小妹自大學開始一直受暗瘡困擾,已有數年。自武漢肺炎爆發,美容院關閉,我有大半年無做facial 無做針清,但神奇地生少咗好多暗瘡,之前生襯一爆就額頭+兩頰,而家基本上淨係額頭間中會有,兩頰都冇乜點生。呢半年我都做咗唔少護膚清潔上嘅改變,想整好啲皮膚,以下綜合咗幾樣,我認為係對暗瘡治療有幫助。
我嘅皮膚狀態:T字位會比較多油,生嘅暗瘡有時石頭瘡,但大部分都係生啲有癑,細細粒令人好想唧個種。生來生去都生喺舊個啲位。如果有人同我都係咁,我建議你睇埋落去。
Btw 我用個啲野全完都勁平,無錢但又想take care 皮膚狀況嘅人都可以參考下。
1. 唔好唧佢
針清、自己用針唧、用棉花棒唧都唔好做,咁樣會令到有好多傷口更易發炎。等到佢熟,洗面嘅時候佢就會自然爆,到時再搽茶樹gel。我諗返之前發現我針清完一個星期係會好啲,但第二個星期就多數會又生返,沒完沒了。
2. 用咩清潔
唔化妝時就早晚用清水清潔。化咗妝要落妝,為咗要確保乾淨,我眼嘴個啲位會用Bioderma 粉紅色卸妝水,面就會用油,大家聽到油可能會好驚,我用緊shu uemura 綠色個隻洗完好乾淨乾爽就唔會lup痴痴。沖完涼之後,我會用innisfree 綠色個隻洗面,洗面嗰陣盡量細力啲,最後過水用按壓嘅方法,減少對皮膚嘅刺激,正常洗完面塊面唔應該紅。
3. 用咩搽暗瘡
搽嘅時候記得,記得,記得,每搽一粒暗瘡都要用新一邊嘅棉花棒,唔好搽完一粒又一粒。呢枝野勁平,好似30蚊一枝。gel又勁清爽,個人感覺佢幾好。
4. 用咩護膚品
爽膚水我仲會用薏仁爽膚水,好平勁大枝,洗完面就倒落化妝棉成塊面敷五分鐘。個枝陶土就淨係敷喺暗瘡上面。保濕我都係亂咁揀,保濕就好了
5. 戒口
我無戒口,我個人覺得食熱氣辣野係會爭啲,但我最嚴重個陣係食得清淡到不得了,我覺得食物唔多關我事,反而壓力仲大影響。
Sorry 講得太多好長,有咩問題可以問我。 btw唔好以為生暗瘡已經好慘,有咩慘過同時間同暗瘡+濕疹搏鬥緊,共勉之。