有無研究開山水畫既巴打?

60 回覆
4 Like 0 Dislike
2021-02-27 13:15:04
卷雲其實個概念都係披麻derive出嚟 都係中鋒用筆,中鋒就好似寫書法咁。郭熙都係卷雲。其實大部分皴法都係由披麻變化而成。唔計南宋劉李馬夏個派。
同意觀察真山水既idea,古人傳統都重視師法自然。
2021-02-27 13:15:04
傅申既張大千的世界
但只係好簡單既介紹圖錄咁
山水畫世界要學習真係窮一生之力都攪唔掂
2021-02-27 13:24:42
請恕我不同意
因為李成郭熙畫既係北方山水
山石質感同董巨畫既南方山水多土石既質感有所不同 披麻皴正正係用而描繪依種土石質感既最佳皴法
所以我個人認為唔可以話係由披麻derive出黎
而且王維董巨抬頭都係去到北宋末年蘇軾米芾李龍眠提倡文人畫之後既事
之前一直都係荊浩關仝李成既天下 范寛郭熙都係學李成 董巨一直僅係南唐江南有影響力
2021-02-27 13:28:08
以前畫左好多年山水畫,咁多年都臨摹鳩畫
留名學野
2021-02-27 13:39:21
樓上兩位係真有料
跟進學野
2021-02-27 13:42:47
南宋偏安之後,南宋承接住北宋畫院體系,繼續搞畫院。不過主流風格就變咗,當時畫院就有南宋四家。劉松年,馬遠,李唐同夏圭。開始用多左側鋒。所以出現一種唔係中鋒既筆法,叫斧劈皴。南宋四家既體系,後世如董其昌都唔大承認佢係文人畫體系,有幾個說法,1.覺得呢班人既畫太匠氣,intention係畫匠,因為工既成份太重.2骨法用筆唔夠,因為唔承繼中鋒用筆,斧劈皴係側鋒既。3.呢派既畫有部分都係對角式構圖,d山石偏落一角,有種偏安既隱喻,後世人覺得呢個時代好shame,無風骨
2021-02-27 13:48:28
或者咁講 應該係話卷雲同披麻shares同樣既特質,中鋒用筆。不過有左畫院之後畫家有無睇過皇帝d收藏而影響到佢自己既筆路都可能有機會。
2021-02-27 13:49:40
3個點,所以會有馬一角夏半邊之說,半壁江山之意
2021-02-27 13:53:31
不過其實咁有系統地整合各家畫法都係董其昌之後既事,宋代主要都係強調個種大山大水既格局,一座巨碑式既構圖,分開幾個空間
2021-02-27 14:20:37
去到元代,其實都有畫院既,不過更加被後世所推崇既係去番文人繪畫,非畫院系統既。崇尚翻古意。呢班文人畫家係宋既遺民,有趙孟頫,另外元四家,黃公望,王蒙,倪瓚同吳鎮。前者都有係元做過下一官半職,後四者都係過住隱居既生活,以文人身份自居,並拒絕serve元政府。趙孟頫重要既位係對古意既推崇。佢有句話係講:作畫貴有古意,若無古意,雖工無益。反映緊當時漢人對古意同傳統既價值既追求。佢最有名既作品係鵲華秋色圖,係青綠山水,畫既係鵲山同華不住山,因為佢有個朋友周密家鄉係個度附近,周密就長年係另一個地方居住。所以趙就畫呢張畫比佢比佢睇翻家鄉。

元四家就各自有自己既style,承襲左北宋,董巨既style再變體,亦都有d有自己風格,好重視筆意。黃公望承繼左董巨既矾頭,南方山水既style,筆墨較濕潤而逸筆草草既,例如有富春山居圖。王蒙都有一d矾頭既畫法,而且比較巨碑式,相對地乾筆同綿密。倪瓚就係元四家中最簡練,格式會係一河兩岸式,行筆都比較快。吳鎮就係偏濕筆,好潤既,會用好多積墨既方法
2021-02-27 14:22:58
宋代仲有一家叫米氏山水
包括米芾同米友仁,係父子
特點就係用好多橫點積積染染。做一種落雨,好濕既感覺
2021-02-27 14:43:05
明朝董其昌有個學說叫南北宗論,將董巨,北宋,米家山水個路歸入北宗,南宋時期個路主流畫法歸入南宗,佢比較貶南宗,揚北宗,以北宗為正統。

