【舉征南方】《病港ＩＩ》（２０）

今日好靜

等緊

推

Push

雖然只是口舌之爭，但我心中卻浮起不安的波動。

有時社會上的事，比打鬥還要緊張。

比起明刀明槍的病者，人類自己本身更像難防的暗箭。

就算護士照常給我抗生素，我都因為深深的懷疑而沒有吞下。

為免生出什麼變故，我覺得要提早出院。

我想要盡早完成這場戰爭，

我想把南淵七病獵帶回家。

怎料，翌日清早我收拾個人物品之際，又有新的探訪者前來。

「乜入咗院都唔講聲啊。」那熟識的煙味，讓我一秒了然。

「你又會喺到？」我發現王達尼身邊，還有另一個人隨同：「你係嗰個伍......」

「伍錦星啊！灣仔倖存區管理人，嗰次就職典禮同你仲有達尼生見過一面！」他標誌性的地中海髮型，留下不少的印象。

王達尼呼口煙，徐徐地說：「琴晚阿星突然搵我飲酒，咁我哋就順便過去傾埋生意，傾到今朝就同佢順便飲埋茶，佢無意間講起你入咗院，我先知道你喺到，咪特登嚟睇下你......搞咩啊你？都已經做咗會長嫁啦，仲出去頻撲啊？」

「好少事。」我繼續收拾物品。

「啊......Ｍ會長！送俾你嘅。」伍錦星送上精緻的果籃。

在這個年頭，果籃可以稱得上是名貴的禮品。

「入面封信係......」我留意到入面放著信件。

「喔，係代表廣大灣仔倖存區嘅居民，對你致謝！佢哋好感激你，嗰次病者喺銅鑼灣爆發嘅事，連我個七歲嘅女都好鐘意你。」伍錦星笑說。

我打開信件：「係？」平平無奇的感謝信。

「先生，醫院依到唔俾食煙。」醫院的姑娘特意入來提醒。

「唔好意思。」王達尼收下香煙，轉拿酒壺。

「先生，醫院依到都唔俾飲酒。」姑娘續說。

「吓......酒都唔俾飲。」王達尼收下酒壺，又拿出檳榔準備放入口。

「先生，檳榔都係唔得嘅。」姑娘捉住他的手。

「有冇搞錯啊......提神三寶都唔得......」王達尼一旦發火非同小可，忽然拿出牧童笛放到嘴邊：「咁吹牧童笛得啦呱！？」

「嗶嗶嗶──嗶嚶嚶嚶──！」他胡亂吹了兩嘴。

「呃，咁健康有益嘅活動當然得。」姑娘離開病房。

「癡線......」王達尼見姑娘離開，把牧童笛收回大衣內。

「你突然間拎枝牧童笛出嚟吹，點睇都係你癡線啲......」我不知自己剛才看了什麼。

「唔知有冇機會可以支援下你哋病獵協會呢？」伍錦星驀地提出。

「支援？」我停下雙手。

「無錯！我哋灣仔倖存區都係啱啱先復甦，但我哋都可以提供到一啲資源俾你哋，而且Ｍ會長你好似搞緊南征嘅事？就算傳媒無報導，廣大市民睇到你哋啲動向都估到少少，咁倒不如真正向大家講述一次？」

