分享下, 一向知貓唔易夾, 所以一領養就決定養兩隻
而佢地2個就真係好親, 新手養貓黎講真係好簡單又開心
半年左右, 係義工到知道有隻受虐既貓好慘, 自己又覺得做貓奴做得好爽,決定接收埋病貓3號
點知變左惡夢開始, 首先本身3號就有d 手尾
不停出入獸醫, 用左幾萬, 錢都事少, 佢黎到打亂左屋企d 貓既平衡
大既鬧情緒, 唔肯去廁所, 四處屙 (包括我張床
)
中間又同新貓唔夾, 行近d 就又fee 又打, 仲有時扭計唔食野
然後佢地既地盤又無晒安全距離, 個個都唔目在
3號去過獸醫留院, 佢一離開屋企, 大果2隻馬上變返相親相愛
反覆咁搞左大半年, 而家佢地只係勉強接受對方存在
偏偏同時3隻都好親人, 晚晚上床一齊訓, 中間發現對方存在就係床到大打出手
覺都無得好訓
所以加貓本身都好大考慮, 加埋你空間唔多, 所以先叫你三思