我地由第一日開始已經所有野aa制,我覺得無問題,大家都係出黎做野一兩年,人工唔係高,各自承擔自己嘅洗費好應該,佢見到有野想買但又唔捨得,我第二日就買咗送俾佢,見到佢咁鐘意,我好開心。
但一齊咁耐,佢咩都冇送過俾我,我唔係要d咩名牌野,連小禮物都無。但相反佢以前同ex一齊嘅時候,佢搵得少過宜家,佢會買野送俾個ex,食生日飯千幾蚊一位,買個靚嘅蛋糕都五六百,我同佢一齊咁耐,佢幾乎無洗過錢喺我身上。
自問對佢真係好好,全心全意咁愛佢,佢都成日話愛我,想同我有將來,但一諗到佢以前咁對ex,但對住我就咁樣,我就好唔開心。
佢ex係果d好港女嘅女仔,人工唔高但用名牌袋,成日出入酒店食tea,化濃妝又著到好暴露果d。而我就係好樸素,唔用名牌、幾乎唔化妝果d。我條件唔差,但好唔明點解佢會同我一齊。
係咪平時錫住佢荷包,拍拖所有野aa制,男人就唔會花心思落女人度?咁點解我要做個好女仔?做個港女日日俾個男朋友氹唔好咩?
連登仔唔好成日話香港無好女仔,而係有好女仔你地唔珍惜。