《十七歲嗰年，我做咗Miss隻兵》2

lm

推

有冇seed

Jessie 我回來了
終於殺青啦～

「你想追返你男朋友呀嘛。」

「同你拍拖可以追返我男朋友？」好奇心蓋過了對雪糕的興趣，Miss Lam不自覺地放下手上的勺子，疑惑地看着阿祖，雙眼眨了又眨，還是無法從阿祖臉上找到答案。

我覺得會愈搞愈衰
男朋友會話Miss Lam無縫接軌係臭雞

lmlm

阿祖係真係想幫miss Lam溝仔定乘機自肥

呀祖應該係想咁

今晚男朋友激親我 所以大家無故睇 我代佢同大家道個歉

咁除夕唔好陪佢啦 陪我哋吖

男朋友要買嘢食哄翻Jessie 啦，有冇文靠佢啦

新post留名

你男朋友咁曳！

係我辜負咗你！唯有出文補數

食咗好多野

第八章 「唔洗咁嬲喎，我係想講你本身個胸都唔算細呀」

早上十時的迪士尼地鐵站人並不多，阿祖獨個站在站前，雙眼不斷在鐵閘間遊走，等了良久還是未見Miss Lam的身影。

百無聊賴之下，阿祖傳了則WhatsApp給肥仔文：「返到去未呀？」
「咦，仲得閒搵我，條女未到咩？」肥仔文回覆。

早上，肥仔文和阿祖在貼好連儂牆後，一起去了吃茶餐廳早餐，言談間，阿祖不經意地提及一會要去迪士尼的事，肥仔文連忙追問阿祖是要和誰去，他便隨口說是一位正在追求自己的鄰校女生，還說對方長得多如花似玉，卻也被自己俊俏的外貌所吸引，說得真有其事似的，肥仔文便也帶着半分懷疑地相信了。

「你唔係以為約十點，條女真係十點會到呀嘛，唔遲超過半個鐘咪算執到囉。」滿懷經驗的阿祖口雖這樣說，心裏卻還是有點不滿。

「咁你又咁早到？」肥仔文回覆。

係囉，我做咩要咁準時？一時之間，阿祖也被肥仔文問得不明所以。

「你唔係落搭，鍾意咗條女呀嘛？」肥仔文又發了則信息。

「癡線啦你。」

「唔係你做咩咁早到？仲特登為咗條女改今朝七點貼連儂牆，平時嘅你訓少陣都嘈嘈閉，十成九比條女收服咗啦。」

要是平日的阿祖，很可能會反駁肥仔文這毫無戀愛經驗的毒撚不要FF太多，可是今天，他卻猶豫了。

難道他真的被Miss Lam收服了嗎？

無可否認，自第一眼看到Miss Lam，他的眼球已不自覺地被她吸引。

加上與肥仔文的打賭，阿祖不僅是目光，心思都忍不住繞着Miss Lam轉，尤其是在看到她那被他抓着把柄後，那氣鼓鼓卻又無可奈可的樣子，更覺有趣，更激使他忍不住每天都變着法子想要作弄她。

可在這所充斥着「Old Seafood」的學校，誰看到像Miss Lam這樣年輕貌美的女老師不會心動？然而，心動是否等於喜歡？

若不是的話，怎麼連走堂的次數也減少了，還與Leung Sir抬槓？

若是的話，今天又怎麼會來替她追回前男友？還是這只是他的藉口？

這時候，一隻白晳的手在阿視面前揮動，打斷了阿祖混亂的思緒，抬頭看，是Miss Lam。

這天Miss Lam穿了件白色的貼身長袖上衣，和粉紅色短裙，背了個棗紅色的小背包。白色上衣的胸部位置是一個交叉狀的設計，使胸部的線條更加突出。這衣服有兩種穿法，既可是一件普通的長袖衣服，亦可把富彈性的手袖往下拉，露出白晳的肩膀與性感的鎖骨。

要是平日，Miss Lam會選擇前一種穿法，甚至不會選擇這樣的衣服。然而，自那天看到男朋友出軌的對象竟是一位性感尤物，加上連阿祖也說她的衣着無聊後，她便一改以往的衣着打扮，下班後，總是能有多性感便多性感，還開始學習起化妝來。

只是笨拙的她如今還未掌握到化眼妝的技巧，除了日常皆可見的眉毛和唇膏外，只塗了點粉底、眼影和腮紅。

若不是認識她，完全看不出她已為人師表。

「哇，化晒妝，仲着咁少布，你今日真係黎搏殺架喎。」阿祖從沒看過Miss Lam這樣的一面，驚訝地說道，目光禁不住在她身上遊走，尤其是那鼓起的胸部，遂問道：「你墊咗幾多塊砵仔糕？」

「你⋯⋯你望咩呀你？」Miss Lam這才發現阿祖雙眼正緊盯自己的胸部不放，下意識地把雙手擺在胸前，以免他繼續看下去。

「望你個胸囉，突登着一字膊，仲大大個交叉擺係依個位，仲咁大一對，仲唔係想人望？不過⋯⋯印象中你無咁大架喎，你究竟墊咗幾多砵仔糕？」阿祖的心思仍在Miss Lam的胸部上。

