近年自己財政狀況好少少，又想試下新野，所以決定搵個輸得起的銀碼試下美市，上星期五晚，睇睇下市忽然有個諗法…
落場炒賣，贏錢當然開心，但輸錢呢？點可以將輸錢的價值最大化呢？於是我打算每隔幾日就post下自己個倉，贏錢我爽，輸錢可以比你地笑下為大家帶來一點歡樂，一倉兩用，所以你就見到呢個post了，事不宜遲，去圖
2021-02-22 Before Market Open
個acc我total入左十萬美金，依家得返八萬幾，果萬幾全部係GME輸的，GME我預左留比仔女，用黎吹噓當年美國散戶想夾對沖基金，我出過百萬分之一力
(係咪覺得好天真呢？對，我係一個好天真o既人，希望嘍蟻可以試試打倒巨人)
小弟有正職，呢筆錢輸曬唔會對我生活有非常大影響的，大家放心，唔使勸我停手 : )
或許會出現的問題，答左先
Q. 點解起底乜都冇？
A. 我有另一acc用左好多年，我貼倉證券公司對倉位就可以知我係邊個，唔想原有acc link到我真人，所以開個新acc
Q. 點睇XXXX?
A. 我唔敢答你，我在炒賣，不是投資，總之，覺得貴就睇淡，覺得平就睇升，自己搵資料去組成自己的"覺得"。會免費比No/Ticker而唔使你自己研究的人都係呃你或想散貨比你，同埋，就算會收你錢果d好大機會都係呃你…唔好信人，靠自己，乖豬
溫提：請善用追故/圖片模式
正皮：g持，繼續貼，睇你捱得幾耐先輸曬
負皮：冇人想睇，樓豬你走啦
