睇吓幾大品牌啦,真心一啲跨國品牌一定有做QC,QC都分好多種㗎嘛,有啲可能係原材料開始就做,咁就變相唔會係呢間品牌去做囉,品牌可能會問返佢哋攞報告。
去到個品牌自己嘅包裝廠房又有另外嘅QC去做,大品牌一定係比較多資源去做呢啲嘢。
動物測試呢啲嘢都係睇唔同牌子,都係果句有好多都係喺原材料嗰間廠去做,又或者外判出去俾人做,但以我所知而家好多歐洲國家都已經禁止左做呢樣野。
都係果句我純粹想同大家講唔係個個品牌都會有lab
尤其是呢啲咁樣嘅自家牌子,有時候你哋見到美容院品牌嘅護膚品或者一啲網店好Hit唔知邊度嘅牌子,其實都可能只不過係香港某間美容產品批發公司去搵一啲廠房整出嚟嘅嘢。
親眼見過一間細公司喺自己工廠大廈搵兩個阿姐入樽,嗰啲咁嘅產品就比好多網店同埋美容院力推,背後仲要寫係歐洲某個國家生產。