《聽說過美國聖地牙哥這間鬼屋嗎》外傳

《聽說過美國聖地牙哥這間鬼屋嗎》外傳
故事簡介

政府突然宣布全港進入緊急戒備狀態，

無數感染者襲擊人群、血花四濺……

我從大學逃命般終於跑到旺角這商場，

完全沒想過這才是讓我掉進地獄的開始……

==========
終於出外傳喇！
隔咗咁耐，大家應該唔記得晒個故
不過呢個外傳可以獨立咁睇，無睇鬼屋個故都無問題。

之前大家投俾天韻最多票，
所以呢個故會用大學時期嘅佢做主角(即係入鬼屋前傳)，
俾大家睇下點解佢大個咗會咁變態

暫定一個星期更新兩篇
如果唔想等文，
建議睇埋另一個緊張末日故《死也不要讓我成為他們》
因為呢個故正正發生喺《死》嘅時候！
所以亦可以當係《死》前傳咁睇
(當然唔睇都會明講咩，會有註解)

風格方面大家放心，無鬼屋個故咁重口血腥，亦無嚇人圖
但保證緊張刺激！

如果覺得個故唔錯，希望有你嘅正皮又好、留言又好
你嘅回應係我寫落去最大嘅動力！

帶定頭盔：
本故事純屬虛構。
本故事不鼓吹任何暴力/虐待行為，切勿模仿。
本故事無意亦不打算「消費」旺角商場電梯意外。

===================

相關文章連結：

《聽說過美國聖地牙哥這間鬼屋嗎》
FB:　 https://www.facebook.com/greenizmstory/photos/a.261927000851816.1073741831.238043723240144/261927007518482/?type=3&theater

紙言:
https://www.shikoto.com/article/93048/%E8%81%BD%E8%AA%AA%E9%81%8E%E7%BE%8E%E5%9C%8B%E8%81%96%E5%9C%B0%E7%89%99%E5%93%A5%E9%80%99%E9%96%93%E9%AC%BC%E5%B1%8B%E5%97%8E.html

《死也不要讓我成為他們》
FB: https://www.facebook.com/greenizmstory/photos/a.247708362273680.1073741829.238043723240144/247708378940345/?type=3&theater

紙言:
https://www.shikoto.com/article/67948/%5B%E7%B7%8A%E5%BC%B5X%E6%87%B8%E7%96%91X%E8%A1%80%E8%85%A5%5D-%E6%AD%BB%E4%B9%9F%E4%B8%8D%E8%A6%81%E8%AE%93%E6%88%91%E6%88%90%E7%82%BA%E3%80%8C%E4%BB%96%E5%80%91%E3%80%8D.html

一開連登就見到呢個post 留名

留名留名 耐到都唔記果陣睇哂未

《聽說過美國聖地牙哥這間鬼屋嗎》
外傳-01



===================
故事簡介：

政府突然宣布全港進入緊急戒備狀態，

無數感染者襲擊人群、血花四濺⋯⋯

我從大學逃命般終於跑到旺角這商場，

完全沒想過這才是讓我掉進地獄的開始⋯⋯
===================

「由於嚴重急性情緒綜合症『森士』疫情嚴重 (註＊)、病毒傳播速度迅速，本港保安局已於早上十時發出黑色外遊警示，呢個係針對所有海外國家發出嘅外遊警示，如非必要切勿前往外地。

「另外，本港已進入緊急戒備狀態，全港所有學校、各行業停學停工直到另行通知。政府呼籲市民切勿外出，靜待喺戶內安全地方並將門窗緊閉——」

(＊註：簡稱森士病，出現於《死也不要讓我成為他們》的虛構病，一種透過體液、傷口傳染的情緒病，發病期間患者的行為具侵略性、失去理智地殺人)

===================
故事全文連結：
下面兩個故事都同呢個故事有關(不過唔睇都明講乜)

《聽說過美國聖地牙哥這間鬼屋嗎》
https://www.facebook.com/greenizmstory/photos/a.261927000851816.1073741831.238043723240144/261927007518482/?type=3&theater

《死也不要讓我成為他們》
https://www.facebook.com/greenizmstory/photos/a.247708362273680.1073741829.238043723240144/247708378940345/?type=3&theater
===================

[朗毫方商場B2層]

呼、呼、呼……

商場隔沒多久就廣播這段訊息，不，應該說沿路一直過來朗毫方商場都聽到同一段警告。我肯定是瘋了，這種時勢還老遠從大學趕到旺角來，明明教授叫我們下課後馬上回家。

呼、呼、呼……

他死了沒？到底死了沒？

地上淌著血這中年男子是我第一名殺死的人，應該說是第一次直接用刀刺殺死掉。雖然之前試過間接殺人，然而如此血淋淋地幹掉一個人，還真的蠻……蠻痛快！

森士病或許讓很多人痛失至親，但對我來說卻是一個極好的機會！一個可以合法殺人的機會！現在整個世界亂成這樣，警察和執法部門自身難保，誰有空管我殺的人是不是感染者、是不是自衛殺人！

