勞力士/帝舵 Q&A
陸續更新 希望解答到你既問題
Q:邊間水貨舖信得過?
A:無人敢講邊一間一定信得過 你可以問下依到既師兄有無推介 但風險自負 亦都建議你係水貨舖買完上14樓驗真假
Q:咩叫14樓?
A:14樓係勞力士維修中心 地址係怡和大廈 14樓
可以保養手錶和檢驗真假 Tudor既維修中心亦都係同一層
Q:14樓開放時間
A: 14樓開放時間,星期一至五朝九晚六,星期六日同假期唔開(由特辣隊長提供)
Q: 買行貨錶去邊間買?係咪無折無分期架?
A: 上勞力士官網可以睇到有咩經銷商 依啲都係行貨 亦都叫AD
折/分期要睇款同睇下間AD有無 間間唔同
Q:xx款有無得排 要排幾耐?
A:所有你網上見到有炒價既款都要排 亦都要排好好好耐 尤其鋼款
例如 黑十,盲十,百事,batman,沙士⋯⋯
有貴金屬既款就會較快排到
當然除非你係vip
Q:何謂vip
A:係AD購買一定金額成為既會員 係會有特快隊 有幾快就要睇你消費金額有幾多
Q: xx萬內有無咩Rolex 岩新手玩 有咩最值的推介
A:係自己預算之內又鍾意既錶就係最值既款式
要保值就買黃金
Q:咩係積木錶?
A:積木錶就係用"不是"原本隻錶既零件而組成既手錶 但即使用返同一間公司既零件 都可以叫積木錶 尤其機芯同錶面除非係勞力士維修中心更換既零件 (由特辣隊長提供)
Q: 唔識人 點先可以係AD(授權經銷商)排黑sub百事鋼地果啲?
A: 第一條路:正價買錶不過要做vip,買返幾萬至幾十萬不等既其他野
第二條路:炒價買錶 周xx以外既AD
(由三六狗同Strepsil提供)
仲有同人無親無故就唔好咁厚面皮叫個同你三唔識七即人幫你排隻炒款錶
Q:保養期內有什麼免費或收費服務?
A:免費有抺油,打磨
收費有換鏡面收1200(不留維修記號)
如過左保就要加5xx安裝費(由怪俠一大碌提供)
Q:新卡點分行貨(888)定水貨?
A:轉左新卡後 卡上面只有購買日期同serial number 若要分辨水/行要上14樓先區分到 。