劏房想領養貓

如題,小弟自己一個住劏房，百五尺左右。基本上擺咗張床，電腦枱同凳，一個衫褲架，一個米七既貓跳台咁。因為本身都養緊一隻七個月大既男仔貓，成日見佢無所事事咁好似好悶，我又WFH做足全日野，冇太多時間陪佢玩，想趁佢仲細，搵個女伴比佢（絕完育仲會唔會扑野？）
想問我有冇可能領養到多隻女伴比佢？愛協個到好似搶口罩咁，適合年紀（六個月至一歲）既貓女基本上一出就hold晒
目前預每個月三千蚊筆直比兩隻貓做伙食，而家每日乾糧定量長糧+晚餐開一個罐比隻貓食。但佢食得一半，剩低個半罐雪完佢又唔食要倒咗佢；買親新既主食罐都食得好興奮好有胃口，到fake鳩我買咗一打以為佢鍾意食個陣佢聞一聞就拍拍蘿柚唔再食。飲水機餵食機都有，兩個貓砂盆。

同d 死窮撚都要生仔一樣 正仆街

唔好害貓啦

養寵物要講預算
你養掂自己先咪害人喇

你有冇衡量過自己能力⋯養貓係一個承諾，唔係話想養就養
你自己都唔夠空間住，格硬養貓盞搞到人貓都辛苦

on9wfh就話睇住
遲d冇wfh兩隻野係屋企自生自滅咁

唔係話住劏房唔可以有自己生活
但你住緊咁既呎數一隻真係極限
貓都需要活動空間而唔係齋一棵貓樹就夠
見你俾3000蚊俾兩隻貓都睇得出你係會錫貓
不如到你有能力住大d個陣先再養多隻

同埋你覺得隻貓on99冇人理
但係你有冇諗過唔係隻隻貓都鍾意有伴
最差既情況係
有d貓係接納唔到有新貓
無論幾長時間都磨合唔到
最後隻舊貓有情緒病
你仲要得咁細地方
有咩事起身兩隻貓係度困獸鬥

人地買又屌 宜家想領養貓又屌

自己一個住養寵物有乜問題？
俾你全屋有十個人又點
十個人都唔會出街？

宜家人地餓親隻貓咩？
乜撚野顧唔掂自己？
有錢住劏房咪者係有基本經濟能力囉
你估宜家租房平咩？
係咪一定要住私樓先叫顧掂自己？

巴打，如果你真係有心，就試下搵獨立義工領養啦
有唔少劏房成功領養既case
愛協唔洗諗，冇可能領養到

我住緊千5尺養緊一狗兩貓都驚佢地冇位行會悶

貓義工: 半歲既貓性格唔係咁穩定, 唔適合你既情況, 我地有大量6歲以上性格穩定既貓, 佢地好需要一個家, 你不如考慮下

一個人訓都嫌細啦
重要養2隻 跑下既空間都無
唔好要隻貓同你捱窮啦

養啦，但支持領養👍🏼👍🏼你隻貓仔真係好可愛

屌你哋老母
人地住得細就無權養貓？
想解下悶都要俾你哋屌？
係咪要住幾千呎先養得呀？

過來人
如果你想要歌隻貓互相陪伴好錯 佢要你陪唔係第二隻貓

好好笑雖然預咗係咁
澄清返樣嘢，我係一個90後，
幾年前U grad出黎做野。比咗近半人工做家用，唔想同父母住，所以一年幾前由公屋搬出黎住劏房，扣晒住宿水電家用交通乜費麥費，食同玩個到都仲有幾千蚊，得閒就學吓煮野食，玩吓慢煮，煎炸焗野，磨下豆沖下咖啡咁，都勉強叫生活自理到。

而家隻貓黎到我屋企，怕佢熱親一直長開冷氣比佢。For 佢食既，玩既，睇醫生既錢其實扣埋我都仲可以得閒鋸吓扒，周圍去懲罰吓黃店。

空間上我已經扔晒可以扔既野，砌咗起碼不少於一張queen size 床既空間留空用黎同佢玩。退一步黎講大不了考車租村屋，甚至搬返同老豆老母住。

時間上我每日都有陪佢玩兩次十分鐘既玩具，唔好提夜晚要摸佢十幾廿分鐘摸到佢夠皮自己跳走我先敢瞓，我敢講我唔係做緊野既時間我都係喺到幫佢吸塵拖地鏟屎，或者睇緊片睇緊資料點同照顧佢。而家種緊貓草比佢食