終於終於，可以完成我多年來的夢想！

家賢……你等我啊！

「天韻！原來你跑咗入嚟！無事嘛！？」與我同一學系的同學阿智跑過來。

我們現處於地鐵連接朗毫方之間的地庫層。不用說，所有路人和店舖裡的職員都已經逃走，剩下的只有地上數件屍體。不曉得他們是不是隨時會醒來的感染者。

「有無俾佢感染到？」阿智這白痴，自己渾身是血還先顧我。不過他有他的存在價值，暫且與他共同行動。

「手上啲血係呢個男人㗎，我無嘢呀。」我說。「反而你，頭先有無整親？」

意思是怕他受感染，森士病病發的話我就危險了。

他卻以為我擔心他安危，一臉得意說：「放心，我會一直保護你㗎。嚟啦，上埋條電梯就入到朗毫方㗎喇！快！」

嘆口氣，無奈地跟著他跑到地面有H&N那層，這時通往外面的玻璃大門已被木板封起來，看不見外面街道的狀況。

很明顯是商場內的人阻擋發病者從外進內而封起，所以其他出入口也即將被封閉？

「死喇，到時有咩嘢事咪走唔到囉？！」阿智回頭問。

我堅定地說：「之後嘅事之後先算，我要搵家賢出嚟先。」

他立刻怯一怯：「我唔肯定佢走咗未㗎，總之我哋以最快速度，上去十樓睇吓先，家賢間舖就喺果層！」

由於通訊系統失靈以致網絡斷斷續續，他無法用Wtsapp聯絡家賢。

「佢一定喺度。」越過他，我繼續往前走。

「天韻，」他從後拉一拉我。「你肯定你……殺得落手？」

我直視他雙眼答：「我已經等咗四年，就係搵緊機會落手。我擔心嘅，反而係到時你會唔會禁住我。」

他無奈道：「佢呢種人唔死都無用，我只係唔想由你郁手。」

「你只要將我帶到佢面前就得，其他嘢你唔好理。」這是警告他不要代我動手。「行啦，行呢條電梯直上第三層。」

電梯底有幾個人躺著，不曉得是死掉還是感染者，快速跨過他們、踏上電梯好了。

「你哋係咩人？！」電梯頂部掠過一個人影，對我們大喊。

換作平時一定心想：關你甚麼事！可是目前狀況，很明顯是判斷我們是不是發病者。森士病發病者與電影中的喪屍無異，只管殺人、不會說話。

「我哋無事㗎，係正常人！」阿智大叫。

「俾我哋上嚟啦！」

「好！」她爽快道。「快啲上嚟，我哋好等『人』用。」

聽起來絕對不是一件好事。

到達三樓，人吵雜聲更大聲，感覺上面很多發病者在襲擊人群。

剛剛把關的人是一名戴防毒面罩、身穿校服的女子，她說：「我哋就嚟守唔住低層，要將防線退上去八樓。你哋有無刀，快啲上去幫手！」

「幫手」意思是殺掉發病者吧。

「咩防線？講緊咩嘢？」阿智問。

「外面咁危險，我哋諗住暫時匿喺朗毫方，相信你哋都係入嚟避難。原本諗住封晒成幢商場，但佢哋太多人喇，我哋只好改為由第八層開始封起嚟。」

這解釋了玻璃大門的封板。

「咁你留喺度做咩？」難道上面已經變成廝殺屠場所以她不敢上去？

「我哋有人喺樓下超市運緊嘢食物資上去，我喺度睇住。」

聽起來他們很有組織，一定需要足夠人手才配合得如此有規模。家賢會不會是其中一份子？

「上面有條長電梯直上八樓，我哋一上到去就衝去長梯果度。」阿智悄聲說。

我們想法一致，根本沒打算在這裡久待，只是為了家賢。

當然，事情不會如此順利發展。

我們一上到四樓，面前環境混亂得不堪入目。

不，不是混亂這樣簡單，而是大混戰！

映入眼簾當然是長電梯沒錯，但梯底分別有幾群人扭打成一團、失去意識的人流著血四散躺在地上、人們慌張地逃往更裡面的美食廣場、尖叫聲、不明物品敲打聲......

此刻，完全不知道面罩女叫我們上來幫手，到底要從何著手。幸好我和阿智目標明確：上八樓。

「天韻！跑呀！」阿智率先跑在前頭，拉我的手想把我帶到長梯。

可惜一跑近，混戰中的幾個人馬上轉頭看我們，那充血的雙眼、嘴角滲出的血絲......

