清潔女工涉縱火 控方欲呈雷射筆與刀片 官：呈堂做乜？

年輕清潔女工涉嫌於去年9.21「光復屯門公園」遊行當天焚燒堆放路面的垃圾桶、欄杆及木板等雜物，被控一項縱火罪，案件今開審。被告在案發後八天始被捕，控方打算將被告被捕時在背囊內檢獲的雷射筆及刀片等物呈堂，裁判官直言本案處理的是縱火案，反問控方：「呢啲呈堂做乜？」而當被問及現場行車道損壞情況的證供時，控方直認：「依家未有。」

被告在事發後8天、即同月29日在北角警署被捕，警員在其背囊內搜出手套、刀片及雷射筆。控方傳召搜出上述物品的警員出庭，又打算將有關物品呈堂。主審裁判官陳炳宙直言，現時審訊關於縱火罪，反問：「呢啲呈堂做乜？」

辯方直指有關物品與本案無關，且與縱火案相隔8日才被搜出，對被告的不利影響遠超於證案價值，故反對將有關物品呈堂。陳官以控方不符呈堂的法律原則為由，拒絕控方申請。

另外，陳官亦關注控方證人的證供未有提及現場行車道的損壞情況，控方直認「依家未有」。

https://hk.appledaily.com/local/20200916/GMOFOEDIH5CTRLCZFV7INFVPSY/

控方已經痴咗線，以為求其放低啲嘢就當係證據，喂佢個律師牌邊度出㗎？

做戲洗鬼律師牌

推

其實控方係咪賭緊係咪紅官
紅官就坐左再審

肯定係啦 又可以知道邊個官唔紅

以為睇緊笑話...

踩線 好多剩返D紅官

荒唐過方唐鏡

佢地做咩都no cost

因為陳炳宙唔洗呢啲證據都夠釘死你
所以扮下公正
佢判堵路坐兩個月，雙蘇都係判緩刑

court仔控方應該係檢控主任唔使係律師

咁似打工仔趕Deadline求其交D垃圾比老細

其實呢個設計係相當精妙，佢地目的係拖最大堂數去罰辯方通霄研究佢d廢料，同埋罰被告請假上庭

佢無中生有又一堂，下次加控藏攻擊性武器又可重審

仲有幾日就一年, 但"現場行車道損壞情況的證供"仲未有, 咁律政署基於咩理據可以將單案上庭?

你覺得佢真係有律師牌?