「無呀！行啦，鹹濕仔！」怕尷尬昨Miss Lam索性往前走，逃避阿祖的目光。

「唔洗咁嬲喎，我係想講你本身個胸都唔算細呀，其實唔墊都OK，墊咗好似仲⋯⋯有啲太大，無咁好睇。」阿祖連忙跟上Miss Lam的步伐，話題卻仍圍繞她的胸部不放。

事實上，Miss Lam是因為阿祖的話換了全新的內衣，比先前一直穿的那款多了層Push Up的墊在裏面，而非阿祖所言的「砵仔糕」，可她也不知道何從解釋是好。

難道真要告訴她自己今天穿的是Push Up Bra嗎？

「其實⋯⋯」Miss Lam鼓起勇氣嘗試解釋時，卻被阿祖打斷了。

「不過點都比你以前嘅衣着打扮好睇，Good Try呀Miss Lam。」阿祖輕拍Miss Lam的肩膊說，像極了學校一位英文老師說話的口吻。

「我不嬲都咁好睇。警告你呀，咪用Miss Ho同你地講嘅野口吻同我講野，話晒我都係你Miss。」Miss Lam扭動肩膀，甩開阿祖的手說。

「錯，今日你係我女朋友。」阿祖突然牽起Miss Lam的手說。

「咩女朋友？」Miss Lam第一反應就是甩開阿祖的手，卻被他牢牢抓着。

「講好咗今日係黎追返你男朋友架嘛，緊係要拖實我隻手啦。」阿祖十指緊扣Miss Lam的手不放。

「兩者有咩關係？」

「唉，Miss Lam，我已經講過好多次，你又還返晒比我，」阿祖模仿Miss Lam平日在課堂上的語氣說道，聽得Miss Lam連忙反了個白眼，他續說：「都話愈多人爭先愈矜貴，我咁靚仔都同你一齊，先顯得你有價有市，你男朋友先可能，可能咋，有意欲想返黎你身邊。」

「都唔知係咪嘅。」Miss Lam懷疑地說道，內心卻非常相信阿祖的話，被阿祖緊握的手不再掙扎，乖乖臥在他厚大的掌心，雙腿也隨着他的步伐走進了迪士園園區。

「話時話，你知唔知佢地係邊？」Miss Lam問道。

「你未黎之前，條女IG先話遲咗起身，早餐都未食，睇黎有排先到，我地去玩住等佢地啦。」

「吓，咁我地咁早入黎做咩？」

「咁獵人捕捉獵物都會提早到，整好陷阱等獵物黎啦，唔係萬一獵物走咗點算？」

沒想到平日都沒在聽書的阿祖分析起事情來，心思竟比自己還細密有條理，使Miss Lam開始對他刮目相看。

「行啦，我同你去迪士尼城堡影住相先。」

「影相？」對外貌不大有自信的Miss Lam不太喜歡拍照，手機一張自拍照都沒有，即使與朋友外出也難得會看到她出現在相片之中。

「今日着到咁靚，唔係唔影呀，行啦。」

說罷，阿祖便牽着Miss Lam的手走到城堡前。這時人不多，輕易便能找到一個能拍照的空位。

「你唔好咁僵硬啦，試下將隻左腳交叉咁擺前面。」阿祖蹲在地上，還把手機上下倒置，認真地教授Miss Lam應如何安置自己的四肢，才能拍到修長得像有米九身高的女神相。

「算啦不如，好尷尬。」Miss Lam說，一心只想逃脫阿祖的鏡頭。

「算咩，你認真啲啦，唔係今晚無相PO架。」

「PO咩相，我不嬲都唔PO相嘅。」

「緊係唔得啦，要比佢知道你依家變得幾靚，過得幾好，等條仔後悔呀嘛，信我啦。乖啦，快啲趁人唔多嘅時候影返張靚相。如果唔想交叉腳，仲可以三角型咁擺，姐係咁。」阿祖特意站起來示範站姿給Miss Lam看，然後又蹲回去。

聽到是為了追回前男友，Miss Lam馬上乖乖配合，按阿祖的指示做，一連拍了好幾十張照片，有用雙手捧着臉頰的，有撥頭髮的，有裝作不經意不看鏡頭的⋯⋯多得讓人眼花繚亂。

「有啦有啦！就係依張，米九嘅身高，加上不經意嘅笑容，掂晒！」

「隻手擺係頸到，頸痛咁款，真係好睇咩？」Miss Lam看得眉頭都皺起來，卻發現阿祖行開了，正在與一位女途人說話。

過了幾秒，那位路人拿着阿祖的手機，跟着阿祖走了回來，Miss Lam不明所以地看着他們。

「你快啲跟住我啱啱教你嘅姿勢企。」

「然後呢？做咩要搵人影？」Miss Lam雖然還未看懂阿祖的用意，卻還是依照他的說話，把左腿疊在右腿前，接着阿祖的左手牽起她的右手，另一隻手則假裝在替她撥頭髮，看着她的臉說：「笑呀。」

Miss Lam尷尬而僵硬地嘗試露出她的笑容，卻怎樣都不太自然。

阿祖索性低下頭親吻Miss Lam的嘴唇。

雖然已不是第一次親吻，可面對阿祖突如其來的舉動，Miss Lam還是驚訝得瞪大雙眼。阿祖早已猜到Miss Lam會是這樣，便一手摟着她的腰，一手捧着她的臉頰，好掩蓋她驚訝的表情。

「唔該晒你。」

「唔洗客氣。有你依個咁Sweet嘅男朋友，你女朋友真係幸福。」替他們拍照的女途人把手機遞回給阿祖說。

「係咩。」阿祖微笑地回應道。

Miss Lam卻還未反應過來，直至阿祖把那張親吻的合照遞到她面前，她才激動地說：「快啲刪咗佢！」

「點解要刪？準備一陣PO Story架，千祈唔可以刪！」

「唔要呀，叫咗你咪再錫我架啦！仲要留底，簡直係人生污點，唔要呀，刪咗佢！」Miss Lam想要搶回阿祖的手機拍合照刪掉，阿祖卻往拔腿就跑，Miss Lam只好追着他喊道：「唔好走呀你！」
--------------
超出嘅一篇，祝大家新年快樂！！仲以為新一年可以開到新故
大家收貨嗎

新人lm
阿祖嘅對白寫得好好 加油