「你可以為我哋提供啲咩。」我直接問利益層面。

「首先肯定係昂貴嘅醫療用品，我樂意幫你哋分擔一下，反正我接管倖存區之後，律敦治醫院嗰邊遺留咗一大批醫療用品，係我暫時用唔著，倒不如貢獻俾你哋。」

「唔見你幫我嗰區分擔下？」王達尼問他。

「嘿，Ｍ會長嘅病獵協會係為人類福祉著想，達尼生你嗰到又點同呢......」

「咁多謝你先。」

「但我都想有個小小嘅要求......」伍錦星說。

我淡淡一笑：「果然係無免費嘅午餐。」

「好簡單！只需要喺灣仔倖存區，成立病獵協會嘅分部。」伍錦星提出。

「我無額外嘅經費，去營運額外嘅分部。」我們最多只有病獵旅館，設置在不同的倖存區。

要經營一整所病獵協會，是件很困難的事。

「我仲未講完，全部費用會由我承擔。」伍錦星拍拍胸口。

「嗯......？」

「營運開支、膳食、住宿、武器修理、人才培育，全部費用我哋一力承擔，以我灣仔管理人嘅名義！」

「哇，你要知道係每個月都接近成幾百萬籽開支喎，你咁有錢啊......」王達尼疑惑。

「我覺得會係好嘅投資。」伍錦星愉快一笑。

「等我哋討論下先。」我讓伍錦星先行出去。

伍錦星一邊行出，一邊拋出誘因：「如果你肯，我可以即刻就派發醫療物資到你哋到！」

房間剩下我和王達尼後，我才問他：「點睇？」

「睇落百利而無一害嘅......」王達尼跟我想法一樣。

「但係會唔會太突然？」我把他帶來的蘋果，放到王達尼的嘴前餵他吃一口。

「唔......」王達尼咬上一口蘋果，抱著手沉思：「基本上你唔洗付出任何嘢，你就試下先，睇落佢都似係投機主義者，賭你喺南面會有所斬獲，話哂佢都係被選上嘅灣仔管理人，數口頭腦都唔會差，一定計過度過先咁決定。你就暫時同意，拎咗佢批醫療物資先......我知道呢個倖存區醫療用品嘅物價，我估你啲病獵喺戰場到受傷，你都未可以完全咁醫治到佢哋每一個......」

「你都有道理。」我把蘋果放到嘴邊咬。

「喂，你唔係餵緊我嘅咩？做咩淨係俾我食頭一啖......」

「測驗下有冇毒。」我吃下整顆蘋果了。

「哈哈，唔知考慮好未呢？我個女係你小粉絲嚟嫁，日日都同我提起你......」伍錦星仍在門外說。

「考慮好。」我把病房的門打開，說：「但我要先收咗筆醫療物資先。」

「絕對可以！成立分部呢啲事慢慢再講都未遲，我哋保持電聯。」

如是者，出院前我和伍錦星達成協議。

但我願意定立協議的主因，都只是為了前線病獵們的生命著想。

如果單純因為醫療用品不足，而白白死在戰場，就死得太冤枉。

我回到協會不出兩天，伍錦星他果然就送來一堆醫療物資了。

經過協會人員檢測，確實是專業的醫療級藥用品，可以即時送到戰場去。

由於這些物資價值不菲，為免生出什麼意外，我命令百里和林楚兩名大病獵，負責運送醫療用品到奇力山據點，補充那裡藥用品缺乏的問題。

與此同時，我把醫院想出的作戰計劃書，讓烏納咒分別派給每個部隊的大病獵，讓他們按照自己計劃書的內容來行動。

行動日，如無意外會訂立在五天後，那天我預計會傷亡慘重。

因為即使有大量的醫療物資，都無法解決醫療人手不足的問題。

我現在所做的不過是計窮力竭地，盡可能把傷亡數字減到最低。

開戰的日子來臨前，我應該要顧慮很多才是。

可是我頭腦卻經常一片空白，可能因為我已預計出，結果不是我能控制到。

無論怎麼做，我都必然逃避不了傷亡慘重的問題。

到最後，反而讓自己餘下一片空白的麻木會更好。

課金加更呢

今日咁早出

好緊張

牧童笛cls王達尼

達尼

達尼隨身帶牧童笛

達尼吹牧童笛sound track :
https://youtu.be/X2WH8mHJnhM

牧童笛真係好痴線但唔知點解好有畫面

Push

Pish

Ching 不得了 入腦

唔係通緝咗幾年啦咩

zw

咁就推下post喇

好耐冇人講「我愛黎明！」