我本身係大學住宿舍, 同個roommate都幾熟,
平時有咩開心唔開心都會同對方講, 又成日會一齊出街, 都算係好好朋友.
雖然佢係幾靚仔同算係我鐘意果type白淨大隻囝囝,
但我一直都冇同佢講我係GAY, 廢事嚇親佢.
事情係發生係噚晚, 我睇緊我其中一科成績果陣.
我見到我個grade好差, 同我預期既差好遠, 唔開心到差D喊出黎.
佢係側邊見到我咁所以就行埋黎安慰我,
我亦同佢呻左好耐, 傾左成兩個鐘都有.
最後佢見我心情冇好轉返, 所以就搭住我膊頭同我講:
"你同我好好訓一覺, 聽朝心情就會好D架啦"
我聽完佢講就去左沖涼, 但心入面一直諗住點解佢會叫我同佢訓覺,
仲話訓完心情會好, 唔通佢知我係GAY所以想肉體安慰我?
到我返到房佢已經係床訓緊, 我猶豫左一陣, 懷住有少少興奮既心情上左佢張床,
揭開佢張被果陣仲感受到被佢體溫溫暖過既空氣.
我靜靜地訓係佢側邊, 望住佢既五官聽住佢既呼吸聲,
仲忍唔住攬住左佢.
點知果一刻佢突然醒左, 仲問我係佢張床做咩.
我反問佢唔係叫我同佢訓覺咩,
佢先解釋話佢意思係叫我聽佢講自己上自己張床訓覺,
而唔係同佢一齊訓覺.
我聽完好尷尬咁上返自己張床訓,
原來一切都係我會錯意, 搞到佢依家好似仲懷疑我係GAY咁,
究竟應該點算好...