趕故書生
2017-05-19 11:09:22
加更2
我唔知家姐後尾點啦,好似佢返嚟嘅時候,我已經瞓死咗,到我起身,家姐都出咗門口。
因為我見到家姐琴晚個手袋係張枱度,唔知佢琴晚咁樣出去,有無俾人屌呢?
我從不過問家姐嘅私生活,但佢咁樣成日出去玩,俾人食咗嘅機會自然大大提升。
「仔呀,快手啲啦,你家姐都出咗門口啦,你仲唔快啲出門口?」
老媽嘅長氣,係佢嘅特色。
我草草食埋個早餐出門口,今日都係返半日,未正式上堂。
返到學校,漫澄已經返到,仲坐係我隔離,依舊溫文爾雅。
「早晨班長。」漫澄彬彬有禮,搞到我都有啲唔好意思。
「早晨呀副班長。」
乜撚嘢戇鳩對話呀?
然後佢就繼續睇佢手上嘅小說,偽文青?定真文青?
我感覺佢似係後者,但佢睇緊嘅書令我眼前一亮。
——初戀日記
好有文學嘅味道......