用最理性角度幫你分析吓你嘅心事

巴打

唔係好多人可以好似你咁理性揀返現任，通常都抵受唔住誘惑揀咗B。

既然揀咗現任，就要心底上徹底放棄呢個女仔B(我雖然喺理性上講到好簡單，但我知道要放棄一個自己中意嘅女仔係極難），但係決定咗揀現任就必須做。之後要同現任增進感情，令自己覺得揀現任係啱嘅選擇。

我諗緊其實喺感情上用最理性嘅角度嚟諗係咪真係咁適合，因為最理性唔等同最正確，定係應該用感性嚟諗，忠於自己心入面嘅諗法，我其實有時都唔知道。

你絕對會妄想有機 其實係點都有少少少機（但事實係佢唔算好鍾意你，因為好鍾意嘅話唔會講出嗰句），而咁樣會好折磨你，你會成日唔開心，好辛苦的。就算比你嗰少少機會搏到同佢一齊你都會好難受，而一齊唔到亦都難受，所以我先建議唔好搵佢。

可能我講嘅說話會比較難聽但應該真實

佢係咪有新嘅對象呀，如果有就唔好啦，可能依家都無乜心機同你text了

男人食左至算
好正常

你地女人比機會男人食
而男人唔上你地仲會嫌棄

sp

我早排同一齊好耐 既女朋友分手
我好想可以繼續同佢一齊 好想有機會一齊翻

最近無意中知道左佢已經有新感情開始
我個心好亂 我仲想一直等落去 等佢地會分開
心入面諗 只要佢一日未結婚 我都有機會
我以為自己可以控制到自己情緒
以為自己訂好等 呢個目標 就可以平穩過渡日常
但原來好似唔得 理性上 我知自己要放手
唔應該糾纏落去 我諗住有既機會其實不切實際
但感情上 我放棄唔到

理性上諗係應該要放手，但實際上當然唔係話放就放到，你可以等，但唔係抱住一個想法就係死都要等到，等嘅同時打開自己，接受身邊新出現嘅人，照樣好好咁樣生活，直到自己有一日可以覺悟。

不過，同時諗吓佢係咪真係咁值得等，分得已經證明有啲嘢唔夾，就算比你一齊返結果都可能一樣，到時只不過會變成呢一次嘅餘震，而且佢分咗無幾耐就有新戀情添，所以諗等唔等到嘅同時要諗埋到底值唔值得呢。不過到呢到又會有人講感情嘅嘢邊有講值唔值得㗎其實都啱嘅。

由一開始我就明白分開得 段關係一定有問題
但只要知道問題係邊 唔再重蹈覆轍

我可以堅持自己唔開始另一段感情
雖然我想佢都同我一樣 但係佢冇義務咁做
我冇權要求佢一直同我一樣 同埋
分咗之後幾耐時間之後先有另一個 係冇準則㗎
雖然少不免會諗向最差嘅嗰個情況
就算咁我都仲係覺得我好愛佢
只要可以同番佢一齊 做咩都係值得嘅

只係我依家唔知點樣可以保持情緒穩定
唔係自己不斷想自己冷靜落嚟就可以
我有時會好突然之間就諗起佢
明明咩都睇唔到 都會去望下佢fb ig
會好想知佢近況係點 好似知道嘅多d佢依家點
心情就會容易d平伏