今晚屋企要迎接兩隻小生命。

好緊張，呢種緊張真係好耐都未試過，呢幾日開始添置佢地 d 碗碗碟碟，佢地作息既地方，幻貓沙盆同食物，砌貓樹忙過不停。

準備嘅同時我同女友要面對處置我地隻愛貓九月離世後依然原封不動，有咪咪尿味既貓砂盆，依然仲保留住去世前一刻食剩餅仔既餅兜，依然仲運作緊so far 冇哂水都會 fill 滿既飲水機，一櫃桶既老年貓糧，supplement ，咪咪同佢爸爸兩隻食剩既藥，都會有種好唔捨得同勾起呢兩隻寶貝離世既傷痛。

兩隻小天使，左邊十九歲兩年前既九月廿五號走，灰色呢隻十八歲剛剛九月廿四號走，兩隻小伴好似夾定日子咁。

我都有諗過應唔應該再養既問題，而家養貓貓長命既話有廿年命我到時都六七十歲，而家或者真係我呢生人最後一次養。

昨晚返到屋企，灰色好似哥哥咁護住後面忌廉色細佬，兩隻都唔敢出黎。

細佬好怕醜

灰色個隻more

好得意
多圖plz

more
舊貓會幫手睇住呢2隻新貓㗎

好可愛呀 邊度搵返來㗎？

我隻貓貓一年前走左 都1516緊好唔好再養

想睇兄弟合照

依家肯出嚟未？

其實返黎嗰晚冇耐兩隻小伴己經八掛凸個頭出黎，但新環境點都係驚，灰色就大膽 d ，忌廉就細膽好多，但驚還驚，一拎條羽毛棒出黎兩隻野就掛住玩唔識得驚，第二日就開始周圍探索，尋晚灰色仲無端端向我女友個枕頭瀨珠，激死。

正

養貓係一種福氣

好過癮

你轉個方式諗你拎養既話係幫緊等緊被領養既貓貓更長命更好生活，到期無人領養就打針架啦希望支持領養代替購買

好撚得意呀屌你老母

好驚第時我都會咁

你五十歲？

過多幾年。