講番個背景先
我小學4定5年班有一日落街 個心冇啦啦自己嚇到離一離咁 果陣好細個 驚到仆街 之後就一直個心整番果種離一離個感覺 （姐係好似你以為自己唔見咗手機 個心嚇到離一離咁）一諗起個心就會嚇一嚇 果種感覺會last全日 心跳又快 勁煩勁辛苦 完全集中唔到 訓覺又因為心跳而失眠 唔開心到喊
之後去屋企人帶我睇急症 照過心電圖同揹過24小時check心跳嘅機 話心臟冇事 之後叫仲係小學嘅我放鬆啲就叫我走
如是者一直冇理佢 到中學大學 果種心跳感覺一直都跟住我 測驗考試要溫書嘅時候感覺仲勁 成日都覺得好大壓力咁 慢慢個心全日會痛 抖唔到氣 個人會好熱 勁辛苦
到畢左業 開始冇哂讀書壓力同埋出嚟做嘢加上又拍拖 冇再諗個心 以為自己好番 重點黎啦 有一日沖涼個心嚇一嚇個感覺又出番黎 覺得佢會影響到我返工拍拖同日常生活 同埋唔想去番以前咁
2個月後 我開始頂唔順睇急症 開咗止痛藥話心臟冇事就叫我走...之後中醫，家庭同心理醫生全部都睇過搞唔掂 好無助 成日喊 明明冇咩壓力都可以搞到咁 然後決定睇精神科
第一個醫生話我有驚恐症 開左血清素同鎮靜藥俾我 睇左9個月 病情都反反覆覆咁 個醫生成日唔係好聽人講嘢仲叫我減藥 明明未好哂佢都叫我可以畢業
第二個醫生就好細心 不過聽到我d症狀都R哂頭 冇見過有人係咁 話我唔似驚恐 因為冇panic attack同埋驚恐都好少會last全日咁耐 然後佢話我可能食躁鬱d藥會岩 但我google過躁鬱d症狀又同我唔係好似
有冇人有類似嘅問題可以幫到我 因為個病洗左好多錢
