男朋友話帶我食好西，第一次去食，個鴨髀係幾正。
但埋單時發現張單自動加$1，寫住俾一間慈善機構（唔記得邊間）。
由頭到尾都唔知有咁嘅事，就算俾錢果時侍應都係一句都冇講。
$1 係少錢，但係原則問題，就算我想捐錢都係用自己名義、捐俾自己認同嘅機構。咁樣偷偷地加落張單度，好鬼祟。我覺得間餐廳好似偷咗啲客嘅錢，用自己名義捐黎攞彩咁。
男朋友話唔好出聲，話$1咁少錢、同人理論好難睇喎，結果硬食。
我覺得，間餐廳想搞捐錢嘅，咪整啲餐標貴啲、寫明會捐收益嘅 x% 俾咩機構，咁咪大家都自我感覺良好囉，點解要咁鬼祟？
