河畔線過死車問題

啱啱個星期六下午1點幾練習河畔線，崗背街惠康對出開始，啲死車同對頭車比平時多勁多，平時練通常只有左邊有死車，師傅教係望右鏡打右燈回頭望右盲區，埃住中線或佔用右邊少少線咁過死車，但我想問，如果左邊有死車同時右邊對頭線有車停曬係度等燈位，正路我係要左右各距離一米咁過，但我想問呢個情況(即三車並排夾係中間)，我應該係打左燈定右燈，因為兩邊都有障礙物，即係當超越左邊定右邊障礙物咁過?求賜教🙏

右燈

督油

如果隔離有車等燈位
當然係停係度等冇車安全先開始借隔離線行

但如果夠位唔過，考官係有權肥的，網上睇同師傅教都係話要過，除非右邊車埃得好埋甚至佔用我地行車線，咁就要停(因為再去就會太接近物體)，但因為果日好亂，都唔記得師傅叫我打左定右，同埋想請教吓有經驗師兄，謝謝

要讓啲車過哂你先去得，等幾耐都要等

如果要騎中線，一定要打住燈
騎中線其間有對頭車，一定要停車
記住同死車有一對車門距離

正路要等對面車過晒先
但如果你真係覺得夠位，咪極慢又好緊張咁望住咁過，等考官知道你知有障礙物，同埋好小心

除非對面啲車停左等紅綠燈

btw, 點解你唔直接問師傅？

個情況就係咁，停左一大串車龍得過燈咁師兄意思係咪要照過，但如果過是否要當佢地死車咁過?即打左燈左鏡左盲區?

同意
但如你真係覺得夠過就真係要望多啲等考官知你有安全意識
如果求其望兩下就行就好大機會俾人踩停

果日好亂，練完仲好迷惘都唔知點問係返屋企上網睇片再上討論區睇先大概知返個做法係點

考時睇官心情
當考時駛入去避車，官可以話冇善用優先權
唔避慢駛，可以話冇注意路面情況/兩車距離太近

如果夠位既 照過
打燈 睇鏡 盲點
重點你要夠位過先好郁

點解要左燈 左鏡 左盲
唔應該係右燈右鏡右盲區咩

因為當右邊對頭車係障礙物但左邊又有死車，我就係因為夾係中間唔知打咩燈

總之咩都右 過左啲死車就望返左鏡就得

謝謝師兄解答

祝pass 幾時考

都係照打右燈
過曬死車先打左燈 望左鏡死車有無追上 然後返左邊

如果你過緊死車 同時有對頭車過緊嚟 一定要慢
如果未開始爬頭 見到對頭車唔讓你就要停低等佢過


嗰日都係練河畔勁多死車對頭車

10/28 星期三早上9:30

師兄都無係學緊?星期六中午時間啲人揸車入河畔食嘢，勁多車，之前未見過咁嘅情況

不過多石銀城機會大啲
佢睇你唔順眼先會簡河畔比你