趕故書生
2017-05-16 20:02:26
「我姓戴,大家可以叫我Miss Tai。」家姐佢好霸氣咁坐低。
「Miss Tai,你有無男朋友呀?」呀風舉手問道。
每班入面,總有一條友鐘意搞事,出風頭,呀風就係嗰位。
「遲下你咪知囉。」我家姐都唔係省油嘅燈,用佢招牌嘅笑容殺死曬全班男仔。
「依家嚟選咗班長同副班長先,方便之後做嘢。」佢喱個口吻就係平時係屋企點我做嘢嘅口吻。
佢拎咗張人名表嚟睇,「咦,我哋班有位同學同我同姓喎,都係姓戴﹗」
「真係喬啦﹗哈哈﹗」佢好輕快咁講,除咗我之外,相信其他人都覺得係巧合。
「大家覺得大英雄擔任我哋班嘅班長好無呀?」佢講得振振有詞。
個個都拍手叫好,啲男仔仲要叫囂:「好呀﹗大英雄﹗大班長﹗」
我feel到唔係咁好嘅預感......
趕故書生
2017-05-17 11:45:27
「咁我哋嘅副班長就係大英雄隔離嗰位女仔好無?」家姐佢露出一個甜美嘅笑容。
.........
鴉雀無聲,無反應。
「同學...」同學一次。
「同學...」同學兩次。
「同學...」同學三次。
成交!
我輕輕推一推漫澄,我掂到佢呀!因為依家係夏天,佢著住短袖連身裙,姐係我哋嘅校服。
雪白色嘅連身裙,配係佢身上,簡直就係天使降落人間。
我掂到佢雪白嘅肌膚,滑滑地咁,好正!
然後漫澄先識得反應,「吓?」
我輕聲說:「班主任問緊你嘢。」
「呀!唔好意思。」
「唔緊要。」睇嚟家姐佢要營造一個和藹可親嘅形象,「咁你做我哋嘅副班長得唔得呀?」
「吓?」佢又再呆咗咁。
家姐唔等佢反應過嚟,就直接講:「咁就由你做我哋嘅副班長啦!大家俾啲掌聲!」