https://hk.appledaily.com/local/20201221/EBC43HQZHJDMVNKMV7KZUAQUIU/
「今生只想和你合影一張」
■黎智英至今被關押19天。
【讀者打氣】
相關新聞:台學者轟北京廢立會「港陷戒嚴時代」 籲台擔當關鍵角色施援
壹傳媒創辦人黎智英至今已被關押19天,港人堅持與他並肩同行。
有讀者表示因為黎入獄失眠了好幾天,鼓勵「黎伯伯要堅持及振作,全香港、全世界有良知的人,是等着你回來的」。
讀者Cathy來信,訴說眼見香港再無言論自由,心情很灰,她透露去年曾在警署被拘留24小時,明白失去自由、度日如年的感受,令她更了解寫信予在囚手足的重要性,雖然黎託人帶口信說在入面一切如常,「但實質咩情況我點會唔知」。
她稱之前試過在旺角警署離遠看見黎,但因太多記者,結果只能看到黎的頭髮,「今生只想和你合影一張」。
相信有天等到無罪釋放
現在每天早上就是在搜尋器上搜尋你的名字,看看有沒有你的最新消息。我和所有真正香港人都相信有天會等到你被無罪釋放嘅好消息。要努力支持下去。
Proud of you
十分以你為榮的香港人上
更努力守護我們的家
敬愛的黎先生:
今天天氣寒冷。你還好嗎?夠衣裳穿嗎?
早前收到《壹週刊》告知大家關於出版月曆事宜,我第一時間到同路人商店購買五份。今天收到了。你可以放心,設計與實物都並非像其他隨便送人級數。謝謝你們的用心。我和家人都會放在枱頭,為自己打氣之餘,更努力守護我們的家。
這一個充滿愛、充滿自主、思想自由、任何破壞者都不會得逞的家。
掛念你的手足上
To strive, to seek, to find, and not to yield
Our salute to your ardent support of democracy for Hong Kong. You are a true Stoic of the 21st century.
The Hong Kong people are galvanized by your suffering and we are praying for your early release everyday.
“Adversity breeds strength”......We are many, they are few......To strive, to seek, to find, and not to yield.
Wishing you and your family many blessed years to come.
Elizabeth
政權越羞辱越顯虛偽
黎先生,今日港共政權越對你百般羞辱,越顯得(牠們)虛偽,只會令港人及西方民主國家對你更尊重,(牠們)嘅偽善只會跟民主及法治潮流越走越遠,有良知香港人一定會與你並肩而行, 永不言敗, 祝你同家人一切安好,保重身體為上。
一個黃到金的香港人敬上
唔想齋寫一句手足加油就算
一個普通香港人,33歲女子。眼見香港再無言論自由,心情好灰。再見到你為香港人受嘅苦,更加無力。
普通香港人好難發聲,見到你無辜入獄,一個香港人又能為你做到甚麼。今日只想到想為你寫封信。寫一封好普通嘅信。我不知信的內容是否寫幾多你就睇到幾多,其實有無限字數。亦都不知道你睇不睇到。
上年我喺差館都拘留咗24個鐘,明白無自由嘅感受。 體驗到度秒如年嘅感受。同佢哋嘅飯盒實在食唔到,太難食了。嗰次24小時內我只飲咗三杯水同咬咗一啖三文治。瞓唔夠三個鐘,當時同外界完全斷絕嘅感覺,所以更令我明白到寫信畀囚中手足睇嘅重要性。我唔想齋寫一句手足加油就算,我想你可以睇耐啲封信,所以我之後會寫下我普通香港人一日嘅無聊嘢畀你睇。我亦都知用電郵(貪方便)寫有咁好,用親筆寫比較好,你可以感受到每一行字嘅變化,冇咁死咕咕。
2020年我開始寫日記,記錄下每日發生嘅事,因每日嘅事我都覺得好震撼。黃色經濟圈喺我心目中開始強大了,有時心情差,會特登去下黃店,偷偷見下同路人。見到仲有咁多手足,心情就會好。真的,黎生希望你可以放返出來,不想你受苦。雖然你常託人帶口信你喺入面一切如常,但實則咩情況我點會唔知。我之前喺旺角差館遠處有來看你,不過太多記者了,只看到你頭髮幾秒,笑。今生只想和你合影一張,之前又點會接觸到你大人物。寫住咁多先,下次再寫。因我真的不知你究竟係咪真係睇到我封信,無奈笑。
有一個問題想問好耐,就係支持蘋果日報究竟係支持畀錢訂閱實際啲,定係支持每日實體蘋果報好啲?聽人講支持訂閱好,但又怕俾人唱蘋果日報每日出報份數越來越少。最後黎生,聽人講用爽身粉摻喺床上易瞓,你叫家人入下畀你嘗試下。撐住吖,黎生。