隱青想搵工做，好迷茫

大班嘅堂就會係咁
顧唔到咁多人
咁你勁好多
我睇咗咁多年動畫，淨係發音同單詞ok
文法完全唔識，啲五十音嘅筆順都唔識
個陣學到咩い形容詞な形容詞，動詞要點轉，被動又要點轉，發現隻隻字都聽過吓但無諗過原來個語言系統係咁樣運作
識得睇又未必去到識講，識講又未必去到即時傾計都答得出
覺得學好語言其實係難同要好多練習
同學仔都唔會理我同我練日文
個陣自己同自己傾計，諗吓對話嘅人點講嘢，點回應
開咗twitter淨係add日本人做frd，成個twitter都寫唔鹹唔淡嘅日文
去到日本同街邊嘅人搭訕，講到唔識講就google指吓指吓
所有嘅嘢都係要經過一個過程
都係要唔怕柒，唔好覺得面懵，身邊無人同你玩咪去搵第二啲人玩
網絡世界咁多人，連登仔都覆咗你好幾頁
其實都唔係無人想睬你，只係你用緊咩手法去approach人
唔慣實境咪SNS先囉


btw相對日文班
再培訓真係有個別啲嘅時間去傾你嘅方向
同埋真係要同自己講，就算悶就算識都要上埋佢
人生有幾多嘢做完係徒勞無功？
如果上堂覺得啲嘢識就無心機上
返工就更多重復嘅嘢去做，分分鐘更加悶
如果覺得識再去做係無意義，會錯過咗好多人生嘅事情
慢慢開咗個頭先，點都做完佢有啲成就
打機就算係好悶嘅驚，有啲成就拎到吓都會有少少開心（至少我係
上堂捱到拎返張cert，對自己起碼有個交代
起碼搵啲嘢自己可以做到“完成”，再諗下一個大目標
完成小目標係想事件成功嘅一個關鍵

711/ 屈臣氏/ 百佳
仲後生，你體力會頂得順
其實做咩都好，
問題係要開始習慣有工作，做住先再諗下一步

有冇單車？
可以做單車外賣，唔洗同人溝通
好自由自己鍾意幾時返放工都得
一星期出一次糧，千零兩千夠你買game

住緊居屋，你有呢個唸法反映出
窮＝住公屋

覺得無力嘅時候，就係自我鼓勵嘅時機
大大聲話俾自己聽，依啲嘢easy job 啦，驚閪
（真心嘅，我自己好信嘅，好多嘢睇落好pro，但好多時候做到一舊嘢唔等於要成為專家，比如有個有兩三年xyz 經驗嘅人做y依個task，可能佢三年都係一共用咗半個月去學 4 個skills / 範疇，再試多半個月，撞撞下板學翻嚟。

我所講嘅係，要做一整行嘅專家好難好難，但要學識做其中一兩個task，個難度其實唔係咁恐怖。所以到你下次鑽研嗰時，拆開個task，學識一個細task 先？到時我驚係玩上癮

日文有咩啱做就靠其他巴打了

不過清情況大好
香港大把人咩都唔鳩識都過得好地地
巴打仲識日文。 驚閪咩屌

踏出第一步

加油

多謝巴打，識日文係香港無用處
除非係好勁，隨口流利，考試又有至少N2程度，否則無用

派傳單、PTBF

舉個例子就起曬剛，建議巴打下下火好啲

看更咁舒服你都唔做，
咁真係冇野幫到你
有啲人做夜更炒美股
有啲人純粹返去瞓，瞓醒袋幾百
你瞓廿晚都一皮啦咁都唔去汁⋯⋯

話真係唔係咁講
同我上面講話，學咗做一兩個task 先一樣
出嚟做嘢，有時更睇個老細肯唔肯俾機會你
心諗，次次請個靚仔翻嚟，都預咗個靚仔係咩都唔識架啦
你識嘅樣冇用都好，說服到佢，你識嘅嘢，幫到你pick up 個task
又或者你識嘅嘢，佢有地方用得著你
咁就okay

最衰咁講，我哋廿零歲就學識啲有用嘅skill set
啲三四十歲嘅老屎忽食得屎啦

後生唔識一啲工作上有用嘅skills 就一定架啦

lm

香港好少關於日文既工作，一係要好專業，一係就無關係

LM

唉 講事實係難聽既

殘酷既社會

有樣野叫精神壓力

返工，人事都玩死你

中六畢業 都有分5科合格 定全fail

中環商廈有請清潔 兩皮幾一個月

英文衰左，其他都最少合格

見上面好多人都好正面支持樓主 原來仲有咁多人肯安慰關心人
想借個位吸收下正能量
我諗我未隱得哂
但因為上年係職場遇到嘅人事
搞到我頂唔順 直程情緒病復發 經濟差都照辭職
諗住休息下冇事 點知比自己足足係屋企所謂抖左斷斷續續都一年
初頭做人都仲幾積極
但宜家我變到冇特別事都唔出街 怕生寶人 講少咗好多野

最近我反省自己 覺得點都要賺下錢 唔想做身邊人嘅蛀米大蟲 搵兼職 但都冇回音 結果個人仲灰啲

樓主，我覺得你已經好努力
你去學日文
肯上嚟問下搵工嘅事
上面啲巴打講得啱
或者有時諗少啲 直接行動會有不錯嘅結果
雖然我都做唔到
樓主加油 共勉

keep住收工同放假都做 可以慢慢做冇人吹你 又可以揀單接 自己控制

大家都各有唔同既心結，巴打你係出左社會遇到某個位抵抗唔到
我係未出社會就已經抵抗唔到

學日文係因為仲係初中學雞時，果陣已經係毒撚，日日追動漫，初時自己背日文五十音，去到宜家個人已經無曬動力時，回望過時只係得呢一樣野叫做自己有心學過下，其他都無比心機去學，都係過得去就算。

呢到留contact又會比人話乜乜乜，宜家既社會真係好難識人

咩玩，搵唔到客要打電話，樓主未必應付到。
仲要出出入入去豪宅。