又係我,話說上星期去完岡山玩,今個周未去左關東果邊行下。
想睇我上星期既相可以去呢度
https://lihkg.com/thread/2299527/page/1
又或者follow 我IG 可以睇到日本唔同地方既風景
https://www.instagram.com/___asai/
一早起身見天氣咁好,即刻check下有邊度好去。
秋高氣爽,最好就係去行山,今次試下挑戰下高難度去行岩畳。
搭左兩個半鐘車,終於到達。
因為關東肺炎爆到七彩,周圍都真係冇乜人。
往年勁多人要排隊搭既觀光船都唔見人龍
今次去既岩畳旁邊仲有一條溪流,加埋紅葉
雖然有少少危險,但真係勁靚
影呀影,突然呢兩位係崖邊飲酒野餐既大叔對我部相機好有興趣
同我吹左成個鐘水,浪費晒中午既好陽光
到再次出發果陣,個天陰晒,又凍
除左觀光船,仲有好多其他既水上活動玩
其實當地氣溫得 10度,D 日本仔身體真係幾壯
之後一段山路都係天陰陰咁,愈行愈灰,相都懶得影。
岩畳既盡頭連接住一個楓樹林同山屋,
好多家庭趁周末出黎BBQ同野餐。
飢寒交迫既我諗住去山屋度食碗面就走,因為真係太凍,
點知食完出黎,黃昏既陽光出返晒黎。
雖然時間有D趕,但我決定回頭由楓樹林行返去起點補返D相
有陽光即刻靚返晒
今次就分享住咁多先,紅葉時期我每個周末都會去旅行
大家想即時睇到日本既風景,記得去我IG 睇 story 呀
https://www.instagram.com/___asai/