由其他巴打提供
(越答越長但唔好意思,呢間嘢我去完一次真係無回頭)
首先剩係睇樓主標題,我已經有好深感受。真心而家好似做人又好做餐廳做乜生意只要話自己係黃,就好似真係大晒咁。
朋友開餐飲低調請手足,請完返黎唔係做完幾日就唔見咗人,就係工作表現嚇死人;
我自己做客專登搵黃店食,小店仲會更加想去撐下;嘢食普通,收費唔普通,仲要估嘢嘅人又係無禮貌無sense,唔爆場嗰陣真係一人坐一張枱喺度拎部電話打機⋯
好講番呢間啡
利申屯門牛,嗰時見佢裝修緊都好開心終於又多一間靚啡開喺屯門,等佢開咗有手沖飲諗住真心正。
終於有日入去問佢有無豆賣,佢話都有嘅; 我問佢係咪得擺咗出黎呢隻,佢話係不過呢包係display嚟,啲貨甩咗運期,應該聽日會返貨。
咁我聽日又真係再去啦,我話琴日都黎問過,你返咗貨未啊~
佢先如夢初醒咁話「丫⋯係喎,你唔講我都唔記得,丫點解啲貨仲未到。」
下? 你做老闆都幾好笑喎咁佛系。
然後有一次同埋啲朋友終於入去叫杯啡啦。
間舖就真係 200呎細細咁,基本上都一眼睇晒,無盲眼位。
真係可以做到我入到嚟,佢係完全唔會問你幾多位,當你透明咁你自己搵位啦下。但間舖係完全企唔到人(一企就阻住唯一嘅走廊),根本就係要你企喺門口。但又無話叫你等位啊,攞飛啊,乜柒都無。
但朋友話等一陣啦,咁又等到有位。上一手係一個爸爸帶住兩個小朋友坐嘅(櫈又係高櫈,小朋友慢慢咁落地,執好晒啲嘢,爸爸自己將啲杯啊碟啊丟落垃圾桶)
到我地三個去坐,真係可以一枱一地都係啲蛋糕碎餅碎,但佢唔會抹嫁喎。
咁朋友一個去叫嘢飲,我地兩個就自己幫佢抹埋枱settle down。基本上個我地張枱同個bar就係你撘巴士,左邊同右邊嗰排櫈咁嘅距離,隔得條走廊。
真係可以沖好我地三杯嘢飲, 就咁擺喺bar枱,係連講句「green tea latte」都唔嗌下。
坐到中段,有枱客走人,咁個客又自己執番啲杯啊碟啊諗住去trash;
咁啱老闆又喺bar度行出黎,個客以為老闆黎幫手執枱就口講「唔駛啦我地自己執得啦」
點知老闆話「梗係自己執啦,如果要我地執埋枱,我收你加一嫁啦」
我聽完,以為呢個係熟客啦⋯咁你正常係friend係熟客,講完呢句都互相疾下或者講句 下次見啦!咁丫⋯
點知係無下文嫁啦。即係唔係熟客黎嫁!
我嗰下真係屌左出聲,口up up 同朋友講「喂佢真係以為自己好好笑啊?咁我幫佢抹咗枱係咪要收番佢錢?」
從來我都唔寫,唔信 openrice嘅嘢,
連呢度都係茶餘飯後睇下熱門就算,真心唔知邊啲係打手邊啲係假膠。
但今次講呢間嘢真係要出下聲。因為唔好理顏色住,根本呢間嘢就唔應該開大門做生意!!!!
你啊!懶好笑嘅腦細啊!! 如果你對你自己啲啡有信心,但你完全唔識咩叫服務業嘅,咁你自己留番你啲咖啡嘢做興趣自high 算啦!!!
唔好阻住個舖位!唔好消費黃圈!同埋唔好再影衰香港嘅咖啡業 + 餐飲 + 服務業啦!!!
永遠人地讚你舖嘅嘢你就take,小小投訴小小意見都多多藉口去撐自己!!俾多隻叉又話係extra 服務,咖啡師有人探班吹水食嘢又話好合理!!
預左未必有人睇,預左俾人話係打手 9 up
但真係不吐不快!