進擊的巨人漫畫討論 - 135話（2）

呢個真，呢啲橋段成日虐待觀眾最怕個結局好似00劇場版咁，講啲咩互相理解，成個星球變咗朵花咁根本啲仇恨就係根深蒂固，唔係三言兩語佢哋互相理解就可以化解嘅矛盾

可能同係故鄉嘅萊納一樣 失去戰鬥意智變咗石像
之後比艾撚控制

你唔係睇哂漫畫架啦咩
漫畫post嚟架喎依度

冇可能
亞妮連認真mode艾主席都贏唔到

創哥話當年教官突入叫停咗世紀對決
連創哥都唔想介入女人嘅戰爭

呢場戰爭又係萊納條仆街仔挑起

呢次無得賴啦掛

話說 印象中年尾會早出

萊納今鋪真係好無辜

我記得係艾倫同阿尼練習，阿尼踢飛艾倫，跟住萊納從天而降(俾mikasa踢)

17話 係萊納 走去串鳩阿妮
串撚完阿妮 就叫艾倫上場同阿妮打
然後阿妮先拎艾主席黎發洩 比三笠見到 差d變女人之間既戰爭

無啦啦走去撩阿妮 再推個波比主席 真係無辜?

咦！睇返真係喎，巴打勁
原來一切都係萊納自己開啟的故事啊

個結局應該真係艾撚清到場？
佢既然係知道未來發生咩事，即係純粹跟住條線來行（應該）。
即係個結果係定左，然後佢又冇用始祖巨人嘅力量去制止阿明佢哋。啫係話其實就算唔咁做，艾撚都清到場？
因為如果阿明佢哋最尾係阻止到艾撚，咁艾爾迪亞個詛咒又會繼續落去.....

而家艾撚搞到咁大，真係得清晒所有人呢個選項。諗起火影，憎恨只會帶來憎恨，如果艾倫唔殺清光，又島外界既人反報復

之前有兩張海報，一張係進巨，一張係鎧巨。然後寫住咩「結尾，由你去決定」 真係唔知創哥想點

巴打用咗我之前同你傾過嘅艾倫最後留係路入面回收巨人之力嘅結局

不過我個人嚟講唔想尤彌爾係boss，以前嘅情節描繪佢係艾爾迪亞嘅女神/瑪雷嘅惡魔，後來揭露佢係一個奴隸，到艾倫講話其實佢都只係一個普通人，係人就會感受度被剝削想追求自由，所以會同被囚禁嘅豬共情

好鐘意創哥描寫人有生存於世嘅權利，生而自由，但係追尋自由嘅路上太多選擇要做，甚至係地獄咁嘅路...呢種複雜性令「自由」唔係簡單嘅口號，而係要睇埋背後嘅代價

神就神在其他作品可能只會口號化咁話要自由！要歌頌和平！但係創哥冇咁樣將呢啲思想塞落讀者度，係要你去挖掘背後嘅理念，所以先有咁多討論同評價，甚至去到得番幾集大家都仲為結局嘈

雖然唔會將巨人世界同現實對比，但係真係好鐘意艾倫一路嘅思考同成長，甚至四年間糾結自己點解會咁做，曾經都想揾其他出路和談，我認為一開始佢睇度自己地鳴係他人推佢入地獄，但係隨住時間同埋佢親自體驗見識成個世界，佢終於清楚追求自由嘅代價，選擇咗自己入地獄，所以好想佢睇度盡頭嘅希望

突然諗起美隊個speech: Price of freedom is high but it’s a price I’m willing to pay