見到隔離po講tb衰嘢,我想講⋯其實一個人賤起上黎真無分性別一樣咁賤
1.真係好嬲 將我valentine’s day整嘅朱古力送比其他女仔,話係自己DIY嘅整得唔靚,由構圖開始到落手整出黎點可以話唔靚
當時我準備左一盒九粒嘅朱古力比佢,九粒粒粒都唔同顏色形狀味道同圖案有整過朱古力嘅都知道一個package包嘅份量肯定唔止九粒,起碼有剩幾十粒,哩幾十粒有別於嗰九粒,無咩裝飾,相對黎講係無咁靚,所以我就本來諗住送比班上其他同學一人一粒應下節咁,點知佢知道左即刻話唔好,話情人節唔準我送朱古力比其他人,然後叫我成包比埋佢...之後竟然攞黎借花敬佛送比其他人,諗起真係自己好傻⋯⋯其實有無男仔真係會食曬幾十粒朱古力吖⋯⋯PS DIY朱古力有期要儘快食⋯
借花獻佛個例子仲包括公仔同嗰DIY水晶球,諗起覺得好唔開心唔甘心,點解d人可以咁賤。⋯⋯
我會知道佢送左比其他女仔係事源佢其他女搵上門,佢同其他女仔講話我只係佢嘅朋友,又講好多假嘅嘢黎抹黑我,等其他人唔敢同我接近講嘢或睇低我,例如會講我嘅私生活點點點、屋企家底點⋯之後我同佢其中一條女對翻曬出去拍拖行街聯絡睇戲食飯嘅時間,仲對得翻佢送比其他女仔嘅禮物係我送比佢嘅嘢⋯原來哩d嘢唔係睇戲先會見到嘅嘢⋯我仲記得嗰日嗰心口好似比石頭壓住咁⋯辛苦到透唔到氣飯又食唔落,但又唔可以同屋企人講⋯怕佢地擔心我
真心對人從來無錯,但對象錯左自己就永遠係最錯嗰個