發現身邊好多朋友計劃緊移民，其實真係好唔開心

我係由舊登過嚟連登嘅，一直都係CD-ROM，第一次發文可能1999，唔好意思。

我唔係香港出世，中學先喺大陸落嚟，第一次聽到六四呢件事嘅時候真係好震撼，亦都因為咁開始留意政治，開始每年去維園；到旺角魚蛋，自問唔係好叻嘅人，當時都有啲不解，但好快解開和理非心結，開始理解以武抗暴嘅理念。

畢業後我做到自己理想嘅工作，人工唔高，但好有意義，香港真係我嘅家，呢度有我最知心嘅朋友，最敬重嘅老師，最欣賞嘅同事，最想成為佢嘅前輩；仲有中學上體育堂要跑嘅城門河，唔開心時會搭嘅渡海小輪，仲未去得曬嘅郊野，雖然每次露營見到啲垃圾就好撚躁，但我真係好鍾意香港。

「我真係好撚鍾意香港」呢句嘢係我第一次打，因為我好驚自己並唔係真係咁鍾意，如果有一日走咗會對唔住呢句說話。

近來狀態真係好差，自問已經係好樂天嘅人，但每朝起身見到啲新聞真係好辛苦，我真係唔想走，點解要我離開自己屋企？

最近發現身邊好多人都計劃緊移民，我個心好慌，「其實會唔會得我一個咁戇鳩留低？」好難過，好想叫佢哋唔好走，但我唔敢講，點對得住人哋嘅人生？想呻呢樣嘢，但唔敢同身邊任何一個人講，因為唔想比壓力佢哋，我知離開都係一個好困難嘅決定。

但我真係唔想離開。

走淨你一個咋，腥巷只係無人住既小漁村

巴打，完全明白，我都有咁嘅感覺
理智話我知要走，但感情上（唔捨得、唔忿氣、對移民後生計嘅不安）又令我一直唔願就咁走咗去

然後尋日有個friend 舉家移民，更加令我有你所講“會唔會得我on99留喺度”嘅諗法

總之呢兩年就係不停浸住喺惶惑不安之中

我都有同感，自己城市不再是個going on concern

留底係on9
我係第2個

雖然你可能覺得唔關事
香港人點解要走難／移民
已經有好多通俗既作品俾你去理解
有雷神，被毀滅既asgard
或者係進擊的巨人，都係關於存亡既關係
自己代入下啦
去同留都係自己決定

第三個，等緊Join遊擊隊

好彩我係「好唔鍾意香港個批」

由中學開始已經覺得世界咁大，一定唔可以困死香港

第4個on9留名，早排有個中學玩到大學grad既好朋友話移民，喊左成晚

關我撚事

第五個
我都會留低
remember why you started

走啦，留得青山在

一定有同你on9既人陪你

當年共產黨去上海
你以為個個都走到咩

我真係好撚鍾意以前既香港

有時覺得留低比離開更需要勇氣及值得尊重
利申想走

其實我本身都計劃緊30歲前去外國工作，唔係想移民，只係同你一樣，覺得世界好大，想邊度都去下，試下，反而經歷完上年，先更加放唔低，唔想有咩事嘅時候，自己參與唔到。我覺得世界好大，但屋企只有一個。

多謝提醒

比個小島香港人都可以重建香港

存人失地 人地皆存 咁都唔明？

多謝前面咁多位，我最唔開心嘅係，點解大家講就話好鍾意香港，但原來已經計劃緊走。就好似你話好撚鍾意條女，點知佢病咗就話想搵過第二個

我係2014先咁諗，所謂香港養撚左咁多嘔心藍絲出黎，不了
香港收皮係遲早既事

起碼都陪佢睇下醫生，試盡一切方法睇下有冇得救先呀⋯

咁我屋企不嬲都係租樓，隔幾年搬1次
完全冇家的感覺

其實如果有個單位係自己裝修、自己供緊，我諗我都有家的感覺

lm
當年文革游水落黎啲人都好不捨

但都要走


［公告］川 婆 婆 fb Del 人 留 言 可 能 係 藍
https://lih.kg/2313441
- 分享自 LIHKG 討論區