去翻南宋時期有個僧人叫牧谿,佢畫法比較係南宗既,佢將山水畫帶入去日本,形成左日本文人山水畫既style,都偏向中國既南宗。 亦都影響到後來既狩野派畫法
2021-02-27 14:45:40
當所有畫史,歴史,技法,哲學,道炒埋一齊就好複雜
2021-02-27 16:05:02
咁有文化
2021-02-27 17:29:20
On9?
睇畫同睇電視一樣 睇電視又有文化?
2021-02-27 17:32:15
我覺得咁叫有文化,又踩親你?
2021-02-27 18:29:16
明朝繪畫史基本上就有好明顯既正統派脈絡,都係循住北宗個路發展,都係董巨,李郭,范寬既路數,而且開始系統化,有拆解分析作品既trend,將山水畫既language有系統地分類。例如董其昌會有南北宗論,佢既畫有d都有提跋話係彷邊個邊個既style. 係明朝都有明四家好具代表性 包括 沈周,文徵明,唐伯虎同仇英。另外藍瑛既山水畫都好具代表性。當中沈周點同董其昌就最有影響力,基本上明朝最具代表性都係呢兩個,都係承接住北宗。
2021-02-27 19:06:22
到清朝都係外族統治中原,不過滿人對漢人既政策都無蒙古人咁harsh,所以都好包容漢人文化。而當時既有兩派畫家,一派承繼住傳統,係幫朝廷畫畫既,藝術史入面都會叫佢地做四王,因為個四個畫家咁啱都係姓王,王石谷,王原祁,王鑑同王時敏,佢地風格其實都差唔多。另外就有清四僧,就係四個和尚,佢地本來都係明朝d皇親國戚,明朝亡左之後,佢地要隱姓埋名,以免被清算,呢四個畫家分別係石濤,八大山人(八大山人係一個人黎),髡残同弘仁。四僧既風格就同四王好唔同,會多變好多,而四王既個派因為繪畫系統化左,所以就會變得standardized,好多都好類似。四僧主張唔摹古,靠感受真山水感受自然去畫畫,而當中石濤有個畫語錄,係好影響到後世書畫既發展。佢既畫語錄基本上就係一個道家意想既畫論,佢話太古無法,太朴不散,太朴一散而法立矣,法於何立,立於一畫。意思就係話畫畫本來唔應該有一套既定既方法,佢反對摹古,一畫呢個概念就好似宇宙起源咁,道生一,一生二,二生三,三生萬物。呢個宇宙觀就係佢對於畫同自然既主張。以搵出一張畫一件事既原理
2021-03-01 08:28:03
睇曬巴打咁多回覆,都真係幾詳細,非常感謝,好多野可以學。但你係讀藝術出身?
2021-03-01 12:09:28
勁正! 如數家珍
2021-03-03 19:21:09
係呀,研究過下
2021-04-14 16:24:30
我睇左你一年前既貼 耶和華曾經話過 凡轉耳不聽律法 其禱告也為可憎 如果你真係感受到個自稱係女性既<聖靈> 你應該反省下自己有無守律法 如果十誡都無守 耶和華點會聽你祈禱又同你溝通 其次 聖靈只係耶和華既力量 係唔會有性別之分 你諗下自己係咪活在罪中 比邪靈搞擾緊好過 真係聖靈點會同你自稱聖靈 又同你傾計 又同你預言 聖靈只會帶領你遵守神既道
https://youtu.be/_CRaCJOb8mo
2021-04-14 16:47:04
佩服你咁樣黎覆我
不過想再同你講,舊約果陣既人會唔會知有新約?識唔識聖子?佢地只係識神,唔知有聖子同聖靈既存在。而且耶穌一講話語,班猶太人已經話耶穌錯,你要知道,耶穌果陣只係一個30出頭既後生,而佢面對既係班大過佢既猶太祭司長,耶穌講好多祭司長無聽過既野,但神最後證明左邊個岩。

神每個時代都會動工,但人往往會以住自己想法去反對神所講既野/做既野。由舊約到今日都係咁。暫時無乜心情同你嗌,但我想講,我真係倒空內心,流住眼淚咁祈禱左好多,神最終真係有回應我。 如果以耶穌果陣既狀況黎比喻,我就係跟隨耶穌既人加尼哥底母,而你就係祭司長。
2021-04-14 17:03:58
聖經邊度有三位一體呢4隻字? 明明四世紀人類自創既詞彙

摩西十誡第一誡
除了耶和華以外你不可有別的神

原文最後兩隻字既英文係應該翻譯做 on the face 而唔係before me 而位格拉丁文是 persona 即係面具 你自己抽離少少睇下信三位一體有無問題好過

其次 耶穌係馬太福音講過 你若要進入永生 就當遵守誡命。 佢亦提醒我地要跟隨法利賽人所吩咐之事 只係唔好好似佢地咁得把口 無行為 即係耶穌降世唔代表我地唔駛守律法

再者 我睇你係信保羅嗰套 以恩典時代為藉口 合理化自己唔守神既律法同誡命 我想請問你一句 就算守摩西律法唔係得救標準 作為一個自稱好愛神既人 唔係都應該守咩 我唔明你打咁大段有咩意思 每個人都有時候會對住上帝祈禱都會喊 而你只係葡萄園比喻中既大仔 唔洗FF咁多

其實一句講晒 有無食可憎之物 有無守安息日 有無守十誡 你知我知 有就有 無就無 點解要講咁大段?

最後 聖經講過 見到人跌倒應該要提醒佢 我依家唔係搵理由同你嗌交 你唔鐘意信咪算 我只係盡自己既義務 而你都可以繼續自我感覺良好 無興趣知
2021-04-14 17:16:31
感謝你提醒我。

純粹想問,你係守曬舊約啲律法?同埋你主日係咪一啲野都唔做,聽講猶太教係連燈制都唔可以㩒。而且你有無食豬,無鱗既魚有無食過??

同埋聖經創世紀,1章26節,神已經話:我們要按照我們的形象造人
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