他們已經受感染！他們全部都是發病者！

「呀——！」看到地上的情況，我不禁失聲大叫。

原來他們不是在混戰，而是圍住地上一件屍體正在分吃中！

「哇屌！」阿智幾乎要吐的樣子。

我喊：「危險！我哋避一避先！」

從長梯上去似乎是沒可能，重點是，其中幾個發病者發狂似的對我們吼叫起來！

「走呀！」阿智帶我轉向美食廣場那邊跑，身後幾個發病者咬牙切齒地緊追我們！

不要說上八樓了，能否在四樓生還也成問題！

——待續

希望睇完可以俾個正評/求其留個言都好，
等我知有人想睇落去……
呢個會好鼓勵到我嘅寫作！

一開連登就見到呢個post 留名

是咪舊讀者?

正 一直等緊出外傳
加油俾心機 出快d

留名留名 耐到都唔記果陣睇哂未

舊讀者
唔緊要架, 獨立2個故, 唔睇晒都明呢個

正 之前有追開
睇到想嘔

正 一直等緊出外傳
加油俾心機 出快d

原來仲有人記得
會加速架！

當初個進度太慢冇追
個故完未

舊讀者留名
等睇外傳

留個名先

等到喇！正評咗先，訓醒再睇

正 之前有追開
睇到想嘔

幾驚個個唔記得晒個故
食左肉醬意粉未

當初個進度太慢冇追
個故完未

完左好耐啦

去FB 睇:
https://m.facebook.com/greenizmstory/photos/a.261927000851816.1073741831.238043723240144/261927007518482/?type=3&theater

去紙言睇:
https://www.shikoto.com/article/93048/聽說過美國聖地牙哥這間鬼屋嗎.html

舊讀者留名
等睇外傳

好彩仲有舊讀者等緊外傳
會俾心機落去！

獵奇鬼屋 我記得你

留個名先

多謝多謝！

《聽說過美國聖地牙哥這間鬼屋嗎》
外傳-02



朗毫方商場四樓

跑向美食廣場途中經過幾條電梯，但全堆滿雜物阻擋去路，看來是面罩女所講的「封鎖商場計劃」之一：為免感染者殺上來。

在甜品店和壽司店後面，我們來到美食廣場。

眼前的景象讓人感到很不對勁……

不對勁不是指牆上或椅桌上的血跡，也不是地上的屍骸，而是這裡竟然平靜得與剛剛長梯那邊形成強烈的反差。

究竟逃跑的人們走去哪裡？

「點算好呀！我哋唔夠打㗎！」眼見快跑到盡頭，阿智失聲大叫起來。

我和他只得兩人，但狂追我們的發病者......糟糕！五人！

這時我隱約瞄到其中一間食店的櫃台下面，有人影閃動，似乎有人蹲在裡面躲起來！

原來剛剛那班逃命的人跳到食店入面！

「果度呀！我哋爬入去！」我跨到櫃台上，果然發現有幾個人一臉驚訝藏在裡面。

由於我擋在櫃台上，阿智來不及進來，他爬入隔壁的食店裡。

不過暫時沒空理他，因為身後已經有兩個發病者闖進來！

「你引晒佢哋入嚟喇！」一名OL整張臉皺成一團大罵。

「屌！咁撚多嘢講，殺撚晒班仆街先啦！」滿口粗口的青年喝斥。

「噗！」

這一聲讓在場人士目瞪口呆，一名長得清秀的女生一刀直插發病者頭顱，即時解決了發病者！

「——呀！」我左手手臂被另一名發病者猛力掐住，他瞪大眼睛要向我咬過來！

右手立刻緊握小刀，橫放向他血盆大口中架開他、左手使力掙脫他，慌忙從附近的餐架上抓了一支叉子插向他眼睛。

粗口男上前用刀割他喉嚨，成功再殺多個發病者！

Clear！我們這邊清除了所有發病者，即是另外幾個爬入去阿智那邊。

「仲有三個！我哋快啲過去幫佢哋！」我趕緊道。

話一說完，隔壁馬上傳出求救聲！

「走開呀！」一把女聲，聽起來很辛苦似的。

「嗚呀！」似乎是阿智的叫聲。

OL雙手抱在胸前顫抖道：「留喺度係最安全，要救你自己救。」

「咁撚自私！」粗口男罵。「靚女唔緊要，我幫你！」說罷他瞄瞄我的胸部。

清秀女扯一扯他衣角，輕輕搖頭。

我嘆口氣：「我明白，咁我自己去！」因為阿智還未可以死，他一定要活著。

其實呢個屍故同鬼屋故有咩關係