進擊的巨人漫畫討論 - 135話（2）

艾倫應該都係跟緊劇本走 只係唔知編劇會唔會係ymir
海報嗰到我諗係代表開放式結局，等讀者想像，因為創哥唔似係啲會跟讀者意見改劇情嘅人

我覺得可以兩睇，尤彌爾其實一直都仲係奴隸，佢內心渴望愛（望人錫嘴+做王老婆）、又渴望自由，佢都仲係愛同自由嘅奴隸，以為一直幫王做野就可以得度，正正符合你講嘅當權者濫用

而艾倫係呢件事上似係兵長，佢選擇做尤彌爾嘅解放者，同佢講真正嘅自由係要自己去做選擇

巨人真係好勁，點傾都有第二個角度，我好鐘意巴打你講嘅曲解理念去愚弄大眾，亦都係創哥筆下嘅瑪雷政治形態

你地好勁

由同馬萊方合作開始停左一段時間冇睇
岩岩一次過睇完
好多位都睇到喊

動畫去到我艾撚痛苦位我實喊夕陽火車一定喊

艾主席

你想點服侍佢

我睇返第一季集集都想喊

暫時最鐘意係 皇政篇
主席叫女神食左佢 個度

個下未恢復記憶 真係feel到艾倫個種絕望 同放棄人生既感覺
再同 之後馬萊篇 對比 更加睇得出 艾倫既成長

好撚煩 鬼撚完滅未

好撚煩 老是常出現

咁興就實多人講
而家巨人都多左人講
希望唔會俾人覺得煩憎左巨人

艾倫真係成長咗好多
啱啱睇翻第一季 艾撚廢到
當時森林個度 女巨人係佢前面 勁驚青咁
望住一個又一個人死係佢面前
尤其係艾魯多死個下 里維班個時已經處於下風
都唔識救人 係到睇戲咁
知道亞妮係女巨+漢尼斯死個陣更加變都變唔到

到咗第四季 佢已經連殺人都唔驚 大鬧馬萊
食埋戰鎚 當鄂巨係罐頭刀咁
皮克攞搶指住佢 佢已經知道對面一定唔敢殺佢
勁淡定
之後騙咗吉克 同意安樂死計劃 引佢入path
叫ymir比力量佢
為咗自由 104期 艾族 成為世人眼中嘅惡魔都在所不惜
要地嗚滅世都唔驚
咩都捨棄唔到 就咩都改變唔到
艾倫已經了解呢個世界嘅殘酷 但係冇人理解到艾倫嘅心思
願意犧牲自己 成全大家

Kaji 配嘅嗰種自嘲無能感真係好正 第三集聽度佢講地獄論最後嗰句：只有繼續前進嘅人先知，好感動

我唔會憎鬼滅
但係覺得佢上到呢個位真係ufo功勞嚟
真係好普通嘅野嚟

里維班嗰度，我覺得艾撚嘅心理係：啱啱知自己係巨人，都係自己好憎恨嘅怪物，而其他人都係咁睇佢，所當里維班想佢信任同伴，艾撚都想融入呢一隊人入面（唔好忘記佢得十幾歲，知自己係巨人冇幾耐，又要做咩人類嘅希望又要被人當係怪物又要做實驗，勁大心理壓力，亦都係佢之後崩潰咗幾次嘅原因

由嗰幕都睇度里維份人係好成熟+睇人好勁，覺得艾撚根本就係一個意志力強到似怪物嘅人，冇咩野可以干擾佢嘅決定，所似佢由得艾撚自己揀...不過艾撚仲係成長期中，所以揀咗信同伴，後來嘅發展就證明兵長不愧係艾撚監管人，勁準嘅眼光

可能過去發生嘅野令我意識度其實自己都好懦弱，所以被艾撚呢啲意志力強大嘅人吸引度

呢樣肯定
ufo真係落左好多心機落去做

屌 下下啲主角10年如一日冇成長冇進步就死啦