（好人好事）瓏門請咗個失業手足 請大家多多支持

喺剛剛12月中 咪有個妹妹因為疫情
長時間無工開 主動PM問我
可唔可以分期買走個盆菜返屋企畀人嘅

而⋯呢位妹妹最近聯絡返我
話自己終於搵到份「步兵」嘅工作！
今日同佢見面嘅時候
佢仲好滿足咁話
終於唔駛日日晨咁早「扮返工」出門口

但講真 有邊個唔知 步兵每送一單貨品
只係賺得雞碎咁多
（我依家先知要步兵要自己負擔返車費）
同埋知道咗佢屋企嘅情況 又真係幾令人擔憂

聽聽下 我衝口而出講咗句

你有無興趣喺瓏門返工？
不如直到農曆新年
你都幫我哋手做CS （客戶服務員）
然後我每日出返糧畀你

然後⋯最估唔到嘅係⋯
佢好爽快咁應承咗我
聽日開始 佢會喺尖沙嘴分店開工
每日幫我哋回覆年糕、盆菜訂單/查詢

至於你可能問我
點解我會用「衝口而出」嚟形容當時嘅情況
舖頭生意唔見得好 仲請人真係好On_
但我喺到諗 舖頭咁啱真係有空缺
與其每一日嗌口號
不如真係企返落地 做返啲實事 幫下同路人啦

縱然好人未必一世平安
仲有可能令到自己焦頭爛額

但最起碼 我做人心安理得
加油呀各位！




瓏門啲煲仔菜的確唔錯

琴日食個個京都豬仔骨煲真係食唔停

我都係

女人貪靚有乜咁出奇

我覺得好食過雞煲

今日先請

我最中意羊腩煲

笑左

邊度見到唔得閒返工

以為你講屯門vicity 上面啲住宅請保安

唔緊要

下次加番冰室兩個字

支持良心鋪頭