我forward人地facebook咋
大學生玩好正常，但絕對唔能夠接受呢啲人屍位素餐，淨係識得用學生會資源去煲煙 隊草 飲酒
若然你哋有能力嘅，咁我相信冇人會質疑你哋點用資源
最大嘅問題係你哋在其位不謀其職，浪費資源
—————
當初編委要一個喺會房嘅工作空間，會長你嘅所謂答覆係「我唔可以guarantee到你哋」，喺會上對會房共用有爭議嘅時候，你就話「幹事會先有行政權決定會房嘅營運」，既然你嘅權力係咁，叫你執個空間俾我哋，你竟然可以話「我啲莊員都好忙，唔知執唔執到俾你」
然而，會房繼續亂粒粒，喺密閉嘅空間周圍都係一大陣煙味，每次上到嚟都勁侷促。
都算，大不了編委喺出邊搵地方開會做嘢姐。而你哋繼續口口聲聲話服務同學，但竟然係用嚟俾你班frd開p 食水煙，玩完就咁收埋支水煙壺喺counter就完事，好chill下添，搞到成陣味都夠膽用呢間房「服務會員」
——————
之後嘅會議，呀p你喺會上嘅表現都顯示緊你幾咁無能：
1.喺常務會議表決委任評議員名單時，當見到同你自己frd嘅人唔夠票數，即刻要求休會，然後打俾嗰個本身冇出席嘅「自己人」評議員，叫佢即刻join會淨係投票。全場人等緊你嘅時候都知你想點，但當最後你啲人仍然唔夠票時，你就完會後先提出覆議。
咁唔係輸打贏要係咩？
2.上任8個月後，評議會會議都開咗幾個月，突然喺委任評議員嘅議案上發現自己唔夠票去委任你嘅人嘅時候，就無啦啦走嚟質疑上屆評主作為當然成員嘅投票權力，一句「我要求再押後投票，因為我搵唔到佢係上屆評主嘅文件」
文件喺曬度，但你家下先提出咁嘅質疑好難唔懷疑你嘅目的
3.p同evp兩位成日口講要修章，但試問你哋交咗份咩草案上嚟？出席咗幾次修章會？
記得1/12就係你嘅請辭生效日，你又係憑咩權力喺凌晨時間同"evp"帶曬成班同學生會無關嘅人喺會房開p 飲酒煲煙？
你哋以為真係好好玩？仲要po曬story用間房去chill，係咪以為上咗任就冇人理？
我屌你哋啦，今次嘅事件係針對幹事會嘅p同evp，我相信入面仲有人係有心做嘢，但你哋係一支莊，呢個都係集體責任，麻煩你哋俾返個交代大家。
如果你哋係咁樣對待學生會，你哋爽手執包袱走人，唔好再霸佔資源
今日係呀P你請辭生效第一日，走之前麻煩你自己安排轉返學生會户口嘅持有人名，清理好會房入面中文系嘅物資，交低你條會房鎖匙
所謂嘅做實事？就係將選舉承諾置之腦後，屌人請辭，但自己就因為加唔到自己人入評議會，冇心做到連章都唔修，走咗人
好記得當初編委要求係會房增設編委工作空間嘅時候，你哋左推右推，話會房嘅行政權利係你哋到，又利用開放會房做理由，唔願意俾個空間我哋，結果原來係開放俾自己朋友半夜開Party，搞到間房亂七八糟
及後又提醒我哋會房唔好亂咁俾人入，但當我係會房自己一個做嘢嘅時候，多次見到你啲朋友入嚟拎嘢用嘢，完全當我冇到，甚至可以見過係會房冇人嘅時間有唔屬於我哋三會莊員嘅人存在，入埋有收銀機嘅Counter，發生咩事？
永遠返到會房就係聞到煙味，有一次開評議會會議，你哋想係會房食煙，最後講咗句「今日係平日」，意思即係週末放假冇人用，唔開放會員入嚟，你哋就可以唯所欲為咁係房食煙？
叫人跟規矩做嘢，你哋有咩？定係只係雙重標準？
