背景
兩個都係90後,一齊左年半,打算儲兩三年錢就結婚
我係佢第三個女朋友,佢好愛我,好錫我
雖然大家一齊時間好短,但雙方都為大家付出好多,未試過鬧交, 因為好識得表達自己嘅感受,甚至是過電話入面喊住一齊傾訴,拗撬就有,不過都好快就解決
我拍過好幾次拖,心入面都冇話掛住前度嗰啲, 全部斷曬聯絡,就一直愛住現任
各位可能見到個標題第一時間就覺得我係臭雞,但唔係
比起現任,我試過更加去愛一個人(簡稱甲),嗰種甜蜜,鬧交時既夭心夭肺,分手嗰種痛,係我係現任身上搵唔到,而家亦都已經完全唔愛甲,但嗰種經歷係刻骨銘心, 深刻到成日懷疑自己係唔係唔夠愛現任,可能因為同現任冇鬧過交掛(更遑論分手),未試過有危機會失去佢既感覺, 所以未體會到嗰種所謂既“更加愛“, 不過安穩嘅生活都係一種幸福
有冇巴絲都試過, 唔通最後結婚對象唔係最愛係真既?