[VIUTV全民造星] 12人男子組合 MIRROR討論區 (65)

為左佢地而開ACCOUNT, 第一次留言。
本身有睇造星1 但之後冇特別留意佢地, 係吒叱後先再留意返佢地, 呢家睇緊MG1, 造星2, 膠戰同少量YOUTUBE片, 目前比較鐘意/ 深印象有以下幾個:

姜B – 呢個唔使講啦, 比賽時已覺得佢好有偶像FEEL (唔係貶意, 我覺得香港需要偶像GA), 個樣好賞心悅目, 唱跳又唔失禮。佢有D綜藝同訪問都好笑, 同埋好難得一間 (好似?)咁冇多資源既公司都出到一個咁後生又拎到奬既歌手, 覺得好勵志。

教主 – 首先要對神徒們SAY SORRY
其實比賽時我一直覺得佢怪怪地, 有D女人/油脂味(?), 但最近見佢响舞台時突然型左, 同埋呢家睇MG1時覺得佢玩得好投入, 好好笑, 飲醋果下真係好專業, 而且有D細微位見到佢都幾照顧姜B, 幾樣野加埋真係令我完全改觀。最近睇到佢同EDAN煮野段片, 好正AR, 我鐘意睇呢類好笑/日常VLOG, 可唔可以出多D?

EDAN & JEREMY – 我又要SAY SORRY…
可能我認人要D時間, 其實造星時對EDAN係幾乎零記憶…JEREMY都只記得韓風同藍色毛毛, 佢美國果幾集係未冇講過野?
但係造星2時, 見到佢地明顯既個人風格, 2種都係香港少見既, 加上EDAN 响MG1好正, 所以先開始鐘意。其實我都鐘意JERMY D VLOG (有D係EDAN 果度睇), 覺佢同EDAN/ 細貓果D都幾好笑, 但點解佢CHANNEL得咁少片既? 其實佢上綜藝時較靜, 真好靠D VLOG去了解佢/ 睇有佢既鏡頭。

JER – 比賽時覺得佢唱歌好聽但個樣好慘, 攪到我都有D愁, 果時其實麻麻地佢。但好奇怪地, 响MG1見到佢同一個慘樣又覺得好好笑WO, 有D位仲好得意。講真我本身好少聽廣東歌, 但吒叱後搵返黎聽, 3首歌都好正, 最鐘意風靈 (偏偏冇MV), 好開心佢拎到新人金奬。

AK – 好似好多人話佢, 但我對佢OK WO。樣好吸引, 同埋睇MG1 時覺得佢都幾好人呀。造星2讓賽其實我OK, 因為好似好多參賽者/ 觀眾同導師都對TANK有特殊感情, 佢既行為都乎合佢性格。 吒叱果時佢都有拍手, 其實佢個解釋我接受到。 可能我算新入坑啦, 唔太想發現佢地原來不和/ FANS有衝突之類, 咁會好灰, 所以對所有成員都抱著正面既觀感。

可能係個人喜好既原因, 目前比較鐘意上面果D, 但其他成員其實我都覺唔錯既, 應該睇睇下都會愈黎愈鐘意。
見有人話MG2悶, 咁我唔知睇完MG1之後睇乜好。同埋好奇問問, 造星2果班最後點呀?