冇架,其實福仔新出嘅鏡頭唔係咁啱估焦,佢5m開外到無限遠嘅好多時都好窄身
你見福仔嘅對焦尺為咗快速對焦
其實減省咗好多空間
除咗說服自己模糊咗都有Feel/手動鏡頭唔洗追求準繩/收光圈超焦距/影到當贏
好多時候都真係練習得嚟
我對焦係用Kai W 教嘅方法, 先將對焦桿預判,通常係推到無限遠,然後對焦嘅時候就輕輕收少少返嚟,大概3-5M左右好多時候見畫面一中紅我就即㩒,講求眼到心到手到(何藩嘅街頭攝影叢談),始終用定焦用慣咗嚟嚟去去都係嗰個焦距,之前用Leica 又會慣咗一定嘅空間感,大致知道個位置同距離感,人Ready 咗,跟住諗住構圖(如果係影朋友嘅我通常會就輕輕引導一下同時預下佢擰轉頭,撥頭髮,等嗰一剎那),然後頭髮位、衫領、眼鏡位嗰啲最易中相位對焦。兩隻眼花開兩朵。左眼留意外面周圍,右眼睇畫面有冇紅,咁樣嘅話捉Decisvie Moment 就準好多
當然呢度都取巧成份多,因為你見我都係影靜物嘢,我有用連拍,收光圈,同埋Set 峰值對焦做低
因為好多時候如果Set 咗高嘅話,對啲大範圍嘅就會好大面積嘅紅,會好干擾,同黃班嘅簡潔都係差咁啲
最後都有關acutuance,即係光比大時嘅光線時影,唔好光線就放棄,揀相時嚴格啲,咁樣自然就會有Sharp 相啦。
仲有兩點係小弟始終後生啲,眼力好啲,雖然戴眼鏡,但點都好啲嘅。而且我用嚟用去都係嗰枝鏡,試過成個禮拜係咁練,真係會比平時貪心左轉右轉發揮得好多,甚至有個Feel係好似人鏡合一,心中有景咁,盲拍都捉到,當然相應地就冇咁Sharp啦。
After all,講完一大輪我都係會繼續水你課金,唔Sharp 可能係鏡嘅問題喎,快買新鏡,買咗就會Sharp