X位即係非官方營地
點解唔講得呢?
因為一黎係犯法,違反郊野公園條例入面既非指定地點露營或搭建遮蔽物
二黎果D 地方99%都係冇任何設施,變相你去到做唔到leave no trace 既話其實就損害緊果個地方,所以越少人去就對塊地既破壞越少。
如果你public講左出黎既話,就會大幅加劇果度既損耗,因為人一多,點都會有D 唔小心漏低既垃圾同破壞環境行為出現左。
而亦都唔會有人去做修復,只係可以等一段數以年計既時間等大自然自己修復(前提係呢段時間內冇人去又冇人破壞)
所以大家記住唔好公開任何X位
如果有興趣既話,建議自己行多D山,發掘下
亦都唔好問人有咩X位好介紹,人地唔答你係合理同正常的
好多活躍係social media既人(特別係比較多followers果D )會係自己IG / youtube/ social media度問X 位或者開X 位,請你尊重返個遊戲規則(或者你叫做潛規則),好多野公開左只會人人都冇得玩冇得去,嘗試多D 自己去發掘下
#9
好難會諗島
•
24 日前
冇水源嘅campsite,一個人兩日一夜應該預帶幾多水? 4L會唔會太忟,上落山都要飲,煮野食又要用下水
#10
陳小明123
•
24 日前
私人營地藍名單:
Easy organic farming / 名樂村
原因:
場主係個深藍既ibanker黎, 同埋會係個場主動大大聲鬧手足同埋高調撐警(巴打認證)
小木屋
原因:
Facebook 封面用警車做封面, 現場有人播黃歌會被禁止.
燒地對大自然有咩影響?
簡單黎講,燒地(一D 高溫而長時間既活動)會令塊地既土壤改變,令佢變硬,缺少養分、吸水力降低,對微生物產生有害影響
而結果就係冇植物係上面生長,變左一個黑色既窿係地面,而果D 窿有可能係無法復原
Fire Effect on Soil
Northern Arizona University, USA
https://www2.nau.edu/~gaud/bio300w/frsl.htm
以前有台灣定香港既戶外人士提出過一個論點係燒地會令土地陶瓷化,令塊地永久受傷害,但搵唔返相關既資料同討論
有人可能會話燒地可以產生一D 養分去滋潤番塊地(刀耕火種Slash-and-burn),但我地去野外唔係要耕田,而亦唔係營火咁樣燒。
現在係戶外人追求既係leave no trace,即係野外無痕跡,希望對大自然既影響降至最低
要燒既就去番營地指定地點燒,或者去一D 影響唔到人既位置,用一個柴火爐/焚火台既野墊住黎燒,而果舊野下面要再鋪防火墊,並會遠離地面,避免D 熱力影響塊地
Leave No Trace
Principle 5: Minimize Campfire Impacts
https://lnt.org/why/7-principles/minimize-campfire-impacts/