工作上我做IT比較彈性，基本上交到貨就得，黎緊唔是開會個啲都可以留係屋企餵隻貓，盡量做到令佢少食多餐。平時星期六日我都係留係屋企玩煮飯仔/OT，根本唔存在咩自生自滅反而係要睇隻貓面色做人，太夜都唔瞓佢會嬲爆爆望住我；針筒餵完藥，有一期要好密咁洗耳個陣又要tum返佢⋯一大堆野


而家佢一星期至少重0.1kg咁成長緊，每日抹眼清耳仔佢會乖乖地伏係到等我搞好欣慰

我自問已經盡我所能去錫佢同照顧佢，唔明點害佢法

不過我承認隻貓係買返黎係抵屌，個陣準備好晒貓窗紗個啲之後一時衝動走咗去買。第二日先見到啲針卡啊，寵物店點繁殖啲貓啊呢啲，而家比多次我揀我會揀日日收工去center到磨吓求領養咁。黎緊亦唔會再幫趁有賣貓狗既寵物店。貓女個個問題我只係想睇吓有冇機會領養到，冇既亦都只係會試探下佢鍾唔鍾意落街識新朋友，鍾意就星期六日帶佢去啲動物公園咁。

佢精力太充沛舉個例子，一支新既逗貓棒一日就可以比佢咬到啲毛散開晒，第二日支野啲毛已經斷咗每次瞓醒就係喺到玩魚魚左衝右衝；我做緊野又過黎坐我keyboard 要我陪佢玩，有次send咗啲 $:&;$;&/hdheirhhtbfkdoeJdjfGgUhHh比客真係喊三聲。真係要做全職逗貓師先應付到佢。養多隻我唸佢地都會自己玩，分擔下掛

睇啲義工既文話幼貓如果有伴咁成長會比較好，所以先唸緊好唔好領養一隻同佢相處得黎既幼貓（囡。希望一齊成長既話，佢會更開心咁樣。係咪真係養多隻個到其實都要再唸。

明白，所以都係想睇吓領唔領養到姐。相處個到我都要唸個方法，比如帶佢去「相睇」咁，預先接觸定先。空間個到我再盡量扔晒啲非必要既野佢先（衣櫃，擺焗爐煮食用具既架etc)。真係有合適既貓而空間又唔夠既我都有能力（比少啲家用）搬去大啲劏房。最盡我都可以比到一皮係租+水電到。養兩隻貓應該變返月光族

呢個月睇咗好多RTHK講啲救貓狗既義工既片。有個馮太既收養成幾十隻狗真係睇到我好慚愧
我再斷捨離一下啲野之後都會上Facebook 搵下呢啲

不過自私啲咁講，我係幫隻貓搵女伴，可以既話都想試養一下，睇吓我隻貓鍾唔鍾意佢。點同啲義工開口
動機同立心都會比人

6歲既成貓黎到會唔會霸咗佢大佬既地位嫁我隻貓先七個月大，食嘢個到lam晒啲糧去邊位就以為清盤，智商真係女既成貓會唔會主動照顧忍讓隻幼貓？如果可以嘅話其實都可以比佢地相處吓

認真探討
真係知錯，唔應該買貓針卡個到洗咗幾千蚊睇醫生先攞到個安心，然後發現有個領養中心係隔離街
最記得第二晚就要餵佢食藥同滴眼水，急到喊住敲隔離屋門，搵佢幫手餵。到而家單人餵佢食藥水一分鐘搞掂超有成就感

不過都係多得隻貓乖

你買到健康貓 真好彩
貓既地域意識好強
你養多隻佢地每日打交

呢一刻無咩病痛仲可以，老貓醫藥費好高，留啲錢比佢哋做醫療好過。
最近打咗支補血針連醫生費要$8000