香港行山路綫及資訊討論區 (1)

巴打, 有冇路線圖俾我參考下?

我上次 GPS 數據

行幾耐。

呢度有冇人一齊玩長途線 20k以上
暫時未玩 一尖三咀四彎 環湖

想搵巴打一齊星期六日行

一尖三咀四彎
冬天先玩得, 呢家玩除時中暑

都係 或者行三大起碼隨時有得走

記得有幾個清之前有跑山，
想行定跑先

環湖上左馬頭峰之後就可以好快啦，
唔行馬路記得得15k左右

一尖三咀四灣，
好耐冇去米粉咀同短咀，可以去下。
要早出發喎，
而家西貢好差多人，
廿幾k上落多又要撥草，
清上過蝻蛇尖未？

上過2次不過只係玩過1尖4灣

要中暑嘅話三大都係會中暑，
即係唔係行三大

行定跑？
玩左幾耐？
咩天氣玩
咁清覺得加埋三咀而家天氣要幾耐？

連玩連影相逗留，你預5個鐘。

針草帽係咪易過三大連走?

星期六我都行左八仙嶺, 幾好玩, 行完小腿有少少痛同緊.......跑開步好少練斜, 遲下真係要玩下跑山斜路 操操體能先得

易一半，
三大最少要針草帽一倍時間。

天氣開始熱真係好易中暑
等緊落大雨之後行石澗
有水會清涼啲
行到熱又可以落去浸下

都要曬返兩日等啲泥石乾啲先安全

仆佢個街琴日朝早11點上雞公嶺,上斜行到個人飲極水都係發熱,有個呀叔仲問我有冇事好撚辛苦

我試過了
前排有日好似29 30度
行三大
果日一開始行雞公嶺都feel到出事
平時行得算快
果日曬到超辛苦
帶左3L水諗住過二大先補給
點知行完雞公嶺都飲左2L幾
上到大刀屻冇哂水
撐到去嘉道里退出
留返秋天再行過
兒家揀返d短途好過

想問下你地用唔用水袋, 係咪好麻煩?
我自己帶開軟水樽+買樽裝飲品

冇，好少用水袋，
加水唔方便，
有時啲水袋甩喉/摺喉就飲唔到，
又要攪一輪
洗條喉又煩。

自己唔係爆汗果種人，
一次揹3L太重同傻，
揹一兩L又唔使用水袋。

水袋好方便
個水袋淨係裝水就算
唔裝其他野
行完山沖一沖條喉就算

沖完水放冰格可以減少發毛生青台機會