講返背景先,其實我唔太信星座,覺得星座只係會用嚟參考。原本同佢在曖昧期都相安無事,後來我覺得我同佢嘅關係變咗質,同佢見面時就似情侶,但只要我地唔見面佢就問都唔問我嘅野,訊息又少覆,又唔會主動搵我,佢對我若即若離,我覺得佢對我的態度好怪,我就問佢我地到底咩關係。到底發生咩事?佢答我,佢比過機會我。問我同佢咩關喺,當時我答佢答得好模棱兩可,後來佢對我嘅態度就完全唔秋唔彩,亦都冇再搵我。我見佢態度咁,可能我哋真係唔啱。我同佢其實斷聯左三個月左右,呢三個月入邊我發覺我一直都忘記唔到佢。甚至越嚟越掛住佢。到最近想搵返佢,想嘗試做返朋友。但係佢對我嘅感覺依然冷淡,甚至我想用以前嘅事佢做切入點,但係佢同我講已經冇晒感覺。佢話蘇州過後冇艇搭,當時候俾機會我又唔去珍惜。甚至到而家佢唔讀我信息,電話都封鎖埋