次。千百種瘋狂既回憶,恐怖既累贅係我腦海入面爆發。但我只有記憶既浮現,而冇情緒,至少呢一刻,我唔需要情緒。

五個人既隊伍已經行左入倉庫既深處,其實我一直係上面懸掛人偶既支架上面爬行,利用人偶擋住搜索既燈光同目光。而呢個時候我已經爬到最接近門口既位置,即係佢地既背後,我跳返落來。

「倉庫緊急封鎖......」呢個係以防倉庫入面既人偶一旦暴走果陣,可以即時鎖住倉門然後係入面放出電磁脈衝攻擊,將財物既損害減到最低既功能。

「咁我唔客氣喇!」咁方便既野點會唔做。

「紅色警報!紅色警報!D-5 區倉庫發生人偶暴走事件,所有人員請馬上前往協助!」

屌你老母!

「發現走失既實驗體!」

「目標持有槍械,格殺勿論!」

係狹窄既迷宮迴廊之中,槍聲此起彼落。雖然我以前既記億已經令到我對呢度既結構瞭如指掌,但對方始終人多勢眾,我只可以係唔同既房間出入糾纏,迂迴苦戰。

「嗯?」我突然對眼前既房有興趣。

呢間係比徐曉夢扮演唔同角色既時候既化妝衣帽間,對於而家全裸既我來講自然有好大吸引力。

我諗都冇諗就即刻衝左入去,將前後兩個出入口鎖死之後就開始揀衫。我既時間唔多,迴廊入面有閉路電視,佢地遲早都會爆門入來。

「佢地唔會衰到衫都唔留比我下話。」我係堆衣架入面左摷右摷,都係得我做雞果陣既開工衫或者係好暴露但係又好唔方便行動既裙。我搵左好耐先搵到一件可以遮哂三點既衫,同時唔洗著高踭鞋。

係幻想徐曉夢既中學校服。

因為係設計比中學既徐曉夢著,所以上身只係去到下肋,條裙只係僅僅夠遮住下身。我甚至連一套正常既內衣褲都搵唔到,如果有我會選擇淨係著內衣算。

「嘶~~~~~~~~」反鎖既房門引來強行既破壞,我時間唔多要搵方法突圍。

「啪.....啪.....」前後兩道門被焊開,兩邊既保安持槍列隊進入,步槍上既電筒照遍房間既每一個角落.......除左我呢度。

「歡迎光臨。」一個隊員撥開衣架上既衫,照到一截白𠵍既腳,但係佢來得切反應之前,右眼已經中左一槍。

我一手揪起佢既衣領,向住注意力轉移左過來既隊員一個個咁開槍。我集中攻擊佢地頭部既T 字部位,務求用最少既子彈同力量殺死最多既人。

我一手可以拎起一個男人既屍體呢一項力量唔計,我發現我用手槍尋敵同開槍既精準都令自己詫異。

身穿避彈衣既保安屍體擋左幾槍,我拎起佢身上既自動步槍,奇怪既知識又再出現。
2021-05-05 04:07:51
Push
2021-05-05 13:47:49
阿爾札克軍事工業,2047 年推出既M17全/半自動步槍,標準彈匣三十五發,支援新型瞄準輔助器具及多種新型特別子彈,而家裝緊既係ACOG 自動敵我辨識瞄準鏡,下方握把同戰術電筒............

「你咁樣拎住,呢個係保險掣,你開左佢先。係喇,跟住拎起支槍,由個瞄準鏡度望出去,搵個膊頭頂住個槍托......瞄準就開槍啦!」

「砰!」

「嘩,好痛呀!」槍支既後座力令到槍托衝擊我既膊頭,雖然唔係真係好痛,但點都要撒一下嬌。

「你已經係用緊訓練用彈藥架喇,個後座力咁低邊會痛架.....」

「咁人地女仔來架嘛......」

係果座荒山既山頂上面,我同果座山既主人一家,係度試緊佢公司旗下既新槍。

「子坤、曉夢,過來食飯啦!」李子坤係我中學既同學,同時係我既.....客人,但佢媽媽唔知呢件事。由中學開始佢媽媽就當正我係自己個女咁,似乎我加入呢個家庭,先係佢最理想既結果。

「老公,你都過來食飯啦!」李子坤既爸爸係呢間阿爾札克軍事工業既董事長,係H 市頭1% 既富豪,都係我既.....客人,但佢老婆唔知呢件事。佢一直都好驚我會講呢個秘密出來,所以如果唔係因為老婆同個仔,佢其實唔係好想見到我。

2047 年,我26 歲,身上既紋身早已經清理好,正正經經咁做緊一個律師。早幾年仲同陳全山盟海誓,而家我已經整甩左條choker,同富二代一齊........

我唔係唔鍾意陳全窮,又或者唔上進,我只係想要一個BB!

