樓主係咪太夜開post copy漏左我篇野
咁唯有自推
既然開到第三個post, 我都忍唔住想講呢間野真係好撚垃圾
上次睇過連登有個omakase post推過呢間,估唔到咁就中撚左伏
本身book十二點,個日遲左少少,12:07先到樓下,入電梯個陣咁啱有個中年女人又係去同一層 。 我同fd入到去見到除左個芝麻仁師傅之後成間鋪冇人都呆左,咁諗緊係咪因為武肺搞到真係少左咁多人交出街食(個陣係年中去), 當咁安慰自己同lift都仲有個食客一陣黎食既時候個個中年女人一野衝左入廚房笠件圍裙就拎茶出黎
第一次去餐廳食野會同個員工同步入店,仲要呢間係一間(
芝麻仁扮既) 高級日本餐廳
個所謂既前菜係個青瓜底加墨魚仔配芝麻同芝麻醬,食落唔知咩事,hea到好似百佳買個d味付八爪魚咁,但係百佳都好食過佢
唔q知掂咗用過n次保鮮紙嘅魚後面既保鮮紙高清圖
前菜伏完之後估唔到主角壽司仲撚伏,去過其他omakase都見到d師傅係會係個木箱入面分次攞d魚出黎切,佢就一野攞晒d魚出黎切好晒再用
保鮮紙就咁包住,個陣唔知以為係因為成間鋪冇其他客所以就咁既安排,而家諗番真係
切好晒d魚放晒係你面前已經見到d魚又冇光澤又甩皮甩骨咁,真係百佳賣個d貨都靚過佢,每次整壽司之前都右手握拳,左手一掌咁打落個拳頭都啪一聲,心諗真係做乜鳩,然後再打開個
保鮮紙攞個魚手放係左手到伸到你面前勁作狀咁同你講:fish ,右手猜舊飯同又伸到你面前講:rice, 跟住溝埋變:sushi
鬼唔知sushi係fish同rice整咩
去片:
https://streamable.com/7k86u1
頭先講過,因為佢d魚一睇就知唔新鮮冇應有既色澤,所以成餐lunch所有壽司整完佢都搽d深色醬上去魚生都上色
魚生既質數大家有目共睹
除左芝麻人師傅特製芝麻海膽配乜鳩餅之外
佢連個濕鳩海膽杯都落芝麻
整海膽杯個陣佢攞個隻蝦個陣睇住佢係個兜到揀左一陣,因為一睇都見到好多唔新鮮,佢自己都要搵一搵
,新鮮少少個d就揀出黎卷個圈咁放上d海膽到,但係卷個兩次入面,第二次又卷唔成型就黎手扔左佢再揀另一隻蝦再卷過
除此之外佢個壽司既節奏勁差,雖然話成間鋪得我地兩個客人(臨走再入多一pair情侶,好似仲要叫最貴個set添
) 但係都未咬完一舊又放多舊係你面前,食都勁急,成餐大約到一點就食完,快到食快餐咁
真心唔想再有人中伏,拿拿臨執柒左佢算啦