三個月內兩次喺高速撞正你架車行係我前面
準備轉出迴旋處嗰陣停咗喺度幾秒
隱約望到你既身影
感覺好熟悉又好陌生
個心跳得好快
有啲驚你望到我但又諗你會唔會仲認得我架車
估唔到過幾日收工喺另一區又撞見你
今次直情係正我車頭行過
應該三次都得我見到你
以前成日諗
香港咁細
但每日要撞見識既人其實機率都好細
9成中小大學畢咗業嘅同學
明明多數都係住埋同一區
但好似呢世都無再撞見過
所以即使分開咗
我諗可以咁樣再遇見
或者都係呢世我地之間比其他人多咗少少緣份
但再見返你
原來除咗無愛亦已無恨
只有一份淡淡對舊人舊事嘅懷念
希望你都放低咗我地之間嘅恩恩怨怨
同埋祝你同我一樣
搵到屬於自己嘅幸福