房屋台係一個充斥aa及業主嘅地方,亦係連登裡面嘅藍屍特區,佢哋只會發放「正能量」,只容利好言論,排斥利淡消息,任何人只要唱淡,即時會遭到圍攻、欺凌,如果買家不察,只睇房事台嘅一面倒資訊,好容易會以為樓市一片大好,錯判形勢入錯市。
尤其目前係香港百年來未見之大變局,政治、經濟、社會形勢均正在巨變之中,樓市冇可能好似2019年以前咁,唔需要理會政治、社會因素。房屋台嘅aa唔會同你講呢啲巨變如何影響樓市(佢哋可能亦唔識),講嚟講去只有量化寬鬆、剛性需求、大陸買家、利率唔高呢啲引人入局嘅膚淺因素。
買樓畢竟係人生大事,好多人要耗盡半生積蓄,錯誤判可會遺憾終生。有鑑於此,本人會不時提供一啲會影響樓市嘅時事資訊畀大家參考。當然,買唔買係你自己做判斷,我提供嘅嘢未必真係有用,但既然肯花幾百萬買樓,多花幾分鐘睇多少少資訊,其實冇壞。