陳全總係有好多理由:佢窮,佢冇樓,H 市好難生活落去,佢唔想小朋友受苦,佢只係想同我一齊.........佢冇講,但我覺得佢係嫌我唔乾淨,唔想同我有小朋友。

但李家唔一樣,李家政治婚姻既對象係如日中天既日正集團董事長,陳日正個妹。只可惜佢肯紓尊絳貴嫁入李家既原因,就係佢不孕.......李家既人唔一定全部都鍾意我,陳家既人更加係痛恨我,但子坤鍾意我,而我又可以比一個孫佢地屋企。應該話子坤應承會同我生一個小朋友,我冇辦法唔做出呢個決定。我唔理係佢地心目中我只係一個二奶都不如既玩具,定還是只係一個代替正室既生仔機器,到最後我地既目標都係一致。

我個BB……..係喎我個BB 最後點呀?我既記憶只係去到2056 果陣既記憶複製,跟住我就已經係呢個實驗室醒返。我記憶複製果陣我仲係大肚架?咁我個BB 點呀?

我要出去,我就算殺哂呢度所有人我都要出返去!

「電磁脈衝手榴彈......」佢地當然唔會用真炸彈炸爛自己啲野。EMP 手榴彈係炸我呢啲人偶既同時係會整爛少少電器,但如果控制唔到我既話點都要用。

「咁我知點玩喇!」

我拎走左條屍身上既手榴彈,向住一個佢都預料到我會去既地方------主發電機。

前進既路上仍然係迂迴既迷宮,我盡量避免敵人部隊,直至係某個路口有個人係我側面突然殺出。

兩人交戰既距離太近但又都拎住長槍,根本未舉起已經比對方撥走。佢係身側抽出一把兩尺半長既開山刀向我斬埋來,我唔知邊度來既勇氣走去用手擋......

「咔!」擋開左?

「搞錯呀!佢地唔係膠公仔來架咋咩?」男人大驚。

我即刻用手捉住佢既刀刃向自己方向拉,如果根本就斬唔入我仲驚咩?不出所料咁佢係唔夠我大力。比我搶左把刀之後佢又拎出另一把小刀......

右邊膊頭縮就係出左拳,左邊膊頭縮就係右手出刀......佢既動作係我眼中慢得來又單調,真係阿婆都避到。

我等佢右手再出刀直刺既時候閃左去佢既右側,走廊太窄,長刀反而係缺點,我根本冇可能係佢反應得來之前做到砍劈既動作,咁唯有直刺。
2021-05-05 19:40:22
我用左手捉實佢仲直刺緊既右手,自己既右手就持刀往上刺。佢有嘗試捉住我既右手或者刀刃,但刀身太長,佢有反應之前我已經刺到佢既咽喉。

刀尖由佢既頸椎後面刺出,血好似瀑布咁順住刀刃流落來。男人瞬間變成了一具冇任何力量既屍體.....

我放開把刀繼續向前行,身上同手上沾了少少濺出來既鮮血,血腥味好似永遠都散唔開咁。用刀殺人同用槍殺人原來有好大分別,就算我好近距離用槍爆人頭都好,都唔會有果種來自刀柄,插入敵人既身體部份既掙扎同手感。

我睇一睇自己隻手,頭先左手前臂用來擋刀個位少左一塊皮?少左一舊肉?我都唔識形容,但總之又冇血又唔痛,只係露出左底下既銀白色金屬。

---------------------------------------------------------
「鈦合金骨架戰鬥特化型徐曉夢呀!犀利哩!」白髮老人意氣風發咁睇住實驗設計入面既閉路電視。佢同助手一早已經避左去一個冇人知既地方,但仍然有設施入面既閉路電視權限。實際上,發生實驗體暴走事件比佢地撒走唔等如收工,佢地名義上係Work from Home 緊咁睇住件事既發展。

年輕助手係一邊掩面搖頭代替老人表達羞愧,但實際上除左個中二病到爆既名之外,佢都好自豪。自從上次罰game 之後,老人交帶佢要安排既事就係整呢個特別版徐曉夢。

係H 市保衞戰之後,戰鬥機械人早已經非常盛行,要裝徐曉夢既記憶入去都唔難。個問題係點先可以整到徐曉夢咁細部同咁輕之餘,又要保留到作戰功能,仲要前一晚真係可以扑到野先唔會比陳日正發現。

經過一大輪功能既裁減,戰鬥特化型徐曉夢既碳纖結構加鈦合金外殼,冒險咁減少平時為左想逼真啲先整既人造肌理同血液,成功將幾百磅重既戰鬥機械人整到只係比正常樹脂矽膠版徐曉夢重5%。

當然,本來可以抵受迫擊炮火既機體,呢個徐曉夢就只可以抵擋到普通步槍既攻擊。

但實驗設施入面最多都係得普通步槍,近戰武器更加係冇可能斬得入。
---------------------------------------------------------
2021-05-05 23:46:50
2021-05-06 00:13:53
隻貓咁既係點
2021-05-06 00:22:57
2021-05-06 00:50:48
過左就冇咁重口
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