咁但係點又為止好食懶飛?係咪做快遞做地盤工都算?調返轉頭講,點先算係為社會出一分力? 其實認真諗吓,佢哋大多喺工作搵工係有好多阻滯,我哋識廣東話就話啫,而家有好多企業都堅持淨係請識講廣東話嘅人
(亦都係點解以英文為主要溝通渠道嘅職場會有多少少南亞裔人)
你講「大部份」其實真係好以偏概全嘅睇法,正如我認同本地真係有唔少南亞裔人真係呃飲呃食,但絕對唔係好似你咁講係冇用
你唔念在你呢啲言論會加強香港人對南亞裔嘅刻板印象,你都考慮吓其實香港有唔少南亞裔嘅人才,你連真心認識都冇你就話人係狗係廢柴,會唔會有啲一碌棍打一船人呢?
我知樓主你有呢啲觀念都係源自你過去同南亞裔人嘅碰撞而有嘅睇法,就算你日常生活冇機會認識佢哋都好,但係都希望你對佢哋多加了解,同埋唔好亂咁用標籤去睇其他人