P.S Miss Li之前無出現過,之後唔知會唔會再出現
Miss Tang(又稱蓮姐)就之前出現過,係個好好嘅訓導主任
--------------------
第九章(3)
自從那天起,Miss Lam的笑容變多了、燦爛了,不再像以前總是滿懷心事,板着一張臉,和阿祖的相處也不那麼拘謹,常常沒穿內衣便在家亂逛,看得阿祖晚上總對她想入非非。
這對阿祖而言應該是好事,只可惜她的笑容不只為他綻放。
星期五放學後,義工小組的負責老師Leung Sir和Miss Li本來要帶義工小組的同學社區中心做義工,可這天Miss Li臨時不舒服請了半天病假,其他老師又都也忙着回家照顧小孩,副校一時找不到人,便對正埋首改卷的Miss Lam打起主意。
「係咪好忙好多卷要改呀?每次經過都見你係到埋頭苦幹緊咁。」副校突然站在Miss Lam桌前問道。
Miss Lam的位置就在走廊前、影印機旁邊,其他老師經過時都會看到她的一舉一動。
副校也不例外,有時候還會找她說說閒話。
這天,Miss Lam以為副校又來找她說閒話,便暫且放下手上改不完的功課,對副校微笑道:「係呀,中六堂堂都Pastpaper,我又改得慢,無計啦。」
副校雖已為人父,年紀早已不輕,可是男人的成長好像只有數字上的增長,外表卻像能永久凍齡般永遠年輕,即使說只有三十多歲大概也有人會相信。
「係呀,仲諗住Miss Li病咗,諗住一陣搵你代佢,同Leung Sir一齊帶啲學生出去活動添。你啲卷急唔急架?」
Miss Lam知道副校不是真的想知道功課是否急着要改好,而是在等她主動答應代替Miss Li帶活動。
Miss Lam本來約了阿祖一起回家看Sex Education的結局,很想對副校說急得很,可想起自己只是一個合約老師,根本不像其他「老屎忽」有拒絕的權利,只好說:「都唔係好急姐,反正今日都無約人,我OK呀。」
「辛苦晒你啦,明明唔係義工小姐都要黎帶活動,仲要係寶貴嘅星期五,你無約人咩?應承得咁爽快。」
有呀,係咪唔洗帶呀?Miss Lam心想,卻說:「我都好少約人嘅,翻到屋企都係改卷,不如同啲學生去學下野好過。」
「難得喎,年輕人竟然無活動,咁就靠晒你同Leung Sir啦。咦,Leung Sir呢?副校這才發現坐在Miss Lam旁邊的Leung Sir的座位竟空空如也。
「喔,佢仲未落堂。」
「咁麻煩你一陣幫我同佢講聲,由你代Miss Li呀。」
「無問題。」Miss Lam爽快回應道。
救命,星期五都要遲放工,OT仲要無補水,仲慘過狗,唉,Miss Lam心想,發了則信息給阿祖:今日要OT,嗚⋯⋯。
「竟然係你,做咩唔搵其他義工小組嘅老師?」Leung Sir問道,正和Miss Lam一起走到操場。
「可能我咁啱係位掛,無計啦。」Miss Lam拖着疲累的身軀,打着呵欠說道。
「佢擺明見你好恰姐,佢邊敢搞其他老屎忽呀。你琴晚好夜訓咩?好似好攰咁。」Leung Sir問道。
昨夜Miss Lam和阿祖看Netflix看到凌晨,本想繼續看下去,卻不知不覺地靠在阿祖的肩膀上睡着了。早上醒來時,竟發現自己在床上,阿祖還替她蓋好了被。
「太多野要改啦,無計啦。」Miss Lam說謊道。
確定人齊後,Miss Lam便負責帶學生上車,Leung Sir則負責在隊尾再次點算人數。
「同學仔,我地今日會去深水埗明哥到幫手派飯,車程大約十五分鐘,大家趁依個時間休息一下啦。」Leung Sir宣佈道,然後坐在Miss Lam旁,司機位後方的座位上。
自那天Leung Sir載Miss Lam回家時,談及阿祖曾待過在兒童之家,要Miss Lam小心阿祖這種學生,Miss Lam激動地要Leung Sir不要戴有色眼鏡看學生後,雖然二人日常見面還是如常地打招呼,Leung Sir卻還是覺得Miss Lam對自己的態度有點不同了。然而,剛巧臨近聖誕假期,大家都忙着趕進度、補課、出卷等,Leung Sir還未找到時間和 Miss Lam解釋。
雖然Leung Sir不喜歡這經常找女同事聊天的副校,但這次卻多得他,Leung Sir才找到和Miss Lam解釋的機會。
「係呢,上次⋯⋯我覺得你其實講得好啱。」Leung Sir鼓起勇氣說。
「嗯?」Miss Lam疑惑地問道。
這幾天要消化的事情太多,那天的對話Miss Lam早已拋腦後。
「嗰日你咪話我地唔應該戴有色眼鏡睇啲學生嘅,返到去我諗咗好耐,後尾我再同Miss Tang了解阿祖嘅背景,開頭Miss Tang都唔打算同我講咁Deep,係後尾我問到,先知原來阿祖嘅Background原來係咁,難怪你嗰日會咁嬲咁話我。」Leung Sir搖搖頭說。
Miss Lam沒想到自己隨口的一句話,Leung Sir竟這麼認真。
「原來你係講嗰日嘅事,我嗰日返去其實都覺得自己語氣重咗,但又唔知點同你開口道歉好,無諗過你會咁認真諗我講嘅野,我應該同你講返句Sorry就真。」
「唔係呀,我覺得你話得我啱架,阿祖無再群埋嗰班人,又無再曠課,可能真係變乖咗呢。我唔應該比以前啲經歷框住。」
「以前嘅經歷?」Miss Lam好奇問道。
「一匹布咁長,就到啦,遲啲有機會再話你知。」說罷,Leung Sir站了起來,轉身提醒同學準備下車。
------------
多人睇唔排除今晚加更,
留言話我知你係咪睇緊
好好珍惜我日日更故嘅日子,不多矣
IG:
https://www.instagram.com/jessie_lannn/