【血荒風波】紅會再致歉 惟籲調節作息勿集中周末捐血再捱轟

2 回覆
0 Like 1 Dislike
2017-05-08 11:44:29


紅十字會早前在facebook帖文稱,「如果4天後急需接受輸血治療的是身邊人,仍然與你無關嗎?」被網民批評有「詛咒」意味,兼情緒勒索,引發公關災難,紅十字會副顧問醫生梁雅詩再次向市民致歉,希望市民不要因此而不捐血。

不少市民在剛過去的周末,響應紅十字會呼籲,前往捐血站捐血,惟輪候時間至少2.5小時,紅會總監袁漢榮昨指,希望市民調節作息和空閒時間,趁平日放工或午飯時間捐血,不要集中在周末,此言論再次激起網民不滿,批評紅會「離地」,不知打工仔苦況,「除咗旺角捐血站,其他站都係收夜晚7點,放工點去捐呀老細?」
梁雅詩表示,中心日前已有特別部署,疏導捐血人潮,例如從流動隊中抽調人手到大型捐血站,亦有邀請休班同事暫時銷假。對於有聲音建議紅十字會設網上或手機程式預約捐血,並提供捐血站實時輪候時間,供公眾參考,梁雅詩說,該會早前在捐血站門口掛上相關告示,現時西九龍的捐血站亦有提供預約服務,未來會積極研究可否推廣至其他捐血站,及利用各種途徑提供資訊。

【網民點睇】
Nancy Chui:除咗旺角捐血站,其他站都係收夜晚7點,放工點去捐呀老細?
Edward Tang:星期六日放假去捐,你就嫌多人得滯,叫人中午食飯去捐,咁係咪叫人唔使食晏,定帶埋飯盒去捐血站開餐?收工趕去,你估個個公司附近都係捐血站?又唔檢討下點解N咁多個血站,平日都係收晚七或晚七半,而家啲工仲邊有咁梳乎,準時收晚五晚六?啲人去晒旺角捐血站,就算開到晚九半,咪又係多人到冧檔。

Hajime Lau:紅十字會不如貼地少少,呼籲下僱主畀人準時放工啦下話?如果平時收工,都仲去到捐血,有邊個想唯一假期,要排個幾兩粒鐘隊呀?
KC Fung:政府應該立法畀市民請有薪假去捐血啦,反正三個月先可以捐一次,咁都唔得?
Man Tik Wai:有求於人,為何不是紅十字會配合捐血者?紅十字會做得呼籲,人手、開放時間、地點、資源應有所配合。造成如今現況,是紅十字會安排不當,還是捐血者的錯?一句「市民調節作息時間」,把整個責任推到捐贈者身上,紅十字會總監確是「三分波高手」。
Johnson Lau:周四五下午6點到旺角捐血站,都爆到七彩。要限時限刻,你冇capability,又唔OT,市民熱情冷卻十分正常。你去政府、大企業丶學校定期去採血算把啦。今時今日有幾多成年男女喺上班時間來捐血呀?你玩多我兩次,我亦唔會再去。
2017-05-08 12:23:05
點解 d 人覺得返工返到乜都做唔到先正常?
吹水台自選台熱 門最 新手機台時事台政事台體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