唔計糾纏果個禮拜，正正式式分左手1個禮拜，但move on 唔到
心好痛，一諗起個鼻就酸，就會流淚
佢唔想磨合，唔想夾下，唔想浪費大家時間，狠心一刀切
只因我太鍾意佢，太投入，唔捨得，每日都心如刀割
我31 IT，女30實習中RN
我地係CMB識既，第一次見面之後大家都想一齊，冇講到明，等第二次見面形式地講一聲一齊
但差少少就一個月，佢突然提出分手，完全冇先兆
***明明好sweet，成個月都冇提過我地拍拖有咩唔好或者不滿，佢亦(好似)幾鍾意我咁
前一日我仲同佢去緊迪士尼、夜晚第一次帶佢見我班frd，送佢返屋企佢仲plan緊3日後去睇咩戲，果日佢都好開心嫁
第二日佢收工就先block 我電話，之後再whatsapp一小段野比我分手
都係果d覺得大家唔適合，對佢太好，好大壓力呢d
糾纏之下佢話我需要安全感，佢就需要私人空間，同埋佢話佢唔夠鍾意我，好努力嘗試都係唔夠鍾意
我都明佢做nurse會好忙，返到屋企都會比空間佢
岩岩拍拖果時我見我同佢純文字討論，好似對段感情冇幫助
於是叫佢不如每晚抽3-5 mins出來傾下電話，傾下心事，了解下大家呀，佢都ok
但頭幾次打比佢，佢會講 "你又打來突擊檢查呀?" 初初以為講笑，而家諗返佢係唔鍾意咁做
就算打，我都叫佢做曬自己野先，我會係佢瞓之前先傾下計既
佢出街會同我講佢同邊個出街，但佢唔會同我講佢做緊咩既
我有提出過 不如大家間中講下做緊咩，或者影下相share下d野，等大家有d交集，佢都話ok ge，會試下咁做
但可能迫佢做緊佢唔鍾意既野
岩岩一齊果時有傾過對方做咩嫁，佢講過唔鍾意唔信佢，唔信佢同邊個出街，要拎電話來睇
我估佢ex對佢傷害好大，所以好多野認住我係check佢
但熱戀，傾下電話、搵下對方，掛住對方都好正常呀
我地一個月去過好多地方，好多美好既回憶
一齊過情人節，亦都係我人生第一次親手送花比女朋友
佢應該冇第二個既，佢幾時放假我都知既，同邊個出都知
情人節佢post過我送比佢既花係ig，亦都send左我地既相比佢家姐、姨媽或者frd既
以為佢肯定呢段關係喇，可以過人世，所以投入左
卻估唔到佢原本一直係度扮緊，呃得我好切底
我對上一個禮拜去過佢屋企附近等收工返來，可能有好多條路，佢唔係行果條返去或者放假，遇唔到
都有搵佢同佢講我我係你樓下，會等到11點，最後都冇來見我，最後電話、whatsapp, ig, fb, line都block曬
即使咁卑微，咁鄙賤我都挽留唔到佢，已經係最後一步了
我明白佢好狠心咁走就唔會返來我身邊，但我都係太鍾意佢
唔似枇杷蜜咁，抽離唔到
我仲WFH緊(良心公司)，而且唔忙，好多時間會一個人靜左落來，自自然就會諗
我應該如何是好，好痛苦
如果冇武肺，我應該獨遊日本緊
成日check住
jm9
