姜B的廣告多到痴線

其實我覺得幾好，終於有香港明星紅到，期待繼續衝出日韓台

認真講 姜B團歌鏡頭機會centre都唔算少喎
只不過佢拍埋其他人一齊就唔算好搶眼
mirror太多人dancer出身領舞好睇啲係真

warrior mv never give up嗰part C位
2:34
https://youtu.be/YI4qsJhZtwA

但真係少聽人討論姜B團歌表現

其實佢企個c位跳得幾好
當然未去到anson lo企c位咁有氣勢啦

Anson Lo真係carry到C位領舞呢個role
有加乘作用令隻舞效果再好睇啲
所以我唔同意樓上似想暗指因為要主推佢捧佢先多C位
Stanley/Frankie/Jeremy/Tiger/Lokman跳舞都好charm
mirror太多跳舞勁嘅成員
咪顯得其餘幾位相對上冇咁搶眼

咁你咪照講囉
話"唔講啦廢事俾人屌"
"自己覺得係邊個咪邊個"咪暗指囉

我想重申姜濤唔係無鏡頭無機會無centre啫

我嘅意思係唔會長C？
姐係好似上首Frankie今首牙撈同牙虎咁一睇就知就跳舞C

上首都唔止Frankie?
今首都唔止Anson Lo Tiger一睇就知係C位?
特別今首冇乜邊個長C,平均咗好多
但Jeremy Tiger AL有記憶點有talking pt啲?

好正面啲comment係咪連登嚟？感動

但做咁多廣告 會唔會極速消費哂佢嘅人氣
好似Brian cha 咁 又係你 見得多都厭同悶啦

一開始比lokman吸引後來了解咗佢哋就鍾意咗阿jer
未了解佢哋之前係極度討厭姜濤，覺得佢又乸型又柒
識咗佢哋之後就好後悔以前嘅無知

佢啲fol多，like多，仲要真係帶動銷量，返到數，唔搵佢搵邊個

陳豪同黎耀祥咪係咁囉，但到嗰陣人哋都搵夠上岸

睇黎暫時未

佢俾人感覺唔夠主動 無乜野心
講真 佢年紀最大 更加應該進取啲
佢副業係咩？

今日01有篇新聞講Frankie

MIRROR最低調成員Frankie係隱世高人？　「平時我費事插嘴啫」

男子組合MIRROR昨日（7/4）在九龍灣出席《ViuTV 5周年：繼續向前》台慶活動，十二子更齊集舞台跳唱新歌《WARRIOR》，非常震撼。Anson Lo（盧瀚霆）接受《香港01》訪問時坦言緊張，前一晚綵排更有不少甩漏，好在最後順利完成：「好想成件事好好睇睇，因為今次係演唱會前最後一次齊人表演。」Frankie（陳瑞輝）則說大讚隊友有默契：「拍《調教你MIRROR》入Camp生活咗四日，而家連個意境都高咗。」提到Frankie平時拍節目、做訪問都較少發表意見，問他日後會否講更多嘢，他說：「我會講多啲嘢！其實我平時私底下都成日自己講嘢，自己同佢哋講嘢，訪問一個個輪住講，我費事插嘴啫。」

Tiger（邱傲然）亦有助攻力Sell隊友Frankie：「喺呢個Camp裏面，我哋發現瑞輝係一個好有大智慧、大智若愚嘅人，以為佢烚下烚下，但係一講嘢就令人學到嘢，金句好精準，所以唔好逼佢講嘢。」到底Frankie是否想好像其他兄弟可以挑戰拍劇、出Solo歌等各樣表演？他坦言：「其實之前《囝囝女女730》嗰邊，我都挑戰咗做MC，因為有兄弟傍住，所以係Good嘅，亦都訓練咗好多默契同技巧，嚟緊仍然係好想拍下劇，如果係出Solo，我暫時係想做好MIRROR先，當有機會多出嚟或者多餘資源，（眾隊友：係再多機會呀）我嘅睇法係MIRROR係第一位，所以多餘嘅資源，係講緊谷到MIRROR之餘有少少嘢多出嚟，就可以畀我，多謝、多謝！」

佢副業有自己品牌賣衫
同ak有條team做拍片嘢

我嫲見到佢細個幅肥仔相笑到仆街

上個月仲係路人嗰陣聽狂人日記同e先生，已經覺得好正

我係其中之一
一開頭因為姜b認識Mirror
依家變左全員推
個個charm嘅地方都唔同
好難決定鍾意邊個多啲
而且佢哋12個一齊先係最正
好鍾意睇佢地互動
成班大男孩有時好warm有時好鳩

佢依家應該已經搵左好多連登仔一世人搵既錢

連登仔特色都係支持一邊 踩另一邊
個細路應該睇得連登多

賺藍養黃
高大上